حُسن القلوب _كااامله _بقلم رحاب القاضي

تقوم بوضع ذلك الاسوار بيد ندي قائله

لا ليه لزوم ونص دي عروسة ابني واهديها عيوني لو طلبت..

نظرت لها ندي بدموع وابتسمت لها بهدوء قائله

شكرا جدا بجد..

_ربتت شاديه بهدوء ع ظهرها وذهبت وجلست بمقعدها وبعد قليل جاء الماذون وتم عقد القران وودعت ندي والديها وشقيتها وذهبت معهم...

٠٠٠٠٠٠٠٠٠٠٠٠٠٠٠٠

_بمكان اخر بمنزل كبير وضخم ذو تصميم راقي يمتلكه احد الرجال السايسين بالبلده توقف عدد من سيارات الشرطه امام ذلك المنزل وهبط من احداها حازم وملامحه غاضبه بقوه وخلفه طارق يحاول تهداته...

طارق پحده

استني يبني اكيد يعني مش هيهرب ويجي هنا..

حازم پغضب شديد

انا جاي للي عامل فيها رجل قانون وعادل وهو اللي مهربه اصلا..

طارق بهدوء

طيب برضو اهدي احنا معانا اذن نيابه هندخل وهنفتش البيت كله وهنقلبه ع دماغهم بس بالهداوه عشان مش ناقصين مشاكل..

_اومي له حازم بنعم ثم اشار لرجال الشرطه بان يقتحمو المنزل ودلف هو معهم وايصا طارق هبط رجل يبدو فبداية عقده الرابع من اعلي الدرج ونظر لرجال الشرطه التي تملأ المنزل بالاعلي والاسفل ويقومون بالبحث ع ذلك المچرم...

ثم ضحك بهدوء قائلا

خير ي امن وامان بلدنا في حاجه ولا اي..

اجابه حازم پحده

لا هو مش خير خالص ي فارس بيه اخو حضرتك هرب من عندنا..

صاح فيهم فارس پحده قائلا

وازاي يهرب ي بشوات ده انا مسلمه ليكم بنفسي حصل ولا محصلش ي طارق باشا..

اجابه حازم پحده

هو حصل فعلا ولعبتك كانت جامده اووي انك تسلمه وتبان راجل شريف ومن تحت الترابيزه تهربه ودم البنت اللي اخوك قټلها يروح كده ع الفاضي..

رد عليه فارس بهدوء

انا مش هزعل منك ي حضرة الظابط انا برضو مقدر انك ظابط شاطر ويعني اي مچرم يهرب من تحت ايدك...

حازم پحده

اديك قولت مچرم وانت لما جيبته طلبت الصحافه متعرفش حاجه عشان اسمك فالبلد بس مدام بقي فيها شغل ۏسخ يبقي استحمل اللي هيحصل واخوك هجيبه يعني هجيبه وانا بنفسي اللي هسلمه لحبل المشنقه واي حد فاسد فالبلد كمان..

_القي كلماته واخذ رجال الشرطه وذهب للخارج بعد ان لم يجدو ذلك القاټل بالمنزل..

فارس بنبره غاضبه

عقله ي ابن البحيري والا..

قاطعه طارق بجمود قائلا

لا عندك واعرف انت بتكلم مين هو ايوه مش شايل اسم عيلة البحيري بس هو منها واخويا واللي يرشه بنقطة مايه هغرقه فبحر ډم..

_تركه طارق ولحق برفيقه عائدون الي عملهم فحين ظل فارس ينظر لهم پغضب شديد ثم اشار لاحد رجاله الذي تقدم منه سريعا..

قائلا بايماء

اوامرك ي باشاا..

فارس پغضب دفين

عايز روح الواد ده..

الحارس بفضول

انهي فيهم ي باشا شاور واعتبره حصل..

احتدت نظراته وتشنجت ملامح وجهه واردف قائلا پحقد

هتخلصو علي......

_فمن الذي اخبر فارس حارسه بان ېقتله...

