جوزي
لحقنا نقعد مع بعض ياقلبي وبعدين انتي لسه جايه حالا خليكي شوية يامها عشان خاطري انا مش بشوفك كتير يعني
مها
ياروحي ما أنا هجيلك تاني والله انت بس استناني بعد بكرة وانا هاجي لك 7و انا اقدر اتأخر عنك ياروحي انت يلا بقا باااي
سامح
باي اي هو انتي نسيتي الفلوس اللي طلبتها منك ولا اي فيه اي يا مها هو انتي مش بقيتي
مها
يوووو معلش يا حبيبي نسيت والله حقك
عليا انا اسفه خد الفلوس اهي ولما اجيلك بكره
هجبلك فلوس تاني برضه تخليها معاك
عايز حاجه انا ماشيه بقي
وعند يوسف اللي فضل سرحان من وقت ما حماتة مشيت وامه قالت له
الام
مالك يا يوسف يابني هو في ايه ياحبيبي انت سرحان كده ليه ومين اللي كان على الباب
هااا ااا ده دي ياماما كانت واحدة غلطانة في الشقه الظاهر كانت عايزة شقه تانية وخبطت عليا بالغلط
الام
اااه طيب ياحبيبي يلا بقا عشان ناكل
واتصلت مها بمنى صاحبتها وقالت لها
بقولك ايه يا منى لو ماما كلمتك او يوسف جوزي وسالوكي انا كنت عندك قولي ايوه انتي سامعه اوعي تقولي غير كده يا منى والنبي
مني
طيب طيب خلاص عرفت بس قولي لي هو انتي كنتي مع سامح مش كده برضو الا هو عامل ايه يابت يامها
وانتي بتسالي عليه ليه ياحبيبتي يخصك في حاجة ولا ايه
مني
ههههه انتي بتغيري عليه يا بيبي متقلقيش انا مش هبص لسامح انا عندي الاحلى منه ياروحي هاها
مها
والله طيب ياختي المهم متنسيش لو حد سألك عني هاتقولي ايه ماشي يلا سلام دلوقتي
ومشيت مها رجعت البيت وكانت حماتها لسه موجوده وقالت لها
اهلا وسهلا ياحماتي ده ايه النور ده وانا اقول البيت منور ليه كده انت حضرت الغدا يايوسف ولا احضرة انا
ايوه احنا اتغدينا الحمد لله وبعدين هو انتي
ناسيه انك انتي اللي عملتي الاكل قبل ما تنزلي
ولا اي
مها
يوووو معلش يا حبيبي نسيت المهم أن ماما
كلت منوره الدنيا
الحما
والله ياحبيبتي احنا جينا بيت ابني هنا ومش لاقيناكي قولنا نتغدا احنا بقا
مها
ومالو ياحماتي ما هو البيت بيتك برضو وانت يا يوسف من عايزني اعملك حاجة تشربها ولا حاجة
لا متشكر انا مش عايز حاجة تعالي يامها جوه عايزك في كلمة كده لو سمحتي
ودخلت معاه مها الاوضة وقال لها
انتي كنتي فين يامها ومتقوليش انك روحتي عند مامتك لأنها جات هنا وسألت عليكي وقالت لي انك بقالك شهر مش بتروحي عندها انا عايزة اعرف انتي بتروحي فين
مها
وانا هاكون بروح فين يعني يا يوسف انا بخرج بروح لماما مش بلاقيها في البيت بروح لمنى صاحبتي اهو بروح افك عندها شوية ولا انت عايزني افضل محپوسة في البيت علطول
ولما تروحي عند صاحبتك مش بتقولي ليه وتعرفيني احسن ما أنا بفضل دماغي تودي وتجيب ي هانم
مها
بقولك ايه يا يوسف انا حره واعمل اللي انا عايزاه وبعدين يعني انت عارف اني مش بحب الحپسه في البيت ماشي ومن فضلك بقا تعالي نروح نقعد مع مامتك عشان متقولش اننا سبناها لوحدها
ومشيت مها وهي بتنفخ وعندي في الاوضة رجع عتمان من بره وقالي
عتمان
ايه الاخبار يا سوسن محدش من السكان بعت لك ولا حاجة ولا عملتي شغله لحد من ساعت ما مشيت ولا ايه
سوسن
لا يا عتمان محدش طلبني انا قاعده من الصبح اهو هنا ومفيش حد طلب حاجة هو انت كنت فين لحد دلوقتي راجع متأخر يعني
عتمان
مفيش كنت في مشوار كده وبعدين انتي عايزة تحاسبيني ولا ايه يابت ماتحاسبي
