انا وجوزي

يا سالي انا كل يوم برجع البيت في الميعاد العادي اللي هو بالليل وطبعا مش عاجب المدام
ايمان
ايوه بترجع بالليل وتسبني طول اليوم اعده لوحدي بكلم نفسي
سالي
لا ملكش حق يانبيل بقا حد سيب القمر ده طول النهار لوحده برضو
ايمان
ايوه قوليلو والنبي ياسو
نبيل 
انتو اتلمتو عليا بقا وهتعملوا عليا كماشة لا انا هسيبكم وادخل جوه اغير هدومي
ايمان
يلا يابنتي احنا ندخل المطبخ نحضر الغدا
وفضلت سالي عندنا في اليوم ده طول النهار وبالليل قالت هتروح عشان جوزها ونزل نبيل يوصلها
سالي
ابقي خلي بالك من إيمان يانبيل دي بتحبك اوي وپتخاف على زعلك
نبيل
وهي اشتكيتلك مني ولا ايه يا سالي
سالي
لا ابدا دي حتى بتشكر فيك اوي بس بتقول انك مش عايز تروح معاها للدكتور عشان موضوع الخلفة ده
نبيل 
قولتلها مېت مره اني مش عايز اولاد انا حر
سالي 
بس هي ياحرام نفسها في بيبي عمتا انا اقنعتها انك بتحبها ومش ممكن تستغنا عنها
نبيل 
وفكرك يعني اقتنعت وهتسكت ومش هتتكلم تاني في الموضوع ده تاني دي لو هي سكتت امها مش ساكتة وعماله تزن عليها
سالي 
انت هتقولي على حماتك دي يتفاتلها بلاد بصراحه البت إيمان غلبانة خالص طالعه لابوها مش لأمها ههههه
نبيل
انتي بتقولي فيها ده انا الله يكون في عوني من حماتي دي
سالي 
طيب وصلنا عند البيت اهو نزلني هنا بقا
نبيل
متبقيش تغيبي علينا كتير كده ماشي
سالي
من عيوني يلا باي
وبعد كام يوم رحت عند ماما
نادية
بقا ياخيبة لسه مش عارفة تقنعي جوزك عشان يروح معاكي للدكتور
ايمان
اتحايلت عليه كتير وهو قالي انه مش عايز ولاد خلاص بقا ياماما هو راضي بكده
نادية
طيب انا مالي انتي حرة بس لما تلاقيه داخل عليكي بضرة ابقي قولي ماما قالت
عبد العزيز
ماخلاص بقا يانادية سيبي البنت تعيشي مع جوزها في هدؤ ومتدخليش في حياتهم سبيهم دول لسه شباب
نادية
يعنى انا اللي مش عايزاها تعيش مبسوطه هي وجوزها خلاص اديني سكت اهو ياخويا وبتمثل انها بټعيط
ايمان
ياماما ياحبيبتي انا عارفه انك خاېفه عليا وعايزة مصلحتي بس هعمل ايه نييل عايز كده
وجه نبيل اخدني من عند ماما وطبعا مرضاش يطلع لانه عارف ماما وكلامها فقال يتجنبها وميطلعش وروحنا على البيت
نبيل
طبعا حماتي النهارده قطعت في فروتي
إيمان
ليه بتقول كده يانبيل انت ظالمها على فكرة دي بتحبك جدا وبتجيب سيرتك بالخير دايما
نبيل
ايوه منا عارف انتي هاتقوليلي عليها المهم اعمليلي فنجان قهوة لاني سهران النهاردة للصبح عشان اخلص حسابات الشركة
ودخلت المطبخ عملتله القهوة اللي طلبها وفضلنا اعدين لحد نص. الليل وانا كنت اعده فاتحة الفيس ونبيل فاتح اللاب توب بيشتغل وكل شوية تجيله رساله ماسينجر لما سالتة قالي ده مدير الشركة بيطمن على الحسابات
وقالي ادخلي نامي انتي ياحبيبتي
ايمان 
انا فعلا اعده بنام على نفسي طيب تصبح على خير يا حبيبي 
وبعد شويه بتقلب ملقتوش جنبي قلقت عليه وخصوصا ان الفجر اذن قولت لما اشوفو
هيخلص شغل امتى عشان يلحق يرتاح شويه لكن وانا خارجة من الاوضة سمعت صوت رسايل الماسينجر عماله تجيله ولقيته بيبعت رسالة صوتية واټصدمت لما سمعته بيقول......