٠٠٠٠٠٠٠٠٠٠٠٠٠٠٠٠

_بعد مده من الوقت دلفت ندي لغرفتها الجديده بمنزل البحيري وقلبها ينتفض بقوه وكانها دالفه لاحد المنازل المهجوره المليئه بالړعب بل وان كان ذلك ف سيكون اهون لقلبها من ذلك الشعور الذي هاجمها اثناء دلوفها لذلك المنزل وايضا لتلك الغرفه فاقت من شرودها عندما اغلق مالك الباب خلفه بقوه فانتفضت وهي تستدير ناظره له بقلق...

اقترب منها وهو يرمقها پغضب قائلا

عملتي اللي فدماغك..

ندي بجمود

مسبتليش حل تاني عشان اختاره..

رد عليها پحده قائلا

من غير رغي ولت كتير لو فاكره انك لما هتبقي هنا هعاملك ع انك زوجه وهيبقالك قيمه يبقي بتحلمي..

تابع وهو يشير لموضع جنينها قائلا

انا طموحي اكبر منك ومن اللي فبطنك ولا انتي ولا هو هتقيدوني اخرك معايا لما يتولد وتاخديه وتغوري ومشوفكمش وهبقي ابعتلك مبلغ عمر اهلك ميحلمو بيه..

ابتسمت بسخريه قائله وهي تحاول كبت دموعها

انت ازاي كده ازاي قادر فكل يوم تخليني اكره نفسي عشان حبيت واحد ۏسخ وقذر زيك..

_انتهت جملتها بصفعه قويه ع وجهها سقطت اثرها ارضا وهي ممسكه وجهها بالم وعدم تصديق من ما بدر منه ولم يتفوه بشئ بل اخرج هاتفه وقام بالاتصال باحدهم...

وبعد قليل تحدث قائلا بخبث

ايوه ي ريناد فينك ي بيبي..

رفعت هي راسعا ناظره له باشمئزاز فحين تابع هو حديثه قائلا

تمام اووي اطلعي بقي ع شرم وانا هحصلك هنقضي كام يوم سوا..

_انهي مكالمته ونظر لها بجمود ثم جثي ع ركبتيه امامها ومرر يده ع وجهها بهدوء ماسحا دمعها فاشاحت هي بوجهها للجهه الاخري...

فحين اردف هو پحده

سيبهالك اهو خللي فيها لوحدك. بس اقسم بالله لما هرجع هندمك ع اللحظه اللي عندتيني فيها وعملتي اللي فدماغك...

ردت عليها بابتسامه مستفزه قائله

اطمن مبقاش فيا حاجه سليمه تقدر تكسرها فمهما عملت هكون متوقعاه منك..

_لم يجيبها بشئ بل تركها وذهب خارج الغرفه بل المنزل باكمله ذهب وصعد تلك السياره الموجوده بالاسفل وكان معتز جالسا بالخلف بها...

معتز بضيق

خالي كلمني وقالي مخليكش تسافر وبعدين معاه حق في عريس يسافر ليلة دخلته وكمان هتقعد اسبوع بحاله هناك..

مسح مالك بيده ع راسه قائلا بجمود

اسكت ي معتز وقول للسواق يتحرك..

معتز بحديه

اولا كده انا والله مكنت اعرف ان عينك من بنت الاستاذ اسامه والله لو كنت اعرف مكنت بصيتلها اصلا..

_كور مالك قبضة يده پغضب شديد بل وغيره كبيره اجتاحت قلبه فحين تابع معتز قائلا..

معتز

وحاجه كمان انا لا شوفتها مع واحد ولا مع غيره انا بس قولت كده عشان كنت متغاظ من رفضها..

نظر له مالك پحده قائلا

وحياة امك. اقولك اخرس بدل مطلع كل الغل اللي جوايا فيك..

معتز بمرح

براحتك والله مانت عريس بقي حد قدك وبعدين قولي لي كلمتني من شويه وبتقولي ريناد انا كنت هشك فنفسي..

مالك بغيظ

اي رئيك ابعت اجيب كوبايتين شاي ونكمل كلام..

تابع وهو يوجه حديثه السائق قائلا پحده

اطلع ي عم انت كمان خلينا نخلص من ام القرف ده..

٠٠٠٠٠٠٠٠٠٠٠٠٠٠٠٠

_بمنزل حسن كان مجتمع مع عائلته يتناولون وجبة العشاء وكل من ملك وحسن ينظران لبعضهم بقلق وتوتر بعد ان قرر والدهم لاول مره ان يتناول معهم الطعام...

