جوزي

وقاله 
سيب ايديها ياسعد سييب
سعد 
في ايه ياجمال مالك بتزعق لي ليه كده هي مش مراتي انت مالك انا بمسك ايد مراتي
جمال 
بقولك سيب ايديها ليلى مش مراتك دلوقتي
سعد 
نعممم مش مراتي يعني ايه هو انا كنت طلقتها قبل مسافر وانا مش واخد بالي ولا ايه ماتعقل كده ياجمال في كلامك الله
جمال 
انا عاقل جدا ياسعد وبقولك ان فعلا ليلى مش مراتك وبعد اذنك بقا شيل ايدك من عليها
سعد 
هو ايه يا أمي هو ابنك ده ماله ماتفهموني ايه اللي بيحصل بالظبط عشان انا كده دماغي لفت هو في ايه
الام 
اصل ياسعد الصراحة كده يابني انت غبت 6 سنين وفي الست سنين دول حصلت حاجات كتيرة واحنا كلنا كنا فاكرينك رحت والحكومة كمان قالت انك رحت وليلى يابني لسه صغيرة ومكنش ينفع تقعد كده من غير راجل وكده
سعد 
اقصدك ايه يا أمي قصدك تقولي أن ليلى اتجوزت بعد ما أنا رحت او بعد ما انتو افتكرتو اني رحت ازاى ده بقا اتجوزت مين ده ان شاء الله
كلهم بصو لبعض وهو كمل وقال 
ماتتكلمو ليلى اتجوزت مين اتجوزتي مين يا ليلي
جمال 
اتجوزتني انا ياسعد خلاص ارتاحت كده ايوه انا ابقي جوز ليلى
سعد اټصدم ومعرفش يرد عليه وامه قالت له 
متزعلش ياسعد يابني اخوك جمال عمل كده لانه خاف على مراتك انها تبقا لوحدها من بعدك او اي راجل تاني يجي يضحك عليها فقال يتجوزها ويحافظ عليها هو
ليلى 
والله ياسعد انا افتكرتك رحت فعلا واحنا ډفناك اصلا ياسعد يعني انت كنت كده كده ذكرى خلاص
سعد 
تقومي تتجوزي ومين اخويا
جمال 
انا اااا اتجوزها انا افضل من انه يجي واحد تاني يتجوزها ياسعد هو انت يعني كنت هتبقا مبسوط ان ليلى تتجوز واحد تاني
سعد 
لا مش هبقا مبسوط ولا هبقا مبسوط انها اتجوزتك ياجمال عشان كده بقولك انا عايز مراتي لاني رجعت وبالتالي هرجع كل أوراقي عند الحكومة يعني مراتي ترجع لي والا هاروح ابلغ عنها
جمال 
انت بتقول ايه ياسعد عايز تحبس ليلى ليه يعني هي عملت چريمة ولا عملت چريمة دي اتجوزت زي اي ست تتجوز لما جوزها بيروح مفيهاش حاجة
سعد 
لا فيها ياجمال فيها انها مراتي من الاول ولازم ترجع لي
الام 
مش هينفع ليلى حامل من اخوك يا سعد
سعد اټصدم 
اييييه كمان حامل طيب ازاى حامل دلوقتي وهما متجوزين من ست سنين زي ما بتقولي يا أمي
الام 
ماهي يابني طول الفترة دي محصلش حمل والحمل حصل بس الايام دي هنعمل ايه بقا ياحبيبي انت نصيبك
سعد 
نصيبي كده فعلا وبص لليلى وقال لها 
وسعد هان عليكي يا ليلي هان عليكي انك ترميه ورا ضهرك كده وتتجوزي اخويا جمال 
جمال 
انت بتعاتبها ليه ياسعد هي ملهاش ذنب في حاجة انا اللي حبيتها واتجوزتها وخلاص خلصنا بقا
سعد 
خلصنا ياجمال تمام على العموم ربنا يسعدكم وانا هدور على اي واحده تانية واتجوزها واعيش معاها على فكرة يا أمي أنا معايا فلوس كتيرة اوي ومن بكرة هاروح اتفق مع أي سمسار على انه يشوف لي فيلا واشتريها واعيش فيها لو عايز تبقى تيجي تعيشي معايا تعالي
الام 
إن شاء الله يابني طيب وهتشتغل ايه ياسعد ياحبيبي
سعد 
هجيب لي شركة كده صغيرة أكبرها بمجهودي وهبقا اكبر رجل أعمال يا أمي متقلقيش عليا انتي
الام 
ربنا يزيدك ياسعد يابني
سعد 
ودلوقتي انا هاروح اقعد في فندق لحد لما اجيب البيت اللي هقعد فيه
الام 
ليه يابني بس تروح فندق ما بيتي مفتوح لك اهو يا سعد خليك معايا هنا ياحبيبي
سعد 
لا لا عشان العرسان يبقو على راحتهم
جمال 
احنا قاعدين في الشقه اللي كنت فيها