حماتي قنبله ذريه _ كامله _ بقلم هويدا زغلول

نسمه 
بجد مش قادره اصدق لحد النهارده متصلش 
بيا

نورا 
منعرفش برضو ايه اللي حصل 
هناك بلاش تظلميه أنا اخر مره لما 
كلمت ماما عرفت أن هي تعبانه ممكن يكون 
ملخوم في تعبها

نسمه 
ايه طيب والنبي ابقي اتطمني عليها 
وقوليلي هي برضو زي امي

نورا 
اصيله والله يا نسمه وبعدها نزلت 
نورا وشويه ورجع ابراهيم وانا كنت بمسح 
واول لما دخل 
 اتوترت من انه شافني كده وقولت ليه...

نسمه _
ايه ده انت رجعت بدري ليه، نورا مش هنا؟

رد عليا ابراهيم وقال _
ما انا عارف انا فضلت قاعد فوق علي السلم لحد ما تنزل علشان اجي اتكلم معاكي..

زعقت فيه نسمه وقالت _
وقعتك مهببه انت ازاي تقول كده وفاكرني ايه و...

ابراهيم بسرعه قال ليها _
اهدي يا نسمه انا جاي ليكي في خير...

نسمه بحده _
ومدام هو خير ما قولتوش ليه قدام نورا؟...

رد عليها وقال بجديه _
قبل ما اتكلم في اي حاجه لازم تعرفي وتتاكدي ان وحياة ابني اللي لسه ما جاش علي وش الدنيا انا بعتبرك زي اختي واغلي كمان، واللي ما ينفعش اقوله قدام نورا ان انا عايزك تطلقي يا نسمه..

اتعصبت وزعقت فيه وقولت _
لا ده انت بتخرف بقي منين بتقولي اني زي اختك ومنين عايز تخرب بيتي..

رد عليها وقال بسخريه _
انتي بيتك اتخرب اصلا يا نسمه، ومن غير تفاصيل انا يا بنت الناس الكلمتين اللي هقولهم ليكي ان في واحد صاحبي مراته راحت بقالها اربع سنين تاني يوم فرحهم في حادثه وهو بيدور علي عروسه وانا قولت ا...

نسمه بحزن _
لو سمحت يا ابراهيم انا ست متجوزه وبحب جوزي واللي انت بتتكلم فيه ده ما يصحش...

ابراهيم بضيق _
اللي يريحك يا اختي...

_جه يطلع تاني من شقته اللي كان الباب بتاعها مفتوح بس لقي حماته في وشه، فقال ليها بهدوء..

ابراهيم _
اهلا وسهلا يا حماتي...

الحما بحده _
هو انتي هنا يا اللي ما عندك ريحة الاحساس..

اتملت عيني دموع وقبل ما ارد عليها قال ابراهيم _
وفيها ايه يا حماتي اتخنقت من البيت شويه وجات قعدت مع نورا اختها في بيتي انا اللي زي اخوها، وصحيح مبروك لشريف الجواز..

اتصدمت وسالتهم وقولت _
ايييه جواز، شريف هيتجوز عليا؟...

ابراهيم _
اسألي حماتك يا نسمه، انا رايح شغلي..

الحما بقلق _
الا هي فين البت نورا..