سهيله بقلم هويدا زغلول دفق

اكمل شغل انت عارفني بحب اشتغل بالليل
محروس 
اللي يريحك يادكتورة تحت امرك اتفضلي
ومشيت سهيلة وهي سايقة عربيتها شافت في المرايا وراها صورة يونس وهو بيضحك اتخضت والعربية فلتت منها وكانت هتعمل حاډثة وراحت واقفه مره واحدة وقالت لنفسها 
ايه ده هو جاي ورايا ليه بس استغفر الله العظيم انا هاروح لحد بيت ابو يونس اللي كان عايش فيه عايزة اعرف حاجات كتير عنه
وراحت سهيلة وشافت ناس قاعدين في العزا ودخلت وقالت 
سلام عليكم لو سمحتو هو فين ابو يونس هو موجود انا كنت عايزاه
نهلة بصت لها من فوق لتحت وقالت لها 
وانتي تطلعي مين بقا ان شاء الله بتسالي عن ابو يونس ليه
سهيلة 
انا الدكتوره سهيلة اللي المفروض عندي يونس في المشرحة انا كنت عايزة بس اعرف حاجات عنه يعني هو كان عايش مع مين وكان بيشتغل ايه وهكذا
نهلة 
احنا منعرفش عنه حاجة احنا جالنا الخبر وقالو لنا انه غار في داهية ولاقو چثتة فاقولنا من الواجب اننا نعملة عزا وخلاص اهو برضو كان واحد في يوم من الايام
سهيلة 
هو حضرتك تبقى مين انا معرفتش انتي مين
نهلة 
انا نهