سلفي

ان ما حدش ليه دعوه بيكي..
هنا 
موافقه يا احمد بس بشرط امي تيجي تعيش معايا اصلها اطلقت.. ومش لاقيه اي مكان تروحه دلوقتي
احمد
يا حول الله يا رب ليه كده بس علي العموم بيتنا بيتها يا حبيبتي يلا بينا بس..
الام
يلا بينا يا بنتي ده احمد جدع وابن اصول ومتربي وانا والله بعتبره ابني بالظبط...
_ وفعلا رجعت معاه البيت وطلعنا علي طول لشقتنا وفي شقة حماتي كانت عندها هاله ووائل وهاله قالت..
هاله 
اهو يا ماما الهانم رجعت وكمان جايبه معاها امها المطلقه مش احمد قال كده قبل مايطلع برضه 
الحما 
وبس كده لا ده كمان ابني هيصرف عليها وعلي امها انا مش عارفه انو ازاي مغفل كده..
وائل
حرام عليكم الكلام ده مش كفايه ان البنت فرحتها انكسرت يوم دخلتها وكمان امها اطلقت..
هاله 
يعني انت راضي ان اخوك يصرف علي امها وبقعد واحده غريبه في بيتنا..
وائل
مين بس اللي قال انها غريبه ده احنا بقينا اهل وبعدين بنتها دكتوره ومشهوره كمان واكيد هي اللي هتصرف علي امها..وخليكي في حالك يا هاله ويلا نطلع فوق. 
الحما 
انت يا واد انت بتدافع عنها كده ليه وبعدين مراتك بتعتبر احمد زي اخوها وبتهمها مصلحته. 
هاله 
اهو هو كده يا ماما علي طول ظالمني من غير ذنب. 
وائل 
ده انتي الذنب بذات نفسه يا حبيبتي انا طالع انام وتيجي ورايا يا هاله وانزلي من علي دماغ امي الله يهديكي... وطلع فوق..
الحما 
يا بت سيبك من كلام جوزك ده وقوليلي نعمل ايه نخلي الوليه دي تمشي من هنا..
هاله پحقد 
انا هقولك يا ماما نعمل ايه بس مش دلوقتي خليها لما نعرف ايه سبب الطلاق بتاع تمها الاول...
_ وطلعت هاله فوق وتاني يوم صحيت علي صوت زعيق بره..
هنا 
يا ساتر يا رب هو في ايه يا احمد بالظبط..
احمد قام لبس هدومه وقال
مش عارف يا حبيبتي ده صوت ماما بتزعق تعالي نطلع نشوف في ايه..
_ ولبست الروب علي قميص النوم وطلعت لقيت الكل بره..
احمد
في ايه يا جماعه ليه بتزعقو كده..
الحما 
انا عايزه افهم الست دي بتعمل ايه معاك انت وعروستك في ليلة دخلتك..
هنا 
انتي ايه اللي بتقوليه ده ماما معاها مشكله وجايه تقعد معاية كام يوم لحك ما اجيبلها شقه..
الحما 
نعم يا اختي هو ده كان بيت ابوكي يعني ولا ايه
وبعدين البيت ده ليه كبيره ولازم الكل يستأذن منها قبل ما يحصل اي حاجه ولا كبيره 
اي بقي هو حد معتبرني كبيره
احمد پحده 
لو سمحتي با ماما انزلي وبلاش كلامك ده. وانا اللي جيبت طنط معايا.. وبعدين دي شقتي 
وبفلوسي
الحما 
انت بتطردني يا احمد عشان الناس الغره دول بقي كده يا ابن بطني. 
احمد
انا مش قصدي يا ماما انا بس مش عجباني المشاكل دي... قربت منها هاله وقالت..
هاله
تعالي معايا يا ماما تحت دلوقتي... ونزلو.. 
وطلع وائل وقال
وائل
والله يا جماعه انا مش عارفه بجد اقول ايه بجد الموضوع بقي سخيف جدا بس انا هتكلم مع ماما..
احمد 
تسلم يا وائل ربنا يخليك ليا.. ونزل وائل..
الام 
انا اسفه يا ابني انا دخلاص هروح اي مكان وامشي مدام الست والدتك مدايقه من وجودي..
احمد
ايه الكلام الغريب ده يا طنط ده بيتك وان ما شالتكيش الارض انا اشيلك فوق راسي..
هنا 
خلاص بقي يا ماما احنا المهم عندنا احمد ووائل اخوك كتر الف خيره انا متاكده انه هيظبط الدنيا..
_ وتحت كانت حماتي مټعصبه اووي وهاله قالت ليها پحده..
هاله 
انا عايزه افهم انتي ليه يا حماتي بتتصرفي من دماغك..
الحما 
يعتي عايزاني اشوف اللي بيحصل ده واقف اتفرج لا لا ده حال ما يتسكتش