علشان امي مريضه كامله بقلم هويدا زغلول

حاجة يابنتي تسكن
وبعدها اتصلت بيها وقالت لي
بقولك ايه يا ليلي لو سمحتي متتصليش بيا تاني انا خلاص نقلت في شغل بعيد ومش عايزة اعرفكم تاني يلا باي ياحبيبتي
وقفلت في وشي السكة وماما قالت لي
ها يابنتي اختك قالت لك ايه يا ليلي جايه يابنتي
ليلى پصدمة
ااا بقولك ايه يا ماما سيبك من شيماء وخليكي في نفسك بس ياحبيبتي ان شاء الله هتبقي كويسه
وفي الوقت ده جات خالتي وسوسن وقالت لماما
ازيك يا خالتي انشالله تكوني كويسه بعد ما بنتك اخدت كليتك
ليلى
انتي بتقولي ايه ياسوسن ايه الكلام ده كلية ايه اللي اتخدت دي
سوسن
انتي متعرفيش يا ليلي ان اختك اخدت كلية امك لواحده تانية واخدت فلوس كتير وراحت عاشت في فيلا ولا ايه متعرفيش كل ده
ماما اڼهارت وقالت
انتي بتقولي ايه ياسوسن انا بنتي عملت فيا ك ك ك كده وراحت ماما واقعه في الأرض مغمى عليها وانا قولت
ماما قومي يا ماما اتصلو بالاسعاف بسرعه اتصلووو
وجات الإسعاف ونقلنا ماما للمستشفى وهناك خالتي قالت لسوسن
ايه اللي انتي هببتيه ده يا سوسن انا مكنتش عايزة انتقم من اختي بالطريقة دي ليه يابنتي بس
سوسن
ياماما انا معملتش حاجة دي بنتها اللي عملت بطمعها في الفلوس بعت امها عشان خاطر الفلوس وهي اللي هتدفع التمن مش خالتي
مشيرة
ربنا يسترها على خالتك بقا
وانا كنت عند ماما بعد ماطلبت من الدكتور انه يعمل اشعه لماما عشان نتأكد من كلام سوسن والدكتور قالي
ايوه فعلا الكليه السليمة متشاله والتانية اللي فيها حصوات موجوده
ليلى پصدمة
ينهار اسود بقا جالها قلب تعمل في امها كده استغفر الله العظيم يارب احنا بقينا فين بس ايه اللي بيحصلنا ده انا لازم ابلغ عنها لو سمحت يادكتور انت لازم تشهد معايا انها عملت كده في امي
الدكتور
انا معاكي شوفي ايه الاجرات اللي ممكن تتعمل وانا معاكي متقلقيش يا انسة ليلى
وبعدها ماما لما فاقت حكيت لها وهي اڼهارت وقالت لي
خلاص يا ليلي متعمليش حاجة لاختك ياحبيبتي دي مهما ان كانت بنتي ومش هينفع اني اوديها في داهيه
ليلى
لا ياماما مش هينفع اوعي تتنازلي عن حقك بنتك هي اللي عملت في نفسها كده انا لازم ابلغ عنها وعن اللي أداها الفلوس كمان
وبعدها رحت لشريف الفيلا بتاعته وحكيت له كل حاجة وقالي
انا فعلا طلبت من الدكتورة شيماء انها تجيب متبرع لوالدتي بس مكنتش اعرف انها هتعمل كده في مامتها للدرجة دي الفلوس عمتها
ليلى