الخائنه_الجزء الاول_بقلم هويدا زغلول

ودخلت وفتحت التلاجه لقت 
طبق رز يكفي واحد سخنته على البخار وحمدت ربنا ان قدرت تحط الاكل في 10 دقائق
محمد 
طبعا كنت عارفه ان يومك مش هيعدي ازاي لو كان كلامي ما اتسمعش عقاپ ليكي بقى مافيش اكل النهارده
سما 
مش مهم انا اكل بس العيال هعملهم شويه رز صغيرين علشان خاطر ياكلوا بيهم
محمد 
ابدا ما فيش اكل اعمليلهم سندوتشات جبنه عشان تتعلمي بعد كده ما فيش خروج من البيت ده الا لما تعملي الاكل
سما 
اللي تؤمر بيه يحصل حاضر يا حبيبي وفي بيت 
مروه صاحبتها الباب خبط وفتحت
الاب 
ازيك يا مروه يا حبيبتي عامله ايه انا اسف والله ان انا جايه ليكي كده من غير ميعاد
مروه 
ايه ايه الكلام الغريب اللي انت بتقوله ده يا عمي البيت بيتك تنور في اي وقت تعالى اتفضل
الاب 
انا عايز بس اسالك هي مها ما جتش النهارده عندك من ساعه ما كلمتك في التليفون وما اعرفش ايه اللي حصلها
مروه 
مها كلمتني انا النهارده في التليفون انا ما مسكتش التليفون اصلا في ايدي خالص النهارده يا عمي
الاب 
اي كلامك ده معقول يعني
مروه 
ايوه ثواني انا هجيب الموبيل واوري لحضرتك 
انا ما كلمتهاش النهارده خالص ما اعرفش حضرتك بتقول ايه والله بس ممكن تكون في شقتها يعني
الاب 
يا بنتي جوزها معايا تحت ورحنا لاسم وعملنا محضر قالوا مش هينفع دلوقتي لازم يعدي على غيابها 48 ساعه
مروه 
هو انتم ليه كبرتوا الحوار كده اكيد راحت مشوار وبعد كده هتروح على البيت يعني ما كلنا عارفين مها واللي بتعمله
الاب
يا رب يا بنتي كلامك ده يكون حقيقه
المهم لو كلمتك عرفني يا بنتي
مروه 
تمام ماشي يا عمي ربنا يطمن قلبك عليها 
يارب بس ارجوك لو عرفت حاجه عرفني 
وبعدها مشي وروح البيت
الام 
ها شوكت طمني عرفت اي حاجه عن البنت بجد انا قلبي واجعني عليها قوي
الاب 
ما اعرفش ايه اللي حصل اختفت فجاه كده وانا مش فاهم في ايه بس الغريبه انها كدبت عليا وقالتلي ان هي كانت بتكلم مروه وما كانتش بتكلمها
الام
انا سبب في كل ده حقك عليا يا بنتي بنتك ما حصلهاش حاجه ده هي اللي ماشيه بمزاجها
الاب 
ايه يا وليه الكلام الفارغ اللي انتي بتقوليه ده انتي فاهمه لو جوزها سامع الكلام ده هيقول عليها ايه
الام 
بنتك كانت عايزه تطلق من جوزها بس جوزها ما مكانش راضي وجت هنا تتكلم معايا وانا 
قولت ليها مش موضوع الخلفه اللي هيخليكس 
تطلقي من جوزك يا بنتي
الاب 
طيب وانتي ازاي ما تتكلميش معايا في موضوع زي ده عاجبك اللي حصل ده دلوقتي
الام 
هو انا كنت هعرف ان هي هتعمل كده يعني ولا كل واحده حصل عندها مشكله بيتها تسيب بيتها وتمشي بالطريقه دي
الاب
البت دي لو مش رجعت اعملي حسابك انك هتروحي علي بيت ابوكي انتي سامعه ولا لا 
امشي من قدامي يلا صحيح خلفه البنات 
مصېبه وبعدها دخل