سر السلسله المسحوره كامله بقلم هويدا زغلول
المطبخ ودخلت ملقتش حاجة خالص
شريف
ياشيخة اصوات ايه دي بس اكيد كان بيتهأيلك ولا حاجة تعالي تعالي ندخل ننام لحسن انا راجع هلكان من برة يلا ياحبيبتي يلا
سعاد
صحيح هو انت كل يوم هتتاخر كده لبعد نص الليل ولا ايه مفيش يوم ترجع فيه بدري ونقعد فيه مع بعض
شريف
اعمل ايه بس ياحبيبتي ماهو الشغل في الشركة هو اللي بياخرني كده انا لو سبت الدنيا كده في الشركة انتي عارفه كل حاجة هتخرب
ربنا يعينك ياحبيبي المهم اعملك حاجة تأكلها
شريف
هااا لا لا انا اكلت مع الموظفين في الشركة
وبعدها دخلنا نمنا وتاني يوم صحيت احضر الفطار لشريف عشان هيصحي على الضهر ينزل شغله
ولما صحي قالي
انتي ازاى تسبيني لحد دلوقتي نايم ياسعاد هو انا مش قايل لك صحيني الساعه 12 والساعه بقت واحده ينفع كده
انت صعبت عليا ياحبيبي اصحيك وانت كنت راجع قرب الفجر الحق عليا يعني
شريف
ياسعاد انا كان ورايا اجتماع مهم في الشركة هوووف يلا انا هدخل البس وانزل علطول
سعاد
مش هتفطر الأول طيب
شريف
مش عايز اتنيل
وبعدها نزل شريف وجه الليل واتصلت على نجلاء وقولت لها
جاهزة يانجلا تعدي عليا عشان نروح للدكتورة
بصي نص ساعة واكون عندك ياقلبي يلا سلام
وبعدها جات نجلاء عندي ومشينا انا وهي وقالت لي
بس اشمعنا هانروح للدكتورة دي المستشفى هي مش عندها عيادة يابنتي
سعاد
عندها ياستي بس الست الدكتورة مش فاضية تروح العيادة اليومين دول فبتروح المستشفى العام اللي هي شغاله فيها دي وكمان عشان جهاز التحاليل وكده
امممم طيب لما نشوف اخرتها ايه
سعاد
هو يابنتي مش ناوية توافقي على هاني العريس اللي متقدم لك دي اخته كلمتني تاني وقالت لي اتحايل عليكي
نجلاء
يوووه هي لسه عندها امل والنبي ياسعاد تقولي لها اني مش بفكر في موضوع الجواز ده خالص الايام دي
سعاد
انتي هتفضلي فقر كده لحد امتى يابت انتي ماتدوري على مصلحتك وتوافقي مش يمكن العريس ده كويس وابن حلال
بلا ابن حلال بلا ابن حرام انا مش عايزة ياستي انا حره الله بقولك ايه احنا انا هركن هناك بالعربية المكان الوحيد اللي فاضي
وراحت نجلاء على مكان تركن العربية وببص بعيد شوية جنب المستشفى لقيت واحده ست قاعده ومعاها سلاسل كتيرة كده وبتقول
اللي عايز او اللي عايزة تعرف حظها ابين زين ابييين
قولت لنجلاء بت يانجلا انتي شايفه الست ماتيجي كده نجرب حظنا ونعرف الايام مخبيه لنا ايه
ايه الجنان ده ياسعاد انتي بتصدقي في الحاجات دي برضو ياشيخة كبري دماغك ويلا ندخل المستشفى هنتاخر على ميعادك
سعاد
انا هجرب بس يانجلا مش هنخسر حاجة ابدا وحياتي عندك يا نجلا يلا بقا متبقيش قفل كده
ورحت انا ونجلا عند الست وقولت لها
انا عايزة اعرف نصيبي ممكن تشوفي لي حظي ياست انتي
لقيتها بصت لي وقالت لي
طريقك أخضر وكله ورد منثور وايامك كلها مثل البنور قولي انشالله
سعاد
انشالله
الست
ارمي بياضك ياحلو ياقمر انتي
سعاد
يعني ايه ارمي بياضي مش فاهمة حاجة
نجلاء
يعني تحطي لها فلوس ياسعاد
سعاد
أها طيب حاضر وطلعت مبلغ كده من شنطتي وحطيتة قدامها وقالت لي
حظك نادي ويومك هادي وصلي على الهادي
سعاد
عليه افضل الصلاة والسلام
لقيتها بصت لي كده وقالت لي
انتي شكلك مهمومة وكمان مغمومة يانضري في حاجة مضيقاكي ومنغصة عليكي حياتك وكمان اللي قريب منك مش موثوق فيه وخاېن كمان
سعاد
تصدقي مين باللي قريب مني دي
الست
كل اللي حواليكي بيخونوكي ومحدش فيهم بيحب لك الخير عشان كده متأمنيش لحد ابدا
نجلاء
ايه الكلام اللي انتي بتقوليه ده ياست انتى دي سعاد كل الناس بتحبها جدا والكل بيتمنا لها الخير يلا بينا متسمعيش كلام الست
