انا وجوزي
انت في الصفحة 1 من 4 صفحات
قبل مانبدا حكايتنا اعرفكم بنفسي انا اسمي ايمان عندي 24 سنه متجوزه بقالي سنتين لكن ربنا مرزقنيش باطفال جوزى اسمة نبيل بيشتغل مدير حسابات في شركة كبيرة والحمد لله ميسورين الحال
وكنت في المطبخ بحضر الفطار لجوزي
نبيل
يلا بقا يا إيمي عايزة افطر وانزل هتاخر على شغلي
ايمان
حاضر ياحبيبي قربت اخلص اهو بس ايه ياعم الشياكة والحلاوة دي
نبيل بيغمزلها بعينه وبيقول
دي أقل حاجة عندي ما انتي عارفاني يا إيمي وعارفة اني اشيك واحد في الشركة
ايمان
نفسي اعرف يعنى لزومة ايه انك تخرج كل يوم للشغل بطقم جديد وريحتك تبقا حلوه علطول كده ها قولي ياسي نبيل
ياقلبي ما انتي عارفة ان جوزك راجل مهم في الشركة وبقابل عملاء كتير من البنوك ولازم اكون في أحسن صورة
ايمان
يا سلام وطبعا عشان تنزل لشغلك بالحلاوة دي يبقا اكيد العملاء دول ستات مش كده برضو
نبيل
يا إيمي العملاء بيبقو ستات ورجالة طبعا وبعدين متقلقيش اوي كده الرجاله بيبقو اكتر
ايمان
طيب اوعي بقا تكون بتلعب بديلك ياروحي ولا بتبص الستات اللي بتيجي كده ولا كده لحسن اروح فيك فيك داهية
نبيل
ههههه مچنونة وهو انا عندي وقت للكلام الفارغ ده برضو ياقلبي بطلي الغيرة دي بقا وخلي عندك ثقة فيا شويه يلا انا ماشي بقا
انت لسه مخلصتش فطارك استني خلصة
نبيل
لا كفاية الحمد لله مش عايز اتأخر على الناس
ايمان بتتكلم بتردد
طيب انا بصراحة كده يا بلبل كنت عايزة......
نبيل
ايوه كنتي عايزة ايه بقا اصل طالما قولتي بلبل دي يبقا طلب وعارفه اني مش هوافق عليه اتفضلي قولي انا سامعك
ايمان
الله هو انا لسه قولت حاجة وبعدين مش يمكن توافق
نبيل بيبص في ساعته
طيب يلا بقا قولي خليني انزل يا إيمي
ايمان
اصل ماما قالتلي انها هتحجزلي عن الدكتور النهارده عشان نروح انا وانت ونشوف موضوع الخلفة ده
نبيل بعصبية
تاني يا ايمان الموضوع ده انتي مبتزهقيش من الكلام في الموضوع ده
انت بتزعق لي ليه دلوقتي هو كل ده عشان بحبك ونفسي اخلف منك يانبيل ومش عايزاك تبعد عني وبعدين انت مش عايز تيجى معايا ليه
نبيل
حبيبتي اهدي متعيطيش وبعدين انا بحبك كده وعايزك كده زي مانتي وانا مش عايز عيال هو انا كنت اشتكيتلك
ايمان
مليش دعوه يانبيل انا نفسي في طفل وماما قالتلي لازم اخلف منك عشان متروحش تبص لواحدة تانية
نبيل
اها قوليلي بقا انا برضو شميت ريحة حماتي في الموضوع
ايمان
اخص عليك يا نبيل دي ماما بتحبك وعايزة مصلحتنا
نبيل
يا ايمان مصلحتنا انه محدش يدخل في حياتنا لا من أهلك ولا من اهلي خلينا كده انا وانتي وبس ومحدش ليه دعوة بينا
طيب هنروح المرة دي وخلاص وحياتي عندك
نبيل بعصبية
انا ماشي قبل مااقول كلام يزعلك
وفعلا سبني ومشي وانا اڼهارت من العياط واتصلت بماما
ايمان بټعيط
ايوه يا ماما هو لسه نازل اهو ومش موافق نروح للدكتور
الام نادية
شوفتي جالك
