سر السلسله المسحوره كامله بقلم هويدا زغلول
الشارع انا فضلت اعيط عليها وشريف رجع لاقاني مڼهارة وقالي
في ايه يا سعاد مالك هو كل لما ارجع من بره الاقيكي عامله في نفسك كده في ايه
سعاد
شوفت الحاډثه اللي حصلت في الشارع دي انا شوفتها ومن ساعتها وانا نفسيتي تعبانة اوي
شريف
ايوه بيقولو في بنت رمت نفسها من البلكونة اللي في العمارة اللي قدمنا ربنا يرحمها المفروض مكنتيش تبصي ياسعاد انتي مش بتستحملي تشوفي حاجة زي دي
انا شوفتها بالصدفه كده في حلم ياشريف من ساعتها مش قادرة اتلم على اعصابي خالص
شريف
طيب اهدي وتعالي يلا عشان ننام انا راجع تعبان اوي ياسعاد يلا
وفعلا شريف غير هدوم ودخل نام علطول وانا فضلت قاعده شوية وبعدها نمت وشوفت البنت جايه عندي في الاوضة وكان شكلها مرعب اوي وبصت لي وضحكت لي نفس الضحكة اللي ضحكتها بس كانت تخوف اوي وبعدين مشيت من قدامي
اهيه ياشريف البنت اهيه معانا في الاوضة واقفه اهيه
شريف صحي مخضوض وقالي
اهدي ياسعاد مفيش حاجة ابدا اهدي ياحبيبتي مفيش حد في الاوضة سمي الله كده واهدي
سعاد
بسم الله الرحمن الرحيم اعوزو بالله من الشيطان الرجيم
واخدني شريف في حضنة وفضل يهدي فيا وانا فضلت في حضنة لحد لما نمت
انا مش عايزك النهاردة تجهدي نفسك في اي حاجة خالص ياسعاد ارتاحي ياقلبي عشان خاطر ميجيش لكي كوابيس تاني
سعاد
حاضر ياشريف المهم قولي انت ناوي تتأخر زي كل يوم النهاردة كمان ولا ايه
شريف
انتي عارفه ياسعاد اني انا لازم اتأخر في الشغل ياحبيبتي عشان مصلحتنا وكده
سعاد
ومشي شريف وانا فضلت لوحدي طول اليوم كالعاده وبعدها نمت وشوفت
عمتي بتزعق مع نجلاء بنتها وبتقول لها
هو انتي يابت انتي مش ناوية توافقي على العريس ده كمان انتي ايه ناويه تقعدي جنبي كده علطول انا زهقت وانتي كده هتعنسي
نجلاء
بقولك ايه ياماما انا مش عايزاكي تجيبي لي سيرة الموضوع بتاع الجواز ده ابدا انتي فاهمة ولا لا انا مش هتجوز ماشي
انت مش ناوي بقا تيجي تخطبني ولا ايه. وانا مالي ياحبيبي بمراتك دي انت لازم تيجي تتجوزني عشان انت لو متجوزتنيش والله لاقول على كل حاجة واخليها تعرفك على حقيقتك! ماشي وانا مستنياك لما اشوف اخرتها معاك ايه
وفجأة صحيت وقولت ياساتر ده ايه بقا اللي بيحصلي ده بس ياربي وايه حكاية الكوابيس اللي بقت تيجي لي كتير الايام دي معقوله نجلاء بنت عمتي بتعرف واحد متجوز انا مش لازم اعرفها اني عرفت حاجة الا هي الساعة كام دلوقتي..
هو شريف لسه مرجعش برضو فضلت ارن عليه وتليفونة مغلق وبعد شوية لقيته بيفتح باب الشقة وبيدخل قولت له
انا مش هسالك ايه اللي اخرك كده ياشريف
شريف
مفيش داعي وبعدين انتي ايه اللي مصحيكي لحد دلوقتي.
سعاد
هو انا بنام من ساعت اللي حصل انا كل لما اغمض عيوني اشوف كوابيس ياشريف انا نفسيا تعبانة اوي
شريف
معلش ياسعاد انتي لو محتاجة تروحي لدكتور نفسي انا ممكن اوديكي ياحبيبتي انا اهم حاجة عندي اني اطمن عليكي.
سعاد
لا لا انا هبقا كويسة ياشريف ملوش لزوم اني اروح لدكتور والكلام ده..
وتاني يوم جات عندي سالي اختي وحكيت لها على الکابوس اللي شوفته والست اللي رمت نفسها وكمان حكاية نجلاء ردت سالي وقالت لي..
ياسعاد يا حبيبتي اكيد كل ده عشان انتي بتفكري كتير في
