سندوتش جبنه قاعد بنتي مريضة بقلم هويدا زغلول
زيكم
قالت كلامها وسابتنا ودخلت جوه وانا قولت لماما متزعليش ياماما منها ليلى كده بس لما تكبر هتعقل اكيد يعني
الام
اتمنى يا نيرة يا بنتي انا مش عارفه هي ليه مطلعتش زيك كده يابنتي في التواضع بتاعك وفي أخلاقك انا مش عارفه البنت دي طالعه لمين بس
نيرة
هي بس باصه لأصحابها اللي اغنية وبيروحو المدرسة باكل حلو معلش ربنا يهديها ياماما
انا مكنتش قاصدة ان بنتي تكرهني يارب انت عارف اني عايزها تبقى احسن بنت في الدنيا وكمان عشان تحس بالناس ومتتكبرش عليهم زي ليلى وابنها
وبعدها بالليل دخلت على بنتي لوجي لقيتها مش قادرة تتحرك من على السرير وفضلت ټعيط اتصلت بحسام رجع من الشغل وقال
في ايه يانيرة لوجي مالها ايه اللي حصل معاها
معرفش يا حسام انت لازم تجيب الدكتور فورا ارجوك ياحسام
وبعدها الدكتور جه وقعد مع لوجي وسالها
انتي ايه اللي مزعلك ياحبيبتي
لوجي بتعب
عشان ماما مش بتحبني وبتعملي اكل اصحابي بيتريقو عليا بيضحكو عليا انا مش بحبها
الدكتور خرج من عند لوجي وقالنا
البنت اللي عندها ده حاله نفسية بسبب انك يامدام مش بتعملي لها اللي هي عايزاه
والله يادكتور انا بعمل كده عشان مصلحتها هي انا نفسي انها تبقى زي الناس العادية ومتبقاش متكبرة على حد وتبقا انسانة تحب كل الناس
حسام
يعني انتي السبب في اللي حصل لبنتي ماشي يا نيرة حسابي معاكي بعدين
الحما
يعني انتي عايزة تخلي البت تروحي مننا والآخر تقولي اصلي بعلمها هو انتي جايبة حاجة من بيت ابوكي ياختي ولا ايه
ماما مش وقتة الكلام ده
الدكتور
على فكرة ياجماعة المدام اتصرفت صح مع البنت بس كان لازم يبقا حل صارم من الطرفين يعني مش الام تشد الاب يسيب لازم الاتنين يتعاملو بحكمة البنت كانت فاكرة ان باباها هيعوضها عن اللي امها بتعمله بس لا المفروض الاتنين ينصحو وان شاء الله البنت هتبقا كويسه عن اذنكم
ومشي الدكتور وحماتي قالت لي
ودخلت عند لوجي وحسام قالي حسابي معاكي بعدين يا نيرة
وعند ليلى اللي حست بغلطها ناحية شريف جوزها وفضلت تكلم ابنها مراد لحد لما بقا كويس وقالت لشريف
انا عرفت انك كنت على حق ياشريف عشان كده انا اتكلمت مع مراد وهو عرف غلطة ومش هيعمل كده
ايوه فعلا يا بابا انا كنت غلطان في حق محمد وانا مستعد اروح واعتذر له واخلي يس كمان يعتذر له محمد صاحبنا واحنا مش هنسيبة
شريف
ايوه كده يامراد يا حبيبي انت كده ابني اللي هتبقا راجل يعتمد عليه انا بحبك جدا
مراد
وانا كمان يابابا بحبك جدا
ليلى
خلاص يا شريف احنا نروح بكرة لمحمد ومراد يعتذر له وكمان تخليه ميسبش المدرسة لحسن عايز يسيب المدرسة
شريف
ازاى لا طبعا انا هاروح واخليه ميسبش المدرسة ان شاء الله بس المهم ان مراد يعتذر له
وانا تاني يوم اخدت بعضي وقولت اروح لمحمد بيته وقعدت معاه وقولت له
عايز تسيب المدرسة ليه يامحمد انت ولد شاطر وناجح ان شاء الله هيكون ليك مستقبل هايل
الام
ما هو حضرتك من بعد ما زمايله اتريقو عليه وهو نفسيتة زفت كده وانا مش عارفه اعمل له ايه
نيرة
معلش هو أن شاء الله هيبقا كويس واذا كان على مصاريف المدرسة متحملش همها خالص ياحبيبي هي خلاص اتدفعت
الام
كتر خيرك ياست نيرة والله مش اقول لحضرتك ايه
وبعد شويه لقينا شريف وليلى ومراد جم
