حمايا. عيال سلفتي_كامله _بقلم هويدا زغلول
نقعد شويه في البلكونه ولاا اقولك تعالي ننزل تحت شويه ده فيه تحت حته كافيه حلو اوى لسه فاتح جديد
قمر بضيق
يختي بالله عليكي هو انا قادره اتكلم اصلا قال إنزلى قال
ورد بضيق
يا بنتي ده افتتاح وهيبقي فيه خصومات كتير اوى تعالي معايا اسمعى الكلام
قمر
يختي شوفي انا في ايه وانتي في اى انزلي انتي يا ورد وسبيني في حالى دلوقتي
يختي بشوقك هنزل انا و وانا طالعه هيجيلك كيس اندومي ماشي عايزه حاجه تانيه !
قمر
لا كتر خيرك عايزه واحد كبير بقي بطعم اللحمه ماشي
ورد
عنيا حاضر يلا الاكل عندك بقى في التلاجه وقت ما تجوعي طلعي الاكل وسخني الي انتي عايزاه فوتك بعافيه
قمر
الله يعافيكى انا شويه وهنام اصلا خدى الباب في ايدك بقى وخدى معاكى المفاتيح علشان والله ما هقوم افتح حاجه
يختي حاضر يختي نامي نوم العوافي وانا هنزل كده يمكن القطلي عريس كده ولا كده ده بيقولوا شباب الحاره كلهم تحت
قمر بلهفه
والواد مفتاحه تحت كمان
ورد بخبث
يختي تحت آه شوف البت ده تحت فى رجاله تسد عين الشمس والموكوسه رايحه تحبلي مفتاحه يختي اتوكسى
قمر بسرعه
طب استنيني هقوم جري البس
قمر بضيق
انتي كدابه مفتاح مش هنا انتي بتكدبي عليا
ورد
يا بت دول بيقولوا صاحب الكافيه ده كاتب روائى كبير اوي يختي وعامل افتتاح للكافيه بتاعه
قمر بتنهيده
اممم طب تعالي ندخل شكل الكافيه مصروف عليه اوى وشكله فخم وراقي كده
ورد
ايوه يختي اومال انتي فاكره اى بس علي ما اعتقد مش هنعرف ندخل ده زحمه اوي جوا تعالي نقف برا احسن بدل ما نتخنق جوا
لا الجو رخم اوى انا هطلع انام سلام ياريتني ما نزلت معاكى ولا اتنيلت
ورد
مسم يختي بشوقك انتي حره
وفعلا طلعت وانا متضايقه وروحت انام
تاني يوم
قمر
انا نازله الشغل بقى اي هتنزلي معايا ولا اى
ورد
لا يختي انا شغله كمان ساعتين الحق انامهم بقي لحسن منمتش خالص امبارح
قمر
يختي براحتك انا هنزل انا لحسن علي ابو كرش ده يبهدلنى
طب والله راجل زي الفل انتي مش وش نعم والله اخرجي بقي واطفى النور
قمر نزلت وراحت شغلها
عم على
يلا امسحي المحل كله خليه بيبرق حللوا بقي الفلوس الي بتاخدوها دى
فاتن بصوت واطي
معلش يا قمر كبري دماغك
قمر
يختي هو انا عملت حاجه اصلا غير اني بكبر دماغى لحد ما قربت تفرقع انا خارجه اجيب الاكل
قمر
بالله عليك يا عم حسن ناولني خمس سندوتشات طعميه طحينه من غير سلطه بالله عليك وحطلي كام حتت بتنجان كده
مازن
لو سمحت عايز اتنين بطاطس وواحد طعميه
عم حسن
الاه استاذ مازن بشحمه ولحمه منورنا يا عم مازن اتفضل يا استاذ
مازن
ربنا يكرمك تشكر
قمر بعصبيه
لا يا اخويا اقف كده هو اي الي حصل ده انا جايه الاول يا عم حسن ولا دلوقتي كمان بقينا نجيب فطار بالوسايط
عم حسن
وسايط اي بس يا بنتى هو بس طلبه كان جاهز لكن انتي لسه بقليلك الطعميه
قمر پغضب
والله ما عيني الي هتاكولها الدود دى شافته وهو بياخد طعميه
مازن
خلاص يا استاذه حقك عليا اتفضلي الفطار وانا هستنى
قمر
لا يا اخويا انا مباكلش البطاطس
مازن بضحكك
طيب اساعدك ازاى طيب
قمر في سرها
يخربيت ضحكتك يا شيخ دى المفروض تتحط في الصيدليات
قمر
مش عايزه حاجه يا خويا حل عني بس الصبح ماشى !
مازن ل عم حسن
خد يا عم حسن ده حسابها ومتخليهاش تدفع حاجه ده اعتذار مني على حاجه معملتهاش ماشى
قال كلامه ومشي
قمر بضيق
يوه عاجبك كده يا عم حسن ما كنت تديني حاجتك
عم حسن
حقك عليا يا ست البنات اتفضلي طلبك
