ذئاب الجبل _السادسه _حماده فاروق
ومعاود تاني مټخافيش يانعمه....
نعمه....
كيف مخافش ياعلوان وانت طول عمرك ما هملت هواره ولا تعرف شي في مصر....
علوان....
يابت الناس انا مش صغير عشان اتوه...
اناهتدلي عند صحاب الشغل...
وهمليني عاد علشان الحق القطر...
نعمه....
طيب يا علوان...طيب...
علي كيفك...
طيب هعرف كيف انك بخير ووصلت ولا لاه...
هفضل متوغوشه عليك اكده...
متتوغوشيش...اااانا هطمنك وهبقي ابعتلك مرسال....ها...استريحتي...
نعمه....
اللي تشوفه يا علوان....اللي تشوفه....
خلي بالك علي روحك وتعاود بالسلامه.....
علوان....
ماسك الخلقات اللي لمهم في شنطه صغيره وبيستعد علشان يخرج من الدار وبيقول لنعمه....
زى ما قولتلك يانعمه...
اوعاكي حد يعرف انا روحت فين...
مش عاوز حد يعرف واصل اني هملت هواره....
طيب يا علوان...طيب...
علوان....
يلا اشوف وشك بخير...
نعمه...
مع السلامه ياعلوان...
ربنا يستر طريقك ويفتح في وشك السكك المقفوله....
مع السلامه....
ويخرج علوان من الدار...
المشهد....اسكندريه...المينا...الصبح
المعلم حسني قاعد في المكتب والتليفون يرن.....
المعلم حسني...
الو...
عليكم السلام ورحمة الله
وكيف العيال...زين...زين...
الحمد لله ماشي الحال...
الله يعزك يا واد عمي....
اهو ده العشم برضك...
شوف يا تعيلب ياواد عمي...
عاوزك اف موضوع واعر قوى قوى قاصدني فيه حد عزيز عليا...
بس خد بالك...
مش عايز حد يعرف واااصل الحديت اللي هقولهولك ده...
وانت كمان تاخد بالك زين من كل خطوة هتمشيها....
بهتون الجبل...وهواره...
عايزك انت لروحك
او تشوفلنا جدع اكده محدش يعرفه واصل..
ينزل بهتون ويقعد اهناك...
ويجبلنا اخبار اللي بيوحصل اهناك
وبالزات علوان البكري اكيد انت تعرفه....
بس اوعي يا واد عمي...
اوعي حد ياخد باله...
او يحس باللي بيوحصل...
تسلم ياتعيلب...
كدها....كدها يا واد عمي...
عشان اكده...قصدتك انت بالزات..
الوه...
ايوة يابدري ياخوي...
اللي وصيتني عليه حوصل...
وبكره او بعده بالكتير...هتسمع اخبار....
البدري...من البيت...
تسلم يا حسني...
ما يجيبها الا رجالها...
جمايلك دى مش هنساها واصل...
لااه حقك....حقك يا حسني....
انشاء الله ياحسني...
هفوت عليك بالليل...
مع السلامه...
نورا....واقفه وراه
ها يا حبيبي خير....
البدري....
خير يا حبيبتي....
خير ان شاء الله
نورا....
طيب...اجهزلك الفطار...
ولا هتفطر في المكتب زى عوايدك...
البدري....
لاااه هفطر في المكتب يا حبيبتي...
البدري يلاحظ ان نورا زعلت...ويقولها....
ياحبيبتي انا والله مش عايز اتعبك علي الصبح اكده....
انا عايزك تنامي وتاخدى راحتك ومتشغليش بالك بفطاري....
كفايه عليكي تعب اليوم كله...
غدا...وعشا ومذاكره لورده.....
هو ده القصد والله....
نورا....
بس انا مش تعبانه يا حبيبي
هو انا اشتكتلك...
البدري....
مش حكاية تشتكي ولا لاه...
انا لازمن برضك...يكون عندى نظر...
وزي ما قلتلك....
كفايه عليكي تعب اليوم كله....
يلا يا حبيبتي...
ادخلي كملي نومك انتي
انا نازل علي شغلي...
مش عايز اتأخر اكتر من اكده...
نورا....
طيب...بتغلبني انت بحنيتك دي...
يلا....خد بالك من نفسك....
البدري يبوسها علي قورتها ويسلم عليها ويمشي....
المشهد....منزل حاتم...ورده...
ورده....
يا خاله لبيبه طيب اقعدي يومين كمان...هي حبكت النهارده يعني....
لبيبه...
معلهش يا وردة يابتي....
انا قعدت كتير قوي...
مش عايزه اطول اكتر من اكده...
ورده....
طيب استني بس هكلم البدري واعرفه علشان ميزعلش....
لبيبه...
