علشان امي مريضه كامله بقلم هويدا زغلول

ياريت تسيب لي رقمك
شريف
اتفضلي ده الكارت بتاعي وفيه كل تليفوناتي الخاصة بيا انا هنتظر منك اتصال في أقرب وقت
شيماء
تمام تمام نورت يا استاذ شريف
وسابها شريف ومشي وفضلت شيماء تبص للشيك وفرحانة ومش مصدقه انها ماسكة المبلغ ده وقالت لنفسها
يلهوي دي شكلها طاقه القدر هتتفتح لك يابت ياشوشو وهتلعب معاكي انا بالفلوس دي هفتح لي عياده باسمي مش إيجار وكمان هجيب فيلا اقعد فيها بعيد عن الفقر اللي هنا عايشين فيه المهم دلوقتي هقنع ماما ازاى اااه صح عرفت الطريقة
وقامت من على مكتبها وماشية والمدير قابلها قال لها
انتي رايحة فين يادكتورة انتي خلصتي شغل ولا ايه ده حتى لسه بدري جدا
شيماء بارتباك
معلش يادكتور اصل انا ااا عايزة اروح لحد البيت اااه اصل ماما تعبانة اوي مش انا قولت لحضرتك ان عندها الكلي وكده دلوقتي جات لها النوبة بتاعت الكلي واختي اتصلت عليا عن اذنك يا دكتور
مشيت بسرعه من قدامة ورجعت علي البيت وقالت لماما 
ماما حبيبتي وحشتيني اوي انتي بتعملي ايه لا لا انتي تعبانة متقوفيش في المطبخ وانتي تعبانة كده تعالي ارتاحي تعالي اومال ليلى فين على كده
ماما بصت لها باستغراب وقالت لها
ليلى راحت تشتري شوية حاجات للبيت وراجعة هو في ايه ياشيماء مالك يا بنتي انتي تعبانة ولا ايه
شيماء
ليه بتقولي كده ياحبيبتي بس في ايه
الام
انا اللي في ايه ولا انتي اللي فيه ايه اصلك اول مره تعامليني كده يعني
شيماء
ابدا يا حبيبتي انا بس لقيت لك اااه مش انا لقيت مستشفى هتعملك عمليه الكلي وتشيل الحصوات والمفاجاة بقا ياماما اننا مش هندفع ولا مليم ها قولتي ايه
الام
غريبة اوي يابنتي يعني انا هعمل العملية وببلاش كمان طب والله دي حاجة حلوه الحمد لله ده ربنا استجاب ليا
شيماء
ده عشان انتي طيبة ياماما وتستاهلي كل خير طبعا
وانا لمل رجعت وقالت لي فرحت اوي وقولت
الحمد لله ياماما ياحبيبتي انك هتعملي العمليه وتبقى كويسة
وبعدها بيومين رحنا المستشفى وهناك عمل التحاليل لماما وشيماء قالت لشريف
انا قلقانة اوي لحسن النتيجة تطلع مش متطابقة لاني مفيش حد متبرع قدامي غير امي وعلى فكرة هي متعرفش
شريف
متقلقيش محدش هيعرف حاجة المهم دلوقتي انها بس التحاليل تطلع مظبوطة
شيماء
ان شاء الله هتطلع مظبوطة بس بقولك ايه يا استاذ شريف انا امي مش هتدخل العمليات غير لما اكون اخدت بقيت الفلوس
شريف
اكيد طبعا احنا بس نطمن ان الكليه متطابقة
وفعلا الدكتور خرج وقال لشريف ان الكليه متطابقه مع كليه امه وفرح اوي هو وشيماء وانا قولت لها
شيماء هي ماما هتعمل العمليه امتى بقا
شيماء
ااا خلاص يا ليلي هتدخل دلوقتي وهتشيل الحصوات وتبقى زي الفل متقلقيش
وبعدها اتعملت العملية وماما اتاخرت اوي وانا كنت قلقانة والآخر خرجت وودوها اوضة وانا رحت لها بعد مافاقت من البنج وقالت
اااه انا حاسه اني تعبانة يا ليلي جدا انا مش عارفه مالي
ليلى
معلش ياماما مش عمليه وچرح وكده ان شاء الله هتبقي كويسة
الام
اومال اختك فين انا مش شايفاها معاكي
ليلى
اكيد راحت تشوف حاجة وراجعة خليكي في نفسك ياماما المهم نطمن عليكي الأول
وطبعا المستشفى اللي ماما عملت فيها العمليه دي خاصه والكل عندهم تعليمات ان انا وماما منعرفش حاجة كل اللي نعرفه ان ماما عملت حصوه على الكلي
وعدي الوقت وشيماء اختفت خالص وماما رجعت البيت وقالت لي
انا مش ماشوفتش اختك من وقت ما دخلت العمليه لحد دلوقتي وانا حاسه اني تعبانة اكتر من قبل ما عمل العمليه ماتتصلى بيها يا ليلي خليها تشوف الدكتور يكتب لي