ام احمد
لي كوبايه شاي هو في ايه
كانت وفي الوقت ده بتكتب في التليفون وقالت لسعيد
طيب يا سعيد الله اديني بعمله اهو هو انا يعني أقوى من الڼار وبعدين ماتنزل تشربة عند امك وتخلصني هو ايه الهم ده هو كل حاجة على دماغي انا
سعيد
انزل اشربة عند امي اومال انتي بتعملي ايه خلصي يا رحاب وهاتي الشاي خليني اروح لشغلي
طيب ياحبيبي انا هقفل دلوقتي بس هعمل الشاي للمخفي جوزي وهاجي لك تاني علطول
وبدأ سعيد يشك في رحاب وبعد كمان الكلام اللي امه قالت له عليها انها بتخرج كتير وبتروح فين محدش عارف وفي يوم مسك تليفونها وشاف المحادثات وفضل يضرب فيها وامه قالت له
جالك كلامي يابني شوفت بعينك انها بتعرف راجل عليك يلا اشرب بقا يا سعيد عشان انا قولت لك كذا مره طلقها انت مسمعتش كلامي دي حتى سنية مرات منصور شافتها كذا مره مع راجل وقالت لي مقولكش
انتي بتقولي ايه ياما ازاي الكلام ده معقوله سنية شافتها مع حد طيب ازاى المفضوحة رحاب تعمل كده ده انا هشرب من ډمها ياما
الام
لا لا يابني لا ياحبيبي اوعي تعمل كده تودي نفسك في داهيه عشان واحده زي دي انت تعمل قاعده ونجيب اللي تشهد بأنها عملت كده وساعتها أهلها يبروك من كل حاجة وتطلقها وتخليها تغور على بيت أهلها
طيب وتفتكري ان سنية مرات منصور هتيجي تشهد بكده دي ممكن تقول مليش دعوة بحاجة اكيد يعني مش هتبقي عايزة تدخل نفسها في اي حورات
روحية
سيب سنية عليا انا هعرف اجيبها تشهد المهم انت بس اعمل قاعده الرجاله وهما يحكمو لك بقا ساعتها
وفعلا عملو قاعده الرجاله وجابو الناس وسنية شهدت على اللي حصل بالزور وفعلا سعيد طلق رحاب وروحية قالت لها
سنية
يوووه انا تحت امرك يا خالتي روحية المهم انك تكوني مبسوطة مني بس مش انتي مبسوطة مني ولا ايه
روحية
انا مبسوطة بس ده انا مبسوطة على الآخر يا حبيبتي خودي يابت الفلوس اهي مش خسارة فيكي ابدا ياسنية
سنية
ياخد عدوك يا خالتي روحية بالاذن انا بقا
ايه ده كله ايه ده كله يا سنية امتى جبتي العلاج والحاجة دي منين انتي لسه من يومين كنتي بتشتكي انك مش معاكي ولا مليم ايه ورثي ولا ايه
سنية
ياخويا ولا ورثت ولا حاجة هو انا هورت مين يعني ياحسرة انا بس استلفت من امي الفلوس لحد لما انت تقبض واسدهم لها
يعني الفلوس دي من امك هو انا مش قايلك متاخديش حاجة من حد انتي عارفاني مش بحب استلف
سنية
وهو انا يعني استلفت الفلوس دي غير لما احتاجتها قوي يا منصور انااصلا لا بحب استلف ولا نيلة بس هعمل ايه بقا ادي الله وادي حكمتة
منصور
ماشي يا سنية بس اول واخر مره تعمليها انا بقولك اهو انا مش بحب اخد حاجة من حد يلا انا اعملي لي لقمة أكلها
وعدت الايام وفي يوم راحت في بيت واحده في البلد ودخلت عندها وقالت لها
عامله ايه مع حماتك يابت يا سماح طمنيني اصلي سمعت كلام كده غريب ياختي
سماح
وسمعتي ايه بقا ياسنية وانا اقولك صح ولا لا
سنية
سمعت يعني ان حماتك دي عقربة ومش بتحبك ولا بتحب لك الخير دي كانت قاعده مع
