حماتي قنبله ذريه _ كامله _ بقلم هويدا زغلول

نسمه _
راحتلك تلاقيها وصلت بيتك..

الحما _
طيب اقعدي نتكلم..

زعقت فيها وقولت_
نتكلم في ايه، جوزي هيتجوز عليا، ليييه ده انا اللي مستحملاه علي عيبه وحرمت نفسي من الامومه عشانه، يعمل فيا كده في الاخر يتجوز عليا، واكيد رقيه صح..

الحما ببرود _
وفيها ايه يا بنتي متكبريش الموضوع..

نسمه بعصبيه _
انتي بتقولي ايه يا وليه انتي..

الحما بغيظ _
انتي ازاي تكلميني كده يابت انتي، هو انتي نسيتي نفسك ولا ايه؟..

نسمه _
لا انتو اللي نسيتو نفسكم انتي وابنك، بقي عايزه تخلي جوزي يتجوز عليا وعايزاني احترمك تاني، انتو ناس ما لهاش احترام اصلا...

الحما بسخريه _
والله هو راجل وكبير وهو اللي عايز يتجوز، اصل رقيه صعبت عليه اكمنها اطلقت، والحب القديم بقي و...

زعقت فيها نسمه وقالت بدموع _
ورحمة ابويا ما هسكت المره دي، جوزي ابنك بس قبلها خليه يـطلقني الاول....

الحما بفرحه كبيره _
يا اختي الف بركه اننا هنخلص منك، بس يارب ابني يوافق...

ــــــــــــــــــــــــــــــــــــــــــــــ

_بالليل جه شريف وامه عند بيت ابراهيم وقعدت معاهم نسمه اللي كان الحزن باين عليها اووي..

نورا بدموع _
والله اللي بيحصل ده حرام، يا شريف هتسيب نسمه حب عمرك كده بسهوله..

الحما _
بس يا بت يا نورا بطلي كلامك المايع ده...

قال شريف بضيق _
انا ما قولتش اني عايز اطلقها يا نورا هي اللي طلبت، وبعدين فيها ايه لما اتجوز لما لقيت بنت ناس وبتحبني وواقفه جنبي...

ابراهيم بحده _
بطل افتري وانانيه يا شريف مراتك واقفه جنبك من البدايه،وحتي انك مش بتخلف وهي متحمله وقاعده معاك....

اتعصب شريف،وقبل ما يرد علي ابراهيم قولت _
هو الماذون فين بالظبط..

رد عليا شريف وقال _
علي وصول يا نسمه ما تستعجليش اووي..

_وبعد شويه جه المأذون واطلقت نسمه من شريف، وبعدين دخلت جابت حاجتها من جوه، فا قامت نورا وسألتها وقالت بحزن...

نورا _
رايحه فين بس كده يا نسمه..

مسحت نسمه دموعها وقالت _
انا بشكرك جدا يا نورا انتي وابراهيم علي وقفتكم جنبي، بس خلاص ما بقاش ينفع اقعد هنا تاني..

ابراهيم بحزن _
وهتروحي فين بس دلوقت؟..

ردت عليه نسمه وقالت _
في دار ايتام كنت بروح ازورها كل فتره والتانيه، هشوف المشرفه هناك وهقعد عادي..

ــــــــــــــــــــــــــــــــــــــــــــــ 
_عدي ست شهور وكانت نورا علي وش ولاده وراحت لامها واول ما خبطت لقيت مامتها بتفتح ليها الباب وباين عليها التعب..

نورا _
مالك يا امي انتي تعبانه ولا ايه؟..

دخلتها امها وردت عليها وقالت _

نورا وهي بتقعد سألت امها وقالت ليها ـ
ماما هو انتي اللي بتمسحي الشقه ازاي، ده الدكتور. بتاع ضهرك قال بلاش حركه كتير عشان ما تتعبيش اكتر..

اتملت عيون الحما دموع وقال _
منها لله رقيه مرات اخوكي طول اليوم قاعده علي اللي اسمه ايه ده الفيس وراميه البيت كله علي دماغي...

نورا _
وقعتها منيله، فين بس ايامك يا نسمه كانت شيلاكي فوق كفوف الراحه..

