رواية الزوج الخائڼ للكاتب عادل عبد الله

يوم تعبت اوي وروحت للدكتور وهناك اكتشفت اني حامل .
انا فرحت جدا وقولت ان ده ممكن يكون سبب ان رأفت يسامحني .
ماما كلمت رأفت وقالتله ان انا حامل ورغم انها حسيت من صوته انه فرح لكنه قالها ان الحمل ده مش في وقته لأن حياتنا مع بعض انتهت .
ماما حاولت تهديه من ناحيتي وقالتله نورا والله طيبة وبنت حلال وبتحبك دي احسن واحده في ولادي بس هي نقطة الغيرة دي عيبها الوحيد معلش واحدة واحدة نحاول نغيرها معلش علشان خاطري وخاطر البيبي اللي جاي سامحها المرة دي .
طيب علشان خاطرك بس انا مش هرجع معاها زي الاول الا لما احس منها بتغيير حقيقي .
حاضر وانا اوعدك انها هتتغير بجد المرة دي .
طيب و البنت المسكينة دي هتعملها ايه 
انا هروحلها لحد عندها اعتذرلها بالنيابة عن بنتي .
وفعلا رجعت البيت لكن رأفت بقي ينام في اوضة الاطفال وبيتعامل معايا في اضيق الحدود حتي في الشغل نقلني مكتب تاني بعيد عنه وكنا بنروح ونرجع من الشغل مع بعض وتقريبا مش بنتكلم .
الحلقة السادسة
وفعلا رجعت البيت لكن رأفت بقي ينام في اوضة الاطفال وبيتعامل معايا في اضيق الحدود حتي في الشغل نقلني مكتب تاني بعيد عنه وكنا بنروح ونرجع من الشغل مع بعض وتقريبا مش بنتكلم .
ماما كلمت سارة واعتذرت لها بالنيابة عني ووضحتلها ازاي انا بحبها وبعتبرها اختي واكتر وان موضوع الغيرة ده مرض عندي مش قادرة اتخلص منه وطلبت منها انها تساعدني اني اتخلص من الغيرة .
لكن سارة رفضت اعتذارنا وقالت ان شكي فيها واهانتها اللي حصلت وهي مش لها اي ذنب فيها كفيلة بأنهاء اة بشكل نهائي دون رجوع !!! وانها بتشوف شقة تانية تعيش فيها بعيد عننا .
رأفت لما سمع كلام ماما ليا عن سارة قال انها معها حق واننا لازم نأجل مصالحة سارة علي الاقل لما تهدا وتنسي الموقف اللي حصل .
وفي يوم اتفاجأت ان شيرين زميلتنا في الشغل فسخت خطوبتها !!!
كنت عارفة ومتأكده انها لسه بتحب رأفت .
اكيد شيرين هترجع تلعب علي رأفت تاني و تحاول توقعه في حبها خصوصا انها عارفة المشاكل اللي بينا .
وفعلا بعد فسخ خطوبتها رجعت شيرين تلزق لرأفت تاني !! ورأفت بقي يتعامل معاها زي الاول قبل ما نتجوز !! طول اليوم كلام وضحك وهزار فعلا حسيت بفرق كبير في معاملته معها عرفت فعلا انه كان بيحافظ علي كرامتي ومشاعري لكن انا كنت فاهمة غلط !!! لكن دلوقتي هو بيتعامل معها بحرية زي قبل جوازنا !!
دلوقتي ولأول مرة احس ان شيرين موقفها قوي وممكن فعلا ټخطف رأفت مني !!
لكن رغم كل ده حاولت اظهر قدامه اني مش بغير عليه واني مش مهتمة بكل اللي شروق بتعمله .
عدت فترة الحمل وولدت ولد سماه رأفت سعد علي اسم باباه .
و كنت فاكرة انه هيقربني من رأفت اكتر لكن رأفت فضل بعيد عني رغم محاولاتي الكتير .