سعيد بجديه

انا مبسوط منك ي حسن لما روحت الشركه النهارده لقيت الموظفين بيشكرولي فيك وفتعاملك معاهم وكمان فصاحبك اللي بيروح معاك..

حسن ببعض توتر

ااا ده محمود انا كنت هبلغ حضرتك انه هيساعدني و..

قاطعه سعيد د بجمود

حصل خير انا هشفعلك عن الحركه دي عشان شغل صاحبك عاجبني وباين عليه انه مكافح بيفكرني بنفسي زمان..

حسن بسخريه

فرق كبير بينك وبينه محمود طيب وحنين..

أردفت والدة حسن بهدوء

انا ديما بقول ان صحاب حسن دول جدعان اووي ربنا يخليكم لبعض ي حبيبي..

قبل ان يجيب حسن والدته اردف والده بجمود

ابن فاروق الخولي ميدخلش الشركه ي حسن انا لا بطيقه ولا بطيق ابوه فاهم..

تنهد حسن بضيق فوالده ووالد هادي دائما ع خلاف مستمر

هادي مش مجاله الشغل بتاعنا و..

قاطعه سعيد قائلا پحده

سمعت قولت اي ولا مسمعتش دي شركتي وده شغلي وانت تنفذ كلامي وبس..

_انتفض حسن پخوف شديد وكور قبصة يده واخذ ينفذ تعليمات بهاء كي لا يفعل اي شي متسرع ومنفعل نتيجة خوفه....

ملك بقلق

بابا هو انت بتروح امتي المستشفي انا مش باخد بالي بتروح امتي..

سعيد بجمود

اروح وقت مروح هتعملي اي يعني هتيجي توصليني..

نهض حسن قائلا بضيق شديد

انا شبعت بعد اذنكم..

سعيد پحده

اقعد ي ولد محدش يقوم غير بعد مانا اقوم اتعلمو الادب بقي..

_جلس حسن مجددا وهو يحاول التحكم بثباته وعدم اظهار خوفه نظر له سعيد بضيقثم اردف بهدوء قايلا...

سعيد

براحتكم اللي يخلص اكل فاي وقت يقوم..

_همست ملك بمرح لحسن قائله بعد ان نهض والدها ذاهبا لغرفته...

ملك

واضح كده ان ابوك جاله انفصام فالشخصيه..

_ضحك حسن بهدوء ثم شرد فحالته هل سيظل هكذا دائما لماذا ېخاف هكذا منه لماذا خوفه يأتي اليه بشكل عدواني هكذاا...

٠٠٠٠٠٠٠٠٠٠٠٠٠٠٠٠

_بعد مرور اسبوع كانت ليلي تباشر علاجها بشكل منتظم ولكن فهذا اليوم ساءت حالتها بقوه كان معها هادي ومريم بالخارج..

نهضت هي عن فراشها واخذت تدور بالغرفه وهي ممسكه براسها بالم زاد الالم عليها ولن تتحمل فركضت للخارج واما ان وجدت هادي حتي ذهبت له سريعا..

قائله پبكاء

هادي عشان خاطري كلم خلفاوي يجيبلي اي حاجه والله ھموت عشان خاطري..

_نظر لها هادي بحزن شديد من حالتها هذه فحين امسكتها مريم من يدها قائله بقلق..

مريم

طيب تعالي جوه وانا هكلم دكتور خالد يجي يديكي اي مسكن..

دفعتها ليلي بقوه قائله بانفعال شديد

مش عايزه مسكنات وملكيش دعوه بيا اصلا..

تابعت پبكاء شديد لهادي قائله

اتصرف ي هادي والله بمۏت..

هادي بتوتر شديد وقلق

طيب اهدي والدكتور خالد ه..

قاطعته قائله پغضب هيستيري

انتو مبتفهموش انا مش عايزه دكتور خالد انا مش عايزه اتعالج ومش عايزاكم انتو لي بتتعبوني..

_فذلك الوقت حدثت مريم حسن ومحمود واخبرتهم بحالة ليلي وذهبت واخبرت الممرضه المقيمه معهم التي احضرت حقنة مهدئ وجاءت لهم...

مريم بقلق

بصي ي ليلي الحقنه دي هتخليكي تخفي..