الحما _
نسمه دي كانت بنت اصول، بس انا السبب واخوكي موافق علي كل حاجه  تعملها الست رقيه عشان فلوسها،بس انا خلاص قررت ان اخوكي يطلق البت دي بعد المشروع  وبعدين يرجع لنسمه...

نورا بهدوء _
للاسف يا ماما ولو هدايقك بس نسمه اتجوزت واحد صاحب ابراهيم وبيحبها جدا كمان...

طلعت رقيه وقالت بحده _
انتي يا وليه انتي ما تخلصي وتجهزي الغدا...

نورا بحده _
ما تتكلمي معاها كويس يا بت انتي...

رقيه بحده _
اسكتي يا بنت انتي انا اتكلم براحتي في بيتي، وانتي يا وليه اخلصي بقي..

دخل شريف وهو مدايق وقال بحزن _
مش وقتكم ولا وقت خناق، انا روحت في داهيه...

سالته رقيه وقالت _
في ايه وفين فلوسي..

رد عليها شريف بدموع وقال _
الشنطه حد كان علي موتسيكل بعد ما طلعت من البنك اخدها مني....

زعقت فين رقيه وقالت _
وربنا لافضحك واوديك في داهيه ويا ترجع فلوسي يا هرفع الشيكات اللي معايا في النيابة واسجنك بقي..

الحما _
يا لهوي انت ازاي تمضي ليها علي شيكات يا شريف انت غبي...

قالت رقيه بسخريه _
ومش بس كده دي كمان الشقه باسمي كتبهالي بعد ما عملتي ليه التوكيل، غور بقي اطلع بره انت وامك ورجعو فلوسي احسنلكو ومعاها ورقتي يا راجل يا خايب...

شريف بغيظ _
اخص عليكي يا رقيه ده انا بعت مراتي عشانك...

ردت عليه بسخريه وقالت _
يا شيخ اتنيل مش كفايه كنتو مخبين عليا موضوع الخلفه يا بيت فقري انتو...

_وقعت ام ابراهيم وخدها وراح المستشفي وكشف عليها الدكتور...

الدكتور _
انتو ولادها..

وقف شريف ونورا وقال شريف _
ايوه انا ابنها ودي بنتها هي حالتها ايه؟...

الدكتور _
للاسف حالتها  صعبه جدا  ، جات ليها جلطه فقدت النطق والحركة في رجلها ودراعها الشمال..

_قال الدكتور كلامه وسابهم ومشي، وقعد شريف متضايق ومش عارف هيقعدو فين بعد ما كتب كل حاجه باسم رقيه، وكمان مبقاش معاه اي فلوس..

نورا بحزن _
متزعلش يا اخويا ربك يعدلها ان شاء الله..

بص عليها شريف وقبل ما يتكلم  شافني ومعايا ايهاب جوزي وقربت منهم وقال بسرعه...

شريف _
ديما حاسه بيا جات في وقتها..

وقفت نسمه قدام نورا وقالت _
ايه يا نورا خير في ايه؟..

ردت عليها نورا وقالت _
متقلقيش يا نسمه دي ماما تعبت شويه بس خير ادعيلها... 

نسمه بحزن _
ربنا يقومها بالف سلامه..

وقف شريف وقال ـ
عامله ايه نسمه..

قبل ما ارد عليه حط ايهاب ايده علي كتفيي وقال شريف _
كويسه وكلها سبع شهور وهتبقي احلي ام في الدنيا، احنا كنا معديين جايين من عند دكتورة النساا وشافتكم ولقيتها قالت لازم اشوف نورا مالها...

قعد شريف والدموع ملت عيونه، وقالت نورا _
مبروك يا نسمه ربنا يقومك بالف سلامه..

نسمه _
الله يبارك فيكي يا حبيبتي..

_خلصت كلامي  ومشيت مع ايهاب جوزي  ، وشريف فضل باصص ليا بحزن، ونورا قالت بحزن..

نورا ـ
معلش يا شريف ده نصيب، المهم دلوقتي نتطمن علي ماما، وتشوف مكان تقعد فيه مع ماما..

شريف بضيق _
حاضر، هي ذنوب وبتخلص، ذنب اللي عملته في نسمه انا وامك اترد تالت ومتلت وهي ربنا كرمها عشان اتظلمت...

_الي اللقاء في قصه جديده