العنيده وعمده الصعيد الجزء الخامس عشر بقلم هويدا زغلول

معاه
رضوى قربت منه وقالت
اخرج انت وانا هحاول اقنعه
دياب
خلاص ماشي
خرج دياب ورضوى قربت من جدها وقالت
شوف يا جدي انا سمعت وفهمت كل حاجه الاحسن ان هي تفضل هنا هي
وهو هي مش هتقدر العيش تستحمل العيشه هنا ده غير كمان انها هتظهر على حقيقتها هي دلوقتي مبينه نفسها الحمل الوديع وانها طيبه وعلى نيتها خلينا نكشفها قدام دي
القناوي
دي عامله له غسيل مخ يا حبيبتي تكشفي مين قدام مين ده بنت تعبانه ميه من تحت تبن
رضوى
تفضل هنا احسن ما يحصل بينهم حاجه بره وتقع الفاس بالراس اما على شمس عقلها كبير وهتفهم الموضوع لكن يا جدي
ما ينفعش نخليهم هم الاثنين بره وما ينفعش نبين اننا معارضين وضد دياب لازم نقف معاه لانها تاخد النقطه دي ضدنا وهتكرهوا فينا
القناوي
انت معاكي حق بس انا خاېف على شمس وعلى شعورها يا بنتي انت عارفه انها بتحب اخوك
وانا كنت بديها لامل ان هي هتتجوزه
رضوى
كل ده هيعدي يا جدي وانا متاكده ودياب هيسيب البنت دي وانا متاكده
القناوي
خلاص يا بنتي اللي انتم شايفينه اعملوه انا مش هعرض حد
رضوى
صدقني يا جدي هو ده اللي ينفع ما ينفعش يبقوا بعيد عن عينينا
القناوي
ماشي يا بنتي روحي قولي له
خرجت رضوى وقالت لدياب
جدك وافق انتوا الاتنين هتقعدوا هنا لغايه ما تبني البيت ولا هتشوفوا هتقعدوا فين لغايه ما تتجوزوا وعلى فكره هو وافق ان انتم تتجوزوا انا اقنعته وقلت له انك بتحبها وان دي حاجه ڠصب عنك مش في ايديك
دياب
بتتكلمي بجد وافق ان انا وهي نتجوز ولا بتهزري
رضوى
لا يا دياب ما بهزرش هو فعلا وافق بس يا ريت تراعوا شعور شمس لان انت عارف كويس
ان هي بتحبك وما تنساش ان بسنت دي لسه مش مراته يعني التعامل بينكم لازم بحدود
دياب
ما تقلقيش انا عارف ده كويس وعارف حدودي يا رضوى الا انت هنا بتعملي ايه وفين بناتك
رضوى
ما فيش يا دياب مشكله بيني وبين احمد وهتتحل ان شاء الله
دياب
سبب البنت اللي انت مصاحباها
رضوى
لا بسبب حماتي حماتي جيت عشان تخرب بيتي مش اكتر على العموم انا مستنيه اشوف هو هيكلمني وهنعمل ايه حماتي عايزاه يتجوز عليا يا يا دياب
دياب
ليه هي جننت الست دي ولا ايه ويتجوز عليك ليه ان شاء الله ناقصك ايه
رضوى
ناقصني اخلف ولد انا بالنسبه لها ارض بور علشان ما خلفتش الولد مش عايزه تفهم ان دي حاجه بتاعه ربنا مش بتاعتي واني ما ليش يد فيها
دياب
ازاي جوزك يسكت لها وازاي اصلا يغضبك هنا هو جايبك من الشارع
رضوى
انا عملت حاجه ما تنفعش تتعمل ايه دي انا قليت من جوزي قدام امي وقلت كلام ما ينفعش يتقال من عصبيتي وهو زعلان مني دلوقتي انا هدخل اوضتي يا دياب بعد اذنك نبقى نتكلم بعدين
رضوى سابته ودخلت اوضتها
ولقت رساله على تليفونها من رقم مجهول 
جوزك متجوز عليك عايده صاحبتك وحامل منه في الشهر الاول