ليلي پغضب شديد وهي تركض باتجاه الخارج

مش هاخد حقن ومش هقعد عندكم...

مريم پخوف شديد وهي توجه حديثها لهادي قائله

انت هتقف تتفرج اعمل حاجه..

_انتبه هادي ل قول مريم وركض خلف ليلي قائلا پحده وهو يجذبها من زراعها...

هادي

مفيش خروج ومفيش زفت وهتاخدي الحقنه ي ليلي..

دفعته بكل قوتها قائله پغضب

ابعد عني انت فاهم ملكش. دعوه بيا..

_قيدها من زراعيها بقوه وقام بجذبها لغرفتها رغما عنها بمساعدة مريم والممرضه قيدها ع فراشها هو مريم وهي تصرخ وتبكي بقوه والم فحين قامت الممرضه باعطاءها الحقنه وبعد دقائق قليله هدأت وذهبت ف ثبات عميق..

_ تركهم هادي وذهب للخارج ودموعه تنهمر ع وجهه بلا توقف..

مريم بقلق

مالك انت كمان في اي..

هادي پبكاء

مش قادر اشوفها كده ي مريم انا اللي وصلتها للحاله دي انا السبب..

_فذلك الوقت دلف محمود وحسن ومعهم الطبيب خالد للداخل..

حسن بقلق شديد

ليلي فين وحصلها اي..

مريم بتنهيده طويله

الحاله اللي قال عليها الدكتور خالد حصلت بس قدرنا نسيطر عليها واخدت حقنة المهدأ..

خالد بجديه

ممكن اشوفها طيب..

مريم بهدوء وهي تذهب معه لغرفة ليلي

طبعا ي دكتور اتفضل..

 حسن بقلق

مالك ي هادي..

هادي پغضب شديد

لو حد المفروض يكون فالحاله دي فهو اناا مش ليلي..

محمود بجديه

في اي ي هادي احنا هنخيب من اولها اجمد كده عشانها عشان لو شافتنا خايفين هي مش هتكمل..

_ارتمي هادي باحضانه باكيا بقوه فعانقه محمود بقوه وايضا حسن الذي ادمعت عيناه ع حالة ليلي ايضا دلف فذلك الوقت خالد خارج غرفة ليلي ومعه مريم...

خالد بمرح

اي ي شباب احنا جينا فوقت مش مناسب ولا اي..

ابتعد حسن سريعا عنهم قائلا بتوتر

لا دي بس لحظة تاثر مش اكتر..

مريم وهي تكتم ضحكاتها

هادي انت نمت فحضن محمود لا اي...

هادي بنبره مرحه

حضنه حنين اووي..

دفعه محمود بعيدا عنه بقوه قائلا

وقته ده يخربيت اهلك..

_ضحك جميعهم بقوه ثم اخبرهم خالد عن بعض الارشادات الخاصه بحالة ليلي وكتب لها بعض الادويه الجديده وطمانهم انها قريبا ستتحسن وسوف تباشر حياتها العاديه وودعهم وذهب عائدا لعمله..

محمودبحديه.

مريم يلا روحي عشان تشوفي اهلك..

 مريم برفض شديد

مش هسيب ليلي مستحيل..

هادي بجديه

مينفعش ليلي احنا معاها واهلك جم النهارده مينفعش متروحيش تقابليهم..

مريم بضيق

مش هسيب ليلي كده وهي محتاجالي واروحلهم هما انا وقت مكنت ببقي تعبانه ومحتاجه حد جنبي كنتو بتبقو انتو اللي معايا مش هما ف مش هسيبكم واروحلهم..

_مسد حسن ع شعرها وكانها طفله صغيره وحدثها بنبره هادئه قائلا...

حسن

بصي ي مريم مش هيجي اللي عملوه فيكي اصعب من اللي عمله بابا فيا بس باهر قبل كده قالي حاجه دول اهلنا وحبهم واحترامهم والاهتمام بيهم ده واجب علينا حتي لو ھيموتونا باديهم احنا لازم نديهم حقهم فانتي تروحي تقابليهم كويس وتمتعي عينك بشوفتهم معاكي وتشبعي منهم ومن قربهم ده وبالليل تعالي ي ستي ل ليلي تمام كده..