كنت بحاول امنع نفسي من الغيرة والشك فيه واظهر له اني اتغيرت لكن من جوايا كنت كل ما اشوفه بيكلم بنت او ست خصوصا شيرين كانت ڼار الغيرة بتحرقني وكل ما المح شيرين بتبص عليه كنت بحس انها مصممة تخطفه مني .
سارة تركت الشقة ونقلت في شقة جديدة بعيدة عننا .
ورأفت غير 
باسوورد موبايله و ده ضايقني جدا لأني علطول كنت بشوفه مشغول في الموبايل ومش بيتكلم معايا !! 
كنت عاوزة افتح موبايله بأي طريقة واعرف بيكلم مين ومشغول مع مين دايما بالشكل ده . يا تري شيرين هي اللي شغلاه وبيكلمها ولا واحدة تانية 
كان الحل الوحيد اني اقعد اراقبه وهو بيفتح تليفونه علشان اعرف افتحه وفعلا قدرت اعرف الباسوورد من غير ما يعرف .
المشكلة انه ماسك الموبايل طول ما هو في البيت وبينام في اوضة الاطفال والموبايل معاه !! مش عارفة همسك تليفونه امتي 
كان افضل وقت لما يدخل ياخد شاور الصبح .
عملت نفسي بجهز الفطار لما دخل الحمام وفتحت تليفونه وبدأت اشوف رسايل الواتس والماسنجر لكن للاسف ملحقتش اشوف كتير منها ولقيته خارج .
قفلت الموبايل و رجعته مكانه قبل ما يلاحظ لكن رأفت لاحظ اني اتأخرت في عمل الفطار .
اشتريت فلاشة علشان انقل كل حاجة من تليفونه علي تليفوني واشوفها براحتي .
تاني يوم رأفت دخل الحمام وانا مسكت موبايله و ركبت الفلاشة وفجأة لقيته قدامي وبيقولي انا كنت عارف انك هتعملي كده انتي مريضة ومفيش منك امل .
طيب استني انا هشرحلك ...
من غير شرح كل حاجة واضحة ومفهومة .
لأ اسمعني طيب الاول 
مش هسمع كل حاجة انتهت .
يعني ايه 
يعني كل واحد يروح لحاله بهدوء .
هتطلقني 
ده افضل حل .
طيب اديني اخر فرصة .
اديتك فرص كتير لكن انتي مريضة و حالتك ميؤس منها .
اعتبر دي اخر فرصة علشان الولاد مش علشاني انا .
الولاد لما يتربوا في جو هادي احسن ما يتربوا في جو كله مشاكل .
انا بحبك ومش عاوزاك تضيع مني وسعد وريتاج محتاجينا احنا الاتنين مع بعض .
انا اللي هسيب البيت المرة دي .
مشي رأفت وحاولت اني امنعه معرفتش حاولت اوسط ناس كتير سواء من قريبي او من قرايبه وكمان زمايلنا المقربين لكن مفيش فايدة !!!
فضلت مع ولادي فترة وهو رجع يعيش مع اهله .
والمصېبة الكبيرة اني عرفت ان شروق بنت خالته اتطلقت من جوزها !!! والکاړثة اني عرفت انها بتروح عند خالتها مامت رأفت كل يوم !!!!!
يعني معني كده انها بتقابل رأفت كل يوم عند مامته !!!
ده معني كده انها ممكن تقدر بسهولة تخلي رأفت يحبها خصوصا انها مايصة وانهم واخدين علي بعض اوي .
عدت فترة طويلة وحاولت اني اكلمه كتير في الشغل واتفاهم معاه علشان الحقه قبل ما واحدة تقدر تخليه يحبها ويضيع مني لكن فشلت .
لحد ما في يوم بعد ما رجعت من الشغل اتفاجأت به بيدخل من باب الشقة وقعد وقالي تعالي علشان عاوزك في موضوع مهم .
اخيرا يا رأفت رجعت بيتك .
