العنيده وعمده الصعيد الجزء التاني والعشرين بقلم هويدا زغلول

الهدوم انا في اوقات بلبس فيها الجلابيه والعمه عادي وعمرك ما هتقدري تمنعيني
بسنت
يا حبيبي انا مش عايزه امنعك اللي يريحك اعمله على العموم انا اسفه يا دياب انا ما كنتش اقصد ما تزعلش مني حقك علي
دياب
سيبيني لوحدي لو سمحت يا بسنت انا عايز اقعد لوحدي
بسنت
حاضر يا دياب اللي انت عايزه انا هعمله
بسنت مشيت وهو فضل قاعد متضايق وخرج من المزرعه وفضل يمشي وطلع تليفونه واتصل على عامر
عامر
في حد يتصل على حد دلوقتي يا ابني انت مش مراعي فرق التوقيت اللي بيني وبينك ليه
دياب
معلش يا عامر انا مخڼوق وما لقيتش حد اتكلم معاه غيرك
عامر
مالك يا دياب حصل ايه
دياب
انا تعبان يا عامر انت عارف ان شمس اتخطبت لسلطان
عامر
اكيد عارف بس ما قدرتش انزل بس ايه علاقه اللي خاڼقك بالموضوع ده
دياب
مش عارف يا عامر لما بشوفها واقفه معاها بتجنن وقلبي بيوجعني بحس بغيره رهيبه وهو بيتكلم معاه ولا ماسك ايديها مش عارف اعمل ايه يا عامر حاسس اني خسرتها
عامر
اية الكلام الفارغ ده يا دياب ما هي كانت قدامك وجدك تعب من كتر ما عم يقول لك اخطبها وانت اللي كنت بترفض وعمال تقول بشوفها زي اختي زي اختي جاي لما تتخطب تقولي الكلام ده طب ليه يا ولد عمي
دياب
انا غلطان واستاهل اخذ على دماغي بالجزمه هي مش طايقه مني ولا كلمه اساسا يا عامر وبعدين انا ندمان انا كنت بس متضايق ان جدي هو اللي حاططها قدامي وبيقول لي هي دي اللي عايزك تتجوزها كان نفسي يبقى اختياري انا اختارها بنفسي مش حد يقول لي اتجوز شمس
عامر
والعمل دلوقتي وبعدين البنت اللي انت خليتها اتطلقت من جوزها دي هتعمل ايه يا فالح
دياب
مش عارف يا عامر حاسس ان الدنيا كلها بتخبط فيه
عامر
اول حاجه هتعملها دياب انك تصارح بسنت انك مش هتتجوزها وانك مش قادر تنسى ولا تتقبل اللي هي عملته او قول لها انك بتحب واحده ثانيه يا سيدي وما كنتش تعرف لازم تقطع كل الطرق اللي بينك وبينها
دياب
بصراحه انا خاېف اجرح مشاعرها
عامر
ههههه ټجرح مشاعر مين يا حبيبي دي واحده باعت جوزها بولادها باهلها علشان خاطر واحد دي ما بتحبكش يا دياب دي حابه دلوقتي منصبك وشركتك فلوسك اه جوزها معاه فلوس بس انت شركتك بقت اعلى منه في القمه وخصوصا لما بتنضم لشركات القناوي لكن دي لا يهمها انت ولا حد غير نفسها
دياب
بس يا عامر انا متخبط مش عارف اعمل ايه
ساعدني يا عامر
عامر
انا حطيتك على اول الطريق وقلت لك روح صارحها وقول لها انك مش هتقدر تكمل معاها
علشان ما تبنيش امال على الفاضي
دياب
طب وشمس هعمل فيها ايه انا اتاكدت اني بحبها يا عامر وعايزها تسيب سلطان انا احق بيها منه وبعدين هو ما يستاهلهاش