ذئاب الجبل _الاولي
قوي.
الضابط عصام
هقولك انا تعمل ايه
افتح ودانك واسمعني كويس .
المشهد .قنا .تعيلب .
تعيلب بيتكلم مع الشخص اللي هينزل بهتون ويعيش فيها علي انه تاجر زى ما اتفق معاه
تعيلب
خلاص يا عزوز .زى ما قولتلك .
انت تاجر بهايم زي فهمتك
امسك القرشينات دول
هتنزل بهتون وهتسأل عن الموطرح اللي اشتريته ليك وهتعيش فيه
القرشينات دول لزوم تجارتك وعشان الكل يصدق انك تاجر كبير
واياك اياك يا عزوز حد يوعي للسبب الاصلي اللي انت نازل عشانه .
فااااهم يا عزوز
عزوز
فاهم .فاهم يا تعيلب يا واد عمي .
عايزك تطمن واصل ومتعولش هم
محدش هيعرف واصل انا مين وجاي منين
تعيلب
عفارم عليك ياعزوز .
يلا اتكل علي الله انت .
ومستني منيك اخبار زينه
المشهد اسكندريه
البدري راح لخاله لبيبه عند ورده علشان ينفذ رغبته انها ترجع بهتون
البدري
بس يا خاله لبيبه لو اعرف انتي ليه محكمه راسك تعاودى لهواره
لبيبه
مفيش ياولدي انا بس قلبي واجعني مش عارفه ليه .
وحاسه اني لازم اعاود هواره
البدري .
طيب طيب يا خاله لبيبه
انا حجزت ليكي القطر بكره الصبح بدرى علشان توصلي قنا في النواره
بكره بدرى هفوت عليكي علشان اوصلك
لبيبه
ربنا يخليك يا ولدي ويجبر بخاطرك .تربية الشيخ بدار صوح
البدري
طيب .أستأذن انا يا ورده
ورده
طيب ما تقعد تتغدي معانا يا بدري .
حاتم زمانه جاي
البدري .
لاه .الجماعه منتظريني في البيت .
وانا اتأخرت عليهم
ابقي سلميني علي الدكتور حاتم
سلام يا ورده
المشهد قنا المستشفي .
الغرفه اللي فيها دبور .
دبور نايم علي السرير وبدأ يتحرك والممرضه قاعده جمبه وتلاحظ حركته وتقوم تقف وتبص عليه .
ويبدأ دبور يفتح عنيه بالراحه
وتجري الممرضه تبلغ الدكتور باللي حصل
الممرضه تخبط علي مكتب الدكتور .
يا دكتور .يا دكتور
الحاله فاقت .وتدخل
الدكتور قاعد علي المكتب
ايييه فاق طيب .طيب
ويقوم الدكتور وبسرعه يروح للغرفه اللي فيها دبور ويدخل عليه
يمسك الدكتور ايد دبور ويطمن علي النبض ويكلم دبور
الدكتور .
حمدالله علي سلامتك
دبور بيحاول يبص بعنيه يمين وشمال ويحاول يعدل نفسه لكن مش قادر
الدكتور .
انت ربنا نجاك بأعجوبه .
اللي حصل في جسمك ده لو حصل لأسد مش هيقوم تاني .
دبور بيحاول يتكلم .
بلسان تقيل .
اني فيييين اني فييين
الدكتور ينادي علي الممرضه ويوصيها علي الادويه وتتابع حالته ويرجع لمكتبه
يمسك الدكتور التليفون ويتصل علي الضابط عصام
عصام
الو .المستشفي ايوه يا دكتور .
بتقول اييييه
يعني اقدر اجي واتكلم معاه
طيب طيب مسافة السكه .
نقطة بهتون
الضابط عصام يقوم من علي المكتب ويلبس الكاب بتاعه وينادي علي الصول نفادي .
دخل الضابط عصام المستشفي ويقابل الدكتور وياخده لغرفة دبور .
الدكتور
ياريت يا عصام بيه متطولش معاه كتير .
حاول تختصر الاسئله علي قد ما تقدر .
ويدخل الضابط عصام علي دبور وبدأ دبور يستعيد وعيه اكتر
الضابط عصام
حمدالله علي سلامتك يا دبور
دبور يبص حواليه ويبص للضابط عصام وميردش
يقرب الضابط عصام اكتر وينزل لمستوي نظر دبور
بقولك حمدالله علي سلامتك يا دبور انت سامعني كويس
دبور بيحاول ينطق
اااانت ممممين
الضابط عصام يرد .
انت مفوقتش ولا ايه
دبور انا عاوز منك كلمتين وهمش علطول
دبور يرد .
انت مييين
الضابط عصام يستغرب ويبصله ويرد
انا الضابط عصام يا دبور انت مش عارفني
دبور يرد
عععصام مميم ووودبور مين
انتو مين
الضابط عصام يبص للدكتور اللي متابع ويقرب الدكتور من دبور ويساله
انت عارف انت مين ولا لأ .
دبور يرد .
ااانا مين
ويدخل العربي في اللحظه دي ويقرب من دبور
حمدالله علي سلامتك يا دبور .
حمدالله علي سلامتك يا واد عمي
دبور يبص للعربي ويسأله .
ااانت مين
الضابط عصام يبص للدكتور تنكار ويسأله .
وده معناه ايه يا دكتور
.
نهاية الحلقه
والي لقاء في الحلقه القادمه .
ياريت كل اللي يقرأ يعمل متابعه لصفحتي الشخصيه ياريت تشجعوني وتقولو لحبايبكم واصدقائكم علي المسلسل بمنشور عن القصه علي صفحاتكم الشخصيه
مع تحياتي
ذئاب_الجبل .عودة البدرى
الحلقه 15
تأليف حماده فاروق هاشم .
تذكير بالحلقه السابقه
ويدخل الضابط عصام علي دبور وبدأ دبور يستعيد وعيه اكتر .
.
الضابط عصام
حمدالله علي سلامتك يا دبور
دبور يبص حواليه ويبص للضابط عصام وميردش
يقرب الضابط عصام اكتر وينزل لمستوي نظر دبور
بقولك حمدالله علي سلامتك يا دبور انت سامعني كويس
دبور بيحاول ينطق
اااانت ممممين
الضابط عصام يرد .
انت مفوقتش ولا ايه
دبور انا عاوز منك كلمتين وهمش علطول
دبور يرد .
انت مييين
الضابط عصام يستغرب ويبصله ويرد
انا الضابط عصام يا دبور انت مش عارفني
دبور يرد
عععصام مميم ووودبور مين
انتو مين
الضابط عصام يبص للدكتور اللي متابع ويقرب الدكتور من دبور ويساله
انت عارف انت مين ولا لأ .
دبور يرد .
ااانا مين
ويدخل العربي في اللحظه دي ويقرب من دبور
حمدالله علي سلامتك يا دبور .
حمدالله علي سلامتك يا واد عمي
دبور يبص للعربي ويسأله .
ااانت مين
الضابط عصام يبص للدكتور تنكار ويسأله .
وده معناه ايه يا دكتور
.
دبور بيحاول يقوم ويقول بعصبيه
اني فيين وانتو مين وايه اللي جابني اهنه
والدكتور يجري عليه ويحاول يمنعه من الحركه ويقوله .
ارجع زى ما كنت متتحركش الحركه خطيره عليك
وميسمعش دبور كلام الدكتور ويتعدل عشان