لا انا عاوزك في موضوع مهم .
خير .
انا بحب واحده تانيه وهتجوزها.
ده اخر كلام عندك 
ايوه ده اخر كلام .
طب وانا وعيالك هتعمل معانا ايه 
انا اسف بس هى مش عايزه ضره ف انا هطلقك ومتقلقيش العيال هيكونوا معاكي وانا كل فترة هاجي ابص عليهم ومصروفهم هبعتهولك كل اول شهر .
انا مش عاوزة مصروف العيال انا عاوزاك انت تفضل معانا .
اسف ده قرار نهائي . 
خرج جوزي وقعدت مع نفسي افتكر كل حاجة حصلت من اول يوم عرفته فيه لحد دلوقتي .
من صدمتي كنت مش عارفة افكر لدرجة اني حتي مش سألته عن مين اللي بيحبها وهيتجوزها !!!
بس معقول رأفت بجد يحب واحدة تانية غيري وكمان هيتجوزها !! 
لازم اعرف هي مين دي اللي قدرت تخطفه مني !!
يا تري شيرين نجحت انها توقعه في حبها المرة دي ولا شروق بنت خالته قدرت توقعه بعد ما اتطلقت 
ولا مين اللي قدرت
تخليه يحبها ويقرر يتجوزها 
الحلقة السابعة الاخيرة
يا تري شيرين نجحت انها توقعه في حبها المرة دي ولا شروق بنت خالته قدرت توقعه بعد ما اتطلقت 
ولا مين اللي قدرت تخليه يحبها ويقرر يتجوزها 
قعدت افكر وانا هتجنن وحاسة ان تفكيري اټشل !!
اتصلت برأفت كتير لحد ما رد عليا وقالي نعم عاوزة ايه
انت بجد هتطلقني 
اومال يعني بهزر معاكي !!
ويهون عليك حبنا والعشرة اللي بينا !!
جنانك هو اللي ضيع كل حاجة .انا كنت مش ناوي اطلقك علشان الاولاد انما هي رفضت ان يكون لها ضرة .
انا عاوزة اعرف هي مين دي 
شئ مش يخصك .
لأ يخصني اعرف مين اللي هتخطف جوزي مني .
مش هتفرق معاكي كتير النتيجة بالنسبالك واحدة .
لازم اعرف مين اكيد شيرين صح ولا شروق بنت خالتك 
ولا دي ولا دي اقفلي بقي وريحي نفسك .
اومال مين 
سارة صحبتك ارتحتي كده 
يبقي انا كان عندي حق انتو الاتنين كنتوا بتخونوني بس انا مكنتش مغفلة واخدت بالي . هتتجوز سارة يا رأفت مش لقيت غير صحبتي .
اولا احنا الاتنين عمرنا ما خوناكي ابدا ثانيا انا كنت بتعامل معها كأخت علي اساس انها صحبتك وزي اختك لكن مش انتبهت لها الا بعد اللي عملتيه معها . بذمتك مش صعبت عليكي بعد اللي عملتيه فيها !!
ما هو الايام اثبتت اني كان عندي حق . 
والله ابدا انتي ظلمتيها وبعد اللي عملتيه معها ومعايا فكرت اني اتجوز وكانت هي انسب واحدة قدامي .
وهي وافقت تتجوزك 
ايوه وافقت .
واشترطت عليك تطلقني كمان 
ايوه وده حقها .
كسر حقها .
ارجوكي متغلطيش فيها دي هتبقي مراتي بعد اسبوع .
طيب يا رأفت ماشي يا رأفت اتجوزها برحتك .
هتيجي معايا للمأذون امتي يطلقنا 
لأ انا مش جاية معاك لو عاوز تطلقني طلقني انت غيابي . بس خلي بالك قلبي اللي حبك وكسرته عمره ما هيسامحك ابدا .
قفلت معاه التليفون وانا حاسة ان قلبي هيقف من الصدمة .