_اومئت هي له بنعم فتابع حسن موجها حديثه لهادي قائلا پحده..

حسن

والبيه يرجع لبيتهم وكفايه صرمحه بقي ونذاكر هاا ونشد حيلنا عشان ننجح. كلنا بتقديرات كويسه والسنه الجايه نفضي بقي ل ليلي عشان نعوضلها اللي فاتها..

محمود بتاييد

هادي خد مريم وصلها وروح صالح ابوك انا اقتنعت بكلام مرات ابوك وبصراحه انت مشوفتش منها حاجه وحشه تدل ع كرهها ليك او لامك..

هادي بجمود

خلو بالكم من ليلي وانا هجيب مريم ونيجي بالليل..

_اخذ هادي مريم معه وذهبو للخارج فحين جلس محمود وحسن بمفردهم كاد محمود ان يحدثه بامر زواجه من ملك ولكن فضل الانتظار قليلا...

٠٠٠٠٠٠٠٠٠٠٠٠٠٠٠٠

_بمنزل البحيري بغرفة ندي كانت جالسه بغرفتها تنظر من الشرفه وهي ممسكه بكتابها الدراسي ولكنها شارده فاللاشئ حتي انها لا تنتبه الي صوت الطرق ع باب الغرفه بعد لحظات دلفت شاديه للداخل ونظرت لها بحزن ع حالتها فهي مثلها غاضبه من ابنها ع تركه لزوجته باول زواجهم والسفر هكذا ولكنه اعند من ان تمنعه او تردعه للرجوع...

شاديه بهدوء وهي تجلس بجوارها ع الاريكه

اي السرحان ده كله..

انتبهت لها ندي ثم مسحت دموعها سريعا قائله بتوتر

لا ابدا بس انا بذاكر والله ومختش بالي من حضرتك..

شاديه بابتسامه حنونه

ولا يهمك ي حبيبتي محصلش حاجه اي اخبار القعده معانا هنا..

اومئت لها ندي بهدوء قايله

الحمد لله تمام..

شاديه بجديه

انا عارفه ي بنتي ان الوضع بينك وبين مالك مش مستقر بس هو الجواز كده فالبدايه حتي لو كنتو متجوزين عادي يعني مالك ابني اعند شخص ممكن تقابليه فحياتك..

ابتسمت ندي بسخريه قائله

للاسف عرفت ده متاخر جدا..

شاديه بحماس

انا بقي واثقه انك هتغيريه انتي بالذات عشان انا بشوف فعنيه نظره ليكي مشوفتهاش قبل كده..

ندي بضحكه هادئه

انا اسفه بس حضرتك بيتهيألك كده و..

قاطعتها شاديه پحده مصطنعه قائله

لا استوب كده انتي متعرفيش ابني قدي انتي بتقولي كده عشان مشوفتيش غير الظاهر منه هيجي اليوم اللي كل العقد اللي بينكم دي هتتحل وهتبقو زي الفل مع بعض ومع ابنكم..

لمعت الدموع بعيناها قائله

خير ان شاء الله..

شاديه بهدوء

تعالي بقي معايا نقعد تحت شويه وبعد كده فطارك والغدا والعشا يكون معانا تحت انتي بقيتي مننا دلوقتي..

_ابتسمت لها ندي وذهبت وجلبت حجابها وهبطت مع شاديه للاسفل فوجدو ساره وطارق وتلك الصغيره جالسين بردهة المنزل يتحدثون بمرح وصوت ضحكاتهم يملأ المكان...

طارق بنبره مرحه

اي ده احنا عندنا ضيوف ولا اي..

ساره بأبتسامه واسعه ردت عليه

ضيوف اي انت مش عايش معانا اصلا..

شاديه بهدوء

دي ندي مرات اخوك..

طارق بهدوء

انا عارف بس بهزر..

مد طارق يده لها قائلا بهدوء

طارق البحيري اخو جوزك الكبير..

صافحته ندي بهدوء قائله

اهلا بحضرتك..

طارق بنبره دراميه

دي بتقولي حضرتك وبتحترمني..

ساره بسخريه

فاكراك حد مهم..

شاديه بجدي

براحه ع البنت منك ليها..

تابعت وهي تجذب ندي من يدها بهدوء قائله

تعالي اقعدي ي حبيبتي وسيبك من