حماتي قنبله ذريه _ كامله _ بقلم هويدا زغلول
رقيه
انا اهوه خير في اي يا شريف
شريف
المحامي قعد مع جوزك وبعدين جوزك
قاله أنه هيدفع كل حاجه من غير قضيه
وكل حقوقك هتخديها
رقيه
بجد يا شريف متعرفش انت فرحت
قلبي ازاي والله وهو يشوف ياخد
الأتعاب اللي هو عايزها
شريف
مش عيب لما تقولي الكلام ده انا هدفع
كل حاجه
الحما
ربنا يخليكم لبعض يا ولاد متعرفوش
أنا فرحانه ازاي
شريف
المهم ناويه تعملي اي بالفلوس دي أنا
رايي تعملي مشروع وتجيبي شقه صغيره
تعيشي فيها
رقيه
محدش هيعمل المشروع غيرك انت
مشروع في دماغك خد الفلوس واعمل
بيها المشروع المناسب
شريف
معقول انتي هتديني الفلوس بتاعتك
الحما
شوفت مجتش من مراتك اصيله طول عمرك
يا بنت اختي والله
رقيه
مراته طيب وليه بتفكريني بيها بقي
يا خالتي انتي ناسيه أن أنا حبيبه شريف
الاولي ولا ايه، وبعدها دخلت الاوضه
الحما
يوووو شكلي عكيت الدنيا ولا ايه ادخل
يابني والنبي وراها
شريف
لازم تجيبي سيره نسمه دلوقتي انا مصدقت
اني هعمل المشروع اللي نفسي فيه وبعدها
الحما
نسمه البت دي راحت فين صحيح دي ملهاش
مكان تقعد فيه، وفي شقه نورا
أنا كنت بلم الحاجه علشان امسح الشقه
وخرجت نورا وقالت
نورا
برضه يا بنتي مش عايزه تريحي نفسك
شويه
نسمه
والله انا مش تعبانه وبعدين قولت فرصه وجوزك
مش موجود علشان اعرف اروقلك الشقه
نورا
ربنا يخليكي ليا طيب انا هنزل اجيب
شويه طلبات لحماتي واجي علي طول
نسمه
هو شريف برضو متصلش بيكي يطمن
عليا برضو
نورا
وهو هيعرف منين بس أن انتي عندي أنا كده كده
هروح واعرف الدنيا ماشيه ازاي