طيب يابتي....
وانا عايزة اشوفه برضك قبل ما اعاود.....
وتروح ورده للتليفون وتتصل علي البدري.....
البدري قاعد علي المكتب وموظف واقف وبيمضيه علي اوراق...
التليفون يرن.....
البدري....
الوووة.
ورده....اذيك يا ورده وازى دكتور حاتم...
والبدري الصغير كيف حاله...
والخاله لبيبه....
اييييييه...عتقولي ايه...
عايزه ترجع قنا....
هي زعلانه من حاجه....
حد مزعلها....
طيب تاجي تقعد عندي.....
ورده....
ابدا هي مصممه راسها والف سيف عاوز تعاود النهارده....
البدري....
النهارده...كيف ده....
هي جارك....
ادهالي يا ورده.....
الخاله لبيبه....
ايوة يا ولدي....
الله يخليك يا ولدي...
يعلم ربنا انت ورده اختك كيف غلاوتكم عندي....
لاه يا ولدي....متقولشي اكده....
انا بس اللي موخداشي علي القعده اكده...
لاه يا ولدي لاه...انتو شايليني علي راسكم من فوق....
زي بعضو يا ولدي...سامحني....
البدري....
ماشي يا خاله لبيبه...ماشي....
صبرك بس شويه وانا هحجزلك القطر وهاجي لحد عنديكي واوصلك للمحطه....
ماشي يا خاله لبيبه...
ربنا يطول في عمرك....
اديني ورده....
ورده....
ايوة يا بدري....
ماشي....ماشي يا خوي
هنستناك...ماشي....
مع السلامه....سلام...
المشهد...بهتون...هواره...
العربي بيخبط علي نعمه....
نعمه نازله من علي السلم ورايحه علي الباب وفتحت....
العربي يدخل....
سلامو عليكو يانعمه....
نعمه...
عليكم السلام ياخوي....
العربي....
امال فين علوان....مش ظاهر...
من يوم حاډثه دبور وهو فص ملح وداب....
نعمه....
تقصد ايه ياعربي...
انت خابر واد عمك....كانت روحه في دبور...ومتحملش يشوفه اكده....
العربي....
لاه...قلبه حنين ده....
عالعموم انا كوت جاي اقولكم ان دبور بخير....مماتش....
نعمه بفرح...
عتقول ايه ياعربي...صوح اللي انا سمعته ده....
العربي....
ايوة...عملولو كام عمليه اكده وهيبقي بخير...
لسه له عمرر....
بس يفوووق ونعرف مين اللي عمل فيه العمله دى....
يا ويلو....
يا ويلو وسواد ليلو....
لما يعاود علوان ابقي عرفيه....
اني رايح المستشفي....
هفضل جار دبور لغاية ما يفوق....
سلاااام...
نعمه....
طيب ما تاخدني معاك يا عربي....
عايزه اطمن عليه....
العربي....
لاااه...خليكي انتي...
هو لسه مفاقش من العمليه....
يفوق بس وهشيعلك تطمني عليه...
سلام يا نعمه....
المشهد...فندق بندر الاقصر....علوان...
علوان سافر للاقصر بعد ما فهم نعمه انه مسافر مصر لتجاره وهو هربان وخاېف من دبور ومتوقع ان خلاص بعد ما دبور نجا من المۏت ومستحيل يعاود هواره تاني....
قاعد في غرفه في الفندق وبيفكر...
ووووواه يا علوان....
هي دى اخرتك يا كبير هواره...
هتفضل هربان اكده كيف الحراميه...
منك لله يا لملوم الزفت انت....
كان يوم أسود يوم ما فكرت فيك...
ااااااه علوان...اييييه العمل....
مهو مش معقول تفضل اكده وتعيش الباقي من حياتك هربان....
دبور طول ما فيه النفس قول علي نفسك يا رحمن يا رحيم...
هو حل ومفيش غيره...
دبور لاااازم ېموت....
ايوه....لازم ېموت يا علوان..
لازم ېموت وبأي تمن....
باب الغرفه يخبط...
علوان يتخض ويتنفض...
مين...مين عيخبط....
صوت ييجي من بره...
خدمه الغرف يا فندم....
علوان...
معايزشي حاجه...روح دلوقيت....
ويرجع علوان.....ويكلم نفسه...
وبعدهالك يا علوان...هتفضل مرعوووب اكده....لاه....
مش دبور اللي يعمل فيك اكده...
مش دبور يا علوان...
المشهد....اسكندريه.....
صلاح قاعد علي المكتب قدام حاتم.
صلاح.....
ابسط يا سيدي...المشروع خلاص...
كلها يومين بالكتير ونسلم اكبر وافخم مشروع في اسكندريه....
الحكومه هتنبسط مننا
