امي وحبيبي_كامله

والله فعلا عالعموم أنا مش عايز 
اطول لاحسن تشوفني هنا صحيح هو انتي معاكي اي فلوس لاحسن انا مش معايا الا اتنين جنيه
دلال 
صحيح انا كنت عايزه الفيزا 
بقي مش قولت انك هتاخد مرتب 
شهر واحد وترجعها ليا أنا مش معايا فلوس
ياسر 
اخص عليك يا دلال هو انت هتحتاجي فلوس في ايه بس انا بقولك ماشي ما فيش في جيبي 2 جنيه
دلال 
امال اتصرف ازاي دلوقتي عالعموم ادخل 
وبعدين نشوف حل في الحوار ده 
وبعدها دخل
وفي المحل اللي كانت شغاله فيه مروه
خالد 
خلاص يا مروه اخرك الاسبوع ده مش هتيجي تشتغلي تاني ما تعرفيش انا كنت متعود عليك ازاي في المحل ده
مروه 
والله يا خالد انا المفروض كنت قعدت الاسبوع ده في البيت علشان اشوف الحاجات اللي ناقصاني بس بقيت اجي علشان خاطر الشغل
والدنيا مش تقف
خالد 
طب انت واثقه في عريسك ده ان هيكون كويس معاكي يا بنتي ازاي توافقي انك تتجوزي بالطريقه دي
مروه 
تاني هنتكلم في الحوار ده لو سمحت يا خالد 
دي حياتي ومش عايزه اي حد يدخل 
فيها خالص
خالد 
خلاص انا اسف وبعدها مشي
وفي بيت ام عمرو كانت قاعده اخته هبه
هبه 
بصراحه يا ماما انا مش مرتاحه للبنت اللي اسمها مروه دي اشمعنا يعني عمرو. ماسك فيها 
اوي كده انتي عارفه ان هو اللي بيصرف
علينا وانا خاېفه ان هي تقوله وفر فلوسك دي لينا وبلاش تدي اخواتك حاجه
الحما 
هو انت عبيطه يا بت هو انا هسيب لها الموضوع ولا ايه اخوكي يسافر بس واخليها تيجي تعيش معايا في الشقه هنا وكل حاجه هتبقى معايا انا
هبه 
بصراحه مش مطمنه للموضوع ده المهم انتي 
عملتي اي في العفش اللي كنا جايبنه 
بصراحه انا مستخسره فيها جدا
الحما 
عيب عليك يا بنت من بكره هطلع العفش ده فوق وهنزل عفشه عندي هنا اه هي تعيش على عفش جديد ولا ايه هي كانت تحلم تتجوز واحد زي ابني
هبه 
طب بالله عليك يا ماما التلاجه بتاعتي بقت قديمه ايه رايك تديني التلاجه
الام 
ما تغلاش عليكي يا بت كلمي جوزك. خليه ياخد عربيه ويجي ياخدها..
هبه 
والله يا ماما انتي احسن ام في الدنيا وانا اوعدك ان هبيع التلاجه القديمه واديكي تمنها توسعي بيه علي نفسك...
الام 
لا يا حبيبتي خليهم معاكي بس ما تبقيش خايبه وتقولي عليهم لجوزك حوشي حاجه بيهم لنفسك..
هبه 
تسلميلي يا ماما ربنا بخليكي يا رب... ورن موبيل هبه..
هبه 
ده علي جوزي هشوفه عايز ايه... وردت..
هبه
ايوه يا علي اييه بتقول جاي طيب تعالي..
علي
يا حبيبتي ما انا جاي اهو وجايب معايا كفته وبطيخ عشان ماما تاكل معانا..
هبه بسرعه قالت
هاا لا لا اوعي تيجي انت فاهم ولا لا روح علي البيت يا علي..
علي
يا بنتي في ايه وليه يعني ما اجيش وانا وانتي وامك نتعشي..
هبه 
بقولك ايه يا علي ارجع البيت ماما فيها اللي مكفيها.. وقغلت معاه..
الام
ماله يا بت جوزك ومش راضيه ليه تخليه يجي..
هبه
اسكتي يا ماما ده بطنه ۏجعاه وعنده برد وانا خاېفه يجي ويعديكي وانتي يا امي مش ناقصه فيكي اللي مكفيكي..
الام
جدعه يا هبه والله انتي احسن من اختك ليلي دي اول امبارح نازله وهي تعباانه وقال ايه عايزاني اعملها الغدا..
هبه 
اوعي يا ماما تعملي كده تاني احسن يخدوكي تسليه وكل شويه يقولولك اعملي وادفعي وحسن جوزها طماع..
الام 
عيب عليكي يا بت هو انا مش عارفه حسن وتصرفاته المهم روحي انتي لجوزك وخلي بالك منه واستني خدي علبة الجبنه ووالكام بيضه اللي في التلاجه وخدي كيس فراخ بالمره..
هبه
ربنا ما يحرمنيش منك ابدا يا ماما ربنا يخليكي ليا يا حبيبتي... وراحت اخدت الحاجه ومشيت..
_ ورجعت انا من الشغل ولقيت دلال قاعده بتتفرج علي التلفزيون وقالت..
دلال 
انتي جيتي يا حبيبتي الف مليون حمدلله علي سلامتك..
مروه 
الله يسلمك يا ماما بجد كان اليوم ده متعب النهارده..
دلال 
طيب ادخلي خدي دوش لحد ما اروح اجهزلك العشا يا حبيبتي..
مروه
والله انا تعباكي معايا اووي يا ماما ما تتعبيش انتي وانا هاخد شاور واجي اجهز..
دلال 
لا لا والله ما يحصل انتي يا بنتي جايه تعباانه روحي يلا وانا عملالك فراخ ومكرونه انما ايه هتاكلي صوابعك وراهم..
مروه 
حاضر يا ماما... ودخلت جوه لقيت احمد بيكلمني..
ردت عليه وقولت
ايوه يا حبيبي انا لسه راجعه من الشغل اهو..
احمد
يا بنتي ما تسيبي الشغل ده بقي انتي صوتك تعبان اوووي انا مستعد