العنيده وعمده الصعيد الجزء التاني والعشرين بقلم هويدا زغلول
انت في الصفحة 4 من 4 صفحات
وخيله بيا
دياب
ارجوك يا بسنت ارحميني بقى انا مش قادر اكمل افهميني انا وانت مختلفين مهما تعملي انا هفضل الفلاح ابن الفلاحين وانت بنت السفير والدكتوره وهفضل في نظرك فلاح وبكره تعايريني بده زي ما عايرتيني زمان فاكره ولا نسيتي
بسنت
دياب انا مش هعمل كده تاني وبعدين انا بحبك وما اقدرش اعيش من غيرك
دياب
لا تقدري يا بسنت زي ما قدرتي تعيشي زمان من غيري واتجوزتي وخلفتي هتقدري تعيشي من غيري وبعدين انت ما بتحبنيش ولا حاجه انا عارف كويس انك بتحبي فلوسي ورجعتي لي لما لقيتيني متفوق عن جوزك
ايه الكلام اللي بتقوله ده يا دياب انا بحبك ودي حقيقه مش كڈب ارجوك صدقني
دياب
مش اقدر اصدقك حتى نظرات عينيك وانت بتقوليها بارده عارفه يا بسنت الانسان اللي بيحب بجد بتبان لمعه عينيه وهو بيتكلم مع حبيبه وبيبقى باين عليه اللهفه والشوق حتى وهو قدامه لكن انت بتقولي كلام انت حافظاه مش اكثر علشان تقنعيني انك بتحبيني
ايه الكلام الفارغ ده انت عايز تخلع من الموضوع وخلاص بتلبسه فيا وانا لو ما بحبكش كنت هسيب جوزي واولادي علشانك
دياب
مش علشاني يا بسنت علشان فلوسي انت رجعتي لي علشان فلوسي وشركتي ومنصبي
مش كده برده
بسنت
ما انا مش بعد ما تخسرني كل حاجه تسيبني
انا خلاص اعتمدت عليك كان كلها ثلاث شهور وهنتجوز
ايوه اعتمدتي عليا انك هتسيبي جوزك الغني وهتروحي للاغنى منه
بسنت
انت مش عايز تفهم ليه ان انا
دياب
بصي يا بسنت بما اننا احنا الاتنين اكتشفنا قدام بعض انا فاهم وعارف كويس انك عايزاني علشان خاطر الفلوس وانا يا ستي علشان ما ابقاش خسرتك كل حاجه انا عرفت ديون شركتك 4 مليون هسددهم لك واشتغلي في شركتك واكبري فيها وربنا يوفقك
انت مفكر ان انت كده يعني مش هتشيل ذنبي
دياب
ما فيش ذنب اصلا يا بسنت علشان اشيله انا ما ضربتكيش على ايدك وقلت لك روحي سيبي جوزك علشاني يا بسنت
بسنت
لا انت قلت لي انك موافق تتجوزني وانا على هذا الاساس سبت جوزي
دياب
انت اللي عرضت الاول مش انا اللي عرضت عليك على العموم الكلام خلص تقدري تلمي هدومك والسواق هيوصلك على بيت اهلك بعد اذنك
بتحب شمس مش كده هي دي اللي فضلتها عليا دكتوره الحيوانات قدرت تلف عليك وتاخدك هي مش المفروض اتخطبت خلاص ما هي وضحت اخلاقها اهي
دياب
اخرسي واياك تتكلمي عليها وصل انت ما تجيش في ضفر من ضفرها احترمي حالك وما تتكلميش عنها خالص ودي اشرف من الشرف واخلاقها ما حدش يقدر يتكلم عنها انت خلاص كده ما لكيش قعد في المكان ده انا شهامه مني هخليك تمشي الصبحيه مش دلوقتي اول ما النهار يطلع تاخدي السواق وتمشي من المكان
ايه اتصلت على صاحبتها مياده
مياده
يا بنتي حد يتصل دلوقتي في ايه بسنت
بسنت
الحقيني يا مياده دياب قال لي انه مش هيقدر يكمل معايا علشان خاطر بيحب بنت عمه وبيقول لي ارجعي على بيت اهلك اعمل ايه دلوقتي
مياده
وهو ايه اللي جد يعني انت لسه مكلماني من كم ساعه وبتقولي انه كويس معاكي
بسنت
اهو رجع في كلامه اعمل ايه دلوقتي
مياده
ارجعي على بيت اهلك هتعملي ايه يعني واحد مش عايزك خلاص
بسنت
ايه الكلام ده ومعقول بعد كل اللي عملته اخسر كل حاجه
مياده
ارجعي لجوزك واولادك يا بسنت وكفايه اللي عملتيه روحي وحاولي تصلحي اللي انت كسرتيه ما فيش حل ثاني غير كده وانا ما فيش حاجه في ايدي اساعدك بيها غير اللي قلت لك عليه مع السلامه
قفلت مياده من غير ما تسمع ردها بسنت قالت انا مش هسيبك يا دياب مهما حصل مش انا اللي اطلع بلوشي من غير حاجه انا هوريك
