العنيده وعمده الصعيد الجزء الخامس عشر بقلم هويدا زغلول

حق حد انه يخرجني منه
رضوى نزلت على صوتهم 
ايه ده في ايه ومين دي يا دياب
دياب
بسنت خطيبتي وكلها ثلاث شهور ونتجوز
رضوى
خطيبتك ازاي يعني يا دياب وخطبت من غير ما تقول لي انا مش فاهمه حاجه هو ايه اللي بيحصل في البيت ده
دياب
بعدين يا رضوى هبقى افهمك كل حاجه خدي بسنت وقاعديها في اوضه الضيوف لغايه ما اتكلم مع جدي
رضوى
حاضر يا دياب تعالي معايا يا انسه
شمس قالت بتريقه
صح وهي انسه فعلا لدرجه انها عندها عيلين
رضوى 
ايه الكلام اللي بتقوليه ده يا شمس انت اتجنيتي ولا ايه عيلين ده ايه
دياب
احترمي نفسك يا شمس وخليك في حالك ده احسن ليكي يعني
شمس
هتعمل ايه يعني يا دياب لو ما احترمتش نفسي
ولا حاجه خليها لك اشبع بيها
قالت كلامها وخرجت بره البيت
دياب
يلا يا رضوى وديها الاوضه وانا هطلع اتكلم مع جدي
رضوى
حاضر يا اخويا
دياب طلع على اوضه القناوي ورضوى اخذت بسنت الاوضه
دياب
كيفك يا جدي رايد اتكلم معاك شويه
القناوي
انا مش قلت لك ما تجيش هنا ثاني ومالكش قعاد هنا اتفضل اطلع بره
دياب
يا جدي اسمعني الله يخليك انا جاي لك ومحتاجك
القناوي
احسن تروح لست الحسن والجمال اللي اخترتها وفضلتها عن بنت عمك
دياب
بجد اسمعني وسيبك من شمس دلوقتي بسنت اطلقت عشاني وجوزها طردها واهلها مش هيقبلوها وما فيش مكان تقعد فيه بستسمحك تقعد هنا فتره لغايه ما اجيب بيت تقعد فيه لغايه ما عدتها تنتهي وانت مش هتشوف وشي هنا تاني
القناوي
انت عايزني اقهر حفيدتي واخليها لها قدامها طول الوقت وبعدين دي واحده مش محترمه استحاله تقعد في بيتي تاخدها وتغور انتوا الاتنين بره
دياب
يا جدي هقعدها فين بس انا هبقى قلقان عليها لو فضلت قاعده في الاوتيل لو سمحت يا جدي
القناوي
لا لو سمحت ولا زفت بقول لك تاخدها دلوقتي وتخرجوا انتوا الاتنين بره البيت وما اشوفش وشك ثاني انت خلاص اتعديت الحدود الحمراء كلها يا دياب ومش عامل اعتبار لاي حد
دياب
انا ليا في البيت ده حق ابويا مش من حقك تطردني مش معنى اني جاي استاذنك ومحترمك انك تقل مني بالطريقه دي
القناوي
والله عال قوي ما تيجي تديني قلمين احسن انت كده محترمني وعامل لي اعتبار انا مش عارف اقول لك ايه يا دياب بقى تقلب علينا كلنا علشان
خاطر دي ماشي يا سيدي هديك حق اللي ليك في البيت ده وما تورينيش وشك تاني
دياب
يا جدي طيب بس خليها كم يوم لغايه ما اشوف بيت تقعد فيه انا قاعد عند واحد صاحبي
القناوي
مش هتقعد هنا ولا ثانيه واحده يا دياب ودلوقتي تاخدها وتمشي بدل ما اجيب الغفير يطردك انت وهي
رضوى دخلت وقالت
لو سمحت يا جدي عايزك في حاجه مهمه وانت يا دياب استنى بره دقيقه لو سمحت
دياب
استني انت دلوقتي يا رضوى لو سمحتي لما اخلص ابقي تعالي اتكلمي