انا وجوزي
ده فاكره يا إيمي
ايمان
ههههه انتي قلبك اسود اوي ياسو مخلاص بقا خليكي فريش كده وبعدين ڠصب عنه والله هو فعلا دايما مشغول ده بيدخل البيت كل يوم متأخر
سالي
ايوه ياستي منا عارفة انه حد مهم في الشركة اللي بيشتغل فيها يلا ربنا يوفقة المهم قوليلي عامل ايه معاكي واخباركم ايه مع بعض طمنيني عليكي اوعي يكون مزعلك
إيمان بتنهيدة
هيييي ابدا ياسو ده نبيل طيب اوي وبيحبني خالص
سالي
امال مالك بتقوليها بتنهيدة ليه كده يابنتي في ايه احكيلي
ايمان
مانتي عارفه يا سالي هو موضوع الخلفه ده اللي مزعلني وفكرة اني مش عارفة اخلف دي تعباني اوي
طيب ونبيل راية ايه في الحكايه دي
ايمان
نبيل ده مفيش راجل في حنيتة وعطفه عليا تصوري مش عايزيني اروح احاول وادور على الخلفة بيقولي كفاية انك في حياتي مش عايز عيال وبيقولي انا عايزك انتي وبس
سالي
طيب ماهي جايه اهو انتي بقا تعبه نفسك وشاغله دماغك لييه
ايمان
اولا يا سالي نفسي اخلف منه اوي عشان بحبه اوي وثانيا ماما تملي تقولي لازم اجبلة عيل عشان مابيصش كده ولا كده وكمان عشان حماتي متزنش عليه وتقولو يتجوز عليا وانتي عارفاه معندهاش غير نبيل واخته يبقا اكيد نفسها تشيل احفادة
سالي
ايمان
ونعم بالله المهم انتي عماله تسأليني عني ومعرفتش حاجة عنك يابنتي طمنيني عاملة ايه مع جوزك لسه برضو مش بتحبيه
سالي
ايوه طبعا ولا عمري هحبه انا عايشه معاه عشان يصرف عليا وبس ده معاه بحر فلوس يابنتي وشوفتي بقا الفرق بينا انا مش بحب جوزى ومش عايزة اخلف منه وانتي بتحبي جوزك ومش عارفة تخلفي منه شوفتي الدنيا يا إيمي
ايمان
ايوه الله عندك حق ياسو الدنيا دي مبتديش للواحد كل حاجة هو عايزها لازم تكون في حاجة ناقصه المهم انتي هتتغدي معانا النهارده ومش عايزة اي اعذار انتي فاهمة
لااا انا شويه وهمشي لا جوزك يرجع يلاقيني قاعده كده وهو يكون راجع وعايز حاجة كده ولا كده ههههه يزعل ساعتها عشان انا هبقا عزول
ايمان
لا ياختي اطمني هو خلاص حصل امبارح بالليل والنهارده لا واستنى بقا هتصل بيه اعرفه انك عندي واخليه يجيب شوية حلويات وهو راجع
وفعلا اتصلت بنبيل وغريبة انه رجع البيت في اليوم ده بدري
نبيل
مساء الخير ياجماعة ده ايه النور ده اهلا وسهلا يا سالي
سالي
اهلا بيك يا نبيل ده نورك والله
نبيل
منوره ياسالي وفينك كده ايه الغيبة دي كلها محدش بقالك فترة بيشوفك يعني
ايمان
حمد الله على السلامة ياحبيبي انت رجعت بدري النهاردة يعنى ده انتي وشك حلو عليا يا سالي تصوري
سالي
ليه بقا يا ايمان هو كل يوم بيرجعلك وش الفجر ولا ايه ههههه
نبيل
والله ابدا
