قصه ل عادل عبدالله الحلقة ٥

ما نزلت شغلي مرة تانية بعد اجازة الجواز وكنت بنزل الصبح اروح شغلي وسارة تقعد مع ابنها طول اليوم وتعمل شغل البيت ولما ارجع اخر اليوم نتعشا وندخل اوضتنا 
وبدأت سارة مش تعلق الستارة اللي علي السرير ولما سألتها قالتلي انها بقيت مطمنة معايا ومش خاېفة 
وفي يوم لما صحيت الصبح اتفاجئت بسارة بتقولي انا الليلة دي حلمت بنور اخوك !!!!
سبت كل اللي في ايدي وقولتلها احكيلي شوفتي ايه واتكلم معاكي ولا لأ قولي يلا بسرعة 
ده حلم قصير اوي 
احكي طيب يا سارة 
حلمت بنور ماسك تفاحة وادهالي وقالي التفاحة دي ليكي انتي وامير كلوها مع بعض !!! 
وبعدين 
ولا حاجة هو ده بس الحلم 
حلم غريب اوي وده معناه ايه 
مش عارفة 
مشيت روحت شغلي وانا بفكر في الحلم وحاسس انه له معني بس انا لسه مش عارف 
سألت اصحابي عن تفسير الحلم فقالولي ان الحلم ده معناه ان اخوك موافق علي جوازك من ارملته !!!
مش اقتنعت بكلامهم وشكيت ان ممكن يكونوا بيقولولي كده علشان يطمنوني مش اكتر وشكيت كمان ان ممكن تكون سارة أدعت الحلم ده لسبب ما داخلها !!
رجعت من شغلي وكننت تعبان اكلت وشربت الشاي وبعد اقل من نص ساعة بدأت احس ان جسمي بيسخن مش عارف ليه !!!
معرفش ازاي جالي الاحساس ده فجأة ! قولت اخرج اقعد في الهواء شوية علشان اهدا 
فعلا خرجت وقعدت في الهواء
دخلت اخدت شاور ودخلت انام لكن النوم طار من عيني ومش قادر انام !! سهرت لوقت متأخرت وانا بقاوم رغبتي لحد ما نمت 
كل يوم كان بيتكرر نفس الموقف بعد العشا بنص ساعة اوساعة 
ولما بدأت افكر في سارة كزوجة قررت اني احاول اشوف موقف عمل تبع الشركة يكون بعيد علشان ابات فيه 
وفعلا طلبت من الشركة السفر لموقع عملل فأنتقلت لموقع في البحر الاحمر يستغرق العمل فيه حوالي ٣ شهور ما بين ٢٠ يوم عمل و١٠ اياام راحة كل شهر 
امي ڠضبت لما عرفت بسفري وقالتي يا بني بلاش سفر مش عاوزاك تبعد عني ده انت دلوقتي وحيدي ومفيش غيرك 
يا امي معلش ڠصب عني نقلوني هناك وعموما ده كام شهر بس وهرجع اشتغل هنا تاني 
شكلك فرحان بالسفر يا امير 
مش مسألة فرحان بس ده رزقي واكل عيشي 
يا ابن بطني ده انا فهماك اكتر من نفسك 
ضحكت وقولتلها قصدك ايه يامه 
قصدي ان السفر ده جه علي هواك علشان تبعد عن سارة 
مين اللي قالك كده بس  
يابني بقولك انا فهماك اكتر من نفسك بس قولي صحيح انتوا لسه زي ما انتوا محرمها علي نفسك بردو 
والنبي يامه بلاش كلام في الموضوع ده علشان اسافر واحنا مش زعلانين 
طيب يابني سافر وترجعلنا بالسلامة 
جهزت شنطتي وسافرت واستلمت شغلي هناك والغريب بعد العشا كل ليلة اختفت !!!
استمريت في الشغل العشرين يوم وكنت بتصل بأمي اطمن عليها وعلي وحيد وسارة كل يومين 
وبعد عشرين يوم اتصلت بأمي وقولتلها ازيك يا امي عامله ايه 
الحمد لله يا امير انت جاي امتي 
انا جاي بكره وكنت بتصل بيكي علشان تعمليلي اكلة من ايدك الحلوة احسن انا هنا معدتي نشفتك من اكل الجبنة والتونة 
حاضر يا حبيبي تيجي بالسلامة 
رجعت من السفر
وقابلوني كلهم بلهفة كأني كنت مسافر من سنين 
امي جهزت العشا وقعدنا اتعشينا كلنا وبعد العشا بحوالي نص ساعة بدأت احس تاني بسخونة في جسمي 
وكنت حاسس اني قربت اضعف فخرجت انام بره 
امي قلقت بالليل ولقتني نايم قدامها صحيتني وقالتلي انت ايه اللي منيمك هنا يا امير 
مفيش يامه مجانيش نوم في الاوضة من الحر قولت اخرج انام هنا 
انت كده بتخالف اتفاقنا يا امير !!
يامه سبيني علي راحتي 
لأ ادخل نام في اوضتك زي ما اتفقنا 
اضطريت اني ادخل انام في الاوضة 
ورغم ان سارة كانت متعودة تلبس بنطلون وتيشيرت بكم وهي نايمه و بتتغطي كمان 
لكن لما دخلت الاوضة اتفاجئت ان سارة نايمة لابسه هدوم خفيفة علي غير عادتها 
لفيت وشي بسرعة واديتها ضهري و حاولت انام بسرعة 
حاولت انام لكن مفيش فايدة التفكير هيموتني وعاوز ارجع انام بره لكن امي كانت هتعمل مشكلة معايا علشان اتفاقنا معها 
وفي الأخر قومت دخلت الحمام واخدت شاور علشان اهدا واعرف انام ولما رجعت الاوضة دخلت بدون ما ابص عليها و فضلت كتير احاول انام لكن تفاعل حتي يصلك باقي القصة