كنت مش قادرة اصدق ان سارة تعمل كده ولا اني اهون علي رأفت كده اتصلت بملك صاحبتي انا وسارة وسألتها اذا كانت سارة هتتجوز قالتلي انها فعلا هتتجوز وقالتلي علي معاد الفرح ومكان القاعة اللي هيكون فيها الفرح .
فضلت ايام بدون نوم لحد يوم الفرح !! فكرت في حاجات كتير فكرت اني اروح الفرح واقتلهم علشان أبرد ڼاري لكن عيالي كانوا هيعملوا ايه من غيري و من غير ابوهم !!
فكرت اني اعمل حاجة في رأفت علشان مش ينفع يتجوز واحدة غيري لكن بردو هيكون مصيري السچن !! ده غير ان ممكن رأفت يرجعلي تاني .
واخر حاجة فكرت اني اروح لدجال علشان يعملهم سحر يفرقهم .
كلمت واحدة جارتي كنت عارفة ان لها في المواضيع دي قالتلي علي رجل بيعمل اعمال سحر قوي جدا .
طلبت منها انها تروح معايا عنده وفعلا راحت معايا وحكيت له كل الموضوع طلب من جارتي انها تخرج بره الاوضةوبعدها طلب مني ممارسة الرذيلة معاه !!!
انا اټفزعت من كلامه وطريقته و خرجت جري مشيت من عنده .
كان اخر حل قدامي اني اروح الفرح وافضحهم قدام كل الناس واعرف الناس كلهم انهم خاينين .
وفعلا يوم الفرح روحت الفرح ودخلت القاعة وانا دموعي علي خدي وبترعش من الحزن والخۏف !!
اول ما دخلت كانت عينيا علي الكوشة لكنها كانت فاضية وقدام الكوشة كانت سارة لابسه فستان الفرح وبترقص وسط البنات والستات !!
وعينيا بتدور علي رأفت ومش شايفاه . 
كان في شباب ورجالة كتير بيرقصوا ويسقفوا لكن رأفت مش شايفاه وسطهم !!
وفضلت ادور بعنيا علي رأفت وبعد ما خلصت الاغنية شوفت سارة قعدت في الكوشة وجنبها كرسي العريس فاضي وبعد شوية شوفت شاب قعد جنبها في الكوشة !!!!!!!
مين ده اللي قاعد جنبها ده مش قريبها انا عمري ما شوفته قبل كده !!! وقاعد في الكوشة ليه 
بعد شوية شوفت رأفت داخل القاعة ومعاه المأذون وراحوا يكتبوا الكتاب .
وكانت المفاجأة ان عريس سارة هو الشاب اللي كان قاعد جنبها ورأفت كان شاهد علي كتب كتابها !!!!!
معقول !!!! يعني رأفت كان بيكدب عليا !!! اومال مين اللي عاوز يطلقني علشانها 
جريت علي رأفت وقولتله ممكن تفهمني ايه ده انا هتجنن من اللي بيحصل !!
انتي لسه مش فهمتي 
يا ريت تفهمني انت .
انا
عرفت ان سارة اتخطبت وحبيت اثبتلك ان المشكلة عندك انتي في طريقة تفكيرك دايما بتقدمي نية السوء !! لو انتي نيتك سليمة هترتاحي . انما طول ما انتي بتشكي في اللي حواليكي هتفضلي تعبانة تعبتي نفسك وتعبتيني وتعبتي صحبتك وعملتلنا كلنا مشاكل علشان مجرد اوهام في دماغك . فهمتي ولا لسه 
فهمت يا حبيبي يعني انت مش هتطلقني وتتجوز واحدة تانية 
امشي من قدامي بدل ما اتهور عليكي .
جريت علي سارة واخدتها وباركتلها وكانت سارة سعيدة اوي بوجودي ببص ورايا لقيت رأفت بيبص عليا وبيضحك .
رجعت لرأفت وقولتله سامحني و حياة حبنا ما هشك فيك تاني .
انتهت.