العنيده وعمده الصعيد الجزء الخامس عشر بقلم هويدا زغلول

الحلقه الخامسه عشر
العنيده وعمده الصعيد
في بيت مازن في القاهره بسنت سايبه الصعيد وروحت لبيتها
مازن
عملت ايه هناك الجو عجبك
بسنت
جدا بلد كويسه وناسها على قد حالهم بسطاء
مازن
من امبارح انت في حاجه يا بسنت عايزه تقوليها ومدارياها من ساعه ما جيتي
بسنت
بصراحه ايوه يا مازن انا كنت عايزه اطلب منك طلب
مازن
طلب ايه انت اصلا شكلي غريبه من ساعه ما جيتي من البلد دي في ايه

بسنت
انا عايزه اطلق يا مازن
مازن
ليه انا عملت لك حاجه زعلتك واشمعنى دلوقتي عايزه تطلقي احنا سافرنا مع بعض وكنت كويسه معايا ولسه جايه امبارح ودلوقتي بتقولي طلقني في ايه يا بسنت
بسنت
مازن لو سمحت ما تحرجنيش اكتر من كده انا عايزه اطلق من حقي اطلب الطلاق في اي وقت انا عايزاه
مازن
لا طبعا مش من حقك هو ايه اللي من حقك انت ناسي ان انا جوزك عندنا ولاد المفروض يتربوا بين اب وام وانت بكل برود جايه تقولي لي طلقني انا عايز افهم ايه السبب ما هو مش معقول بين يوم وليله تيجي تقولي لي طلقني
بسنت
يا اخي انا مش عايزه اعيش معاك هو بالعافيه وبصراحه كده انا بحب واحد ثاني
مازن پصدمه
انت ايه انت عارفه انت بتقولي ايه ولا انت شاربه حاجه انت اكيد مش في وعيك
بسنت
لا انا فوق عادي انا عايزه اطلق عشان بحب واحد ثاني انت بقى عندك ما عندكش كرامه وعايز تخليني على ذمتك وانا بقول لك بحب راجل ثاني فدي حاجه ترجع لك هخلعك
مازن ما قدرش يستحمل ومسكها من شعرها وابتدا يمد ايده عليها پعنف
بسنت
انت مفكر لما تمد ايدك عليا لان انا كده خلاص هسكت وهاته لا انا هتطلق يعني هتطلق
مازن
انت اصلا مفكره اني هسيبك على ذمتي بعد اللي انت قلتيه ده انت تبقي مجنونه انت ست مش محترمه وانا اللي فكرتك خدتك من بيت يعرف الاصول طلعتي واحده سايبه
بسنت
اخرس وما تتكلمش عني خالص انا اشرف منك ومن عيلتك كلها انا وعيلتي وياك تجيب سيرتنا بكلمه
مازن اتعصب 
روحي وانت طالع بالثلاثه واولادك مش هتشوفيهم مدى حياتك تعالي بقى كده
وامسكها من شعرها وطردها بره الشقه بهدوم البيت وقال لها
امشي في الشارع بقى كده شوفي قيمتك يا بسنت هانم وانت مطروده في وسط الشارع بالمنظر ده انت نسيتي انا لولايه كان اهلك لسه شحاته في الشارع ولا نسيتي ان انا اللي مولت ابوكي بالفلوس علشان خاطر يقدر يقف على رجله من تاني بس واضح ان انتم عيله غداره 
بسنت
انت مفكر ان انت كده بتذلني انت هتندم على اللي انت بتعمله ده يا مازن وشغلك ده بكره هخسرك كل اللي حيلتك
مازن
وريني هتقدري تعملي ايه
بسنت
هتشوف هات لي الفون بتاعي علشان امشي
مازن
مش هتاخدي حاجه يا بسنت خليكي محتاسه مش عارفه تكلمي مين
قال كلامه وقفل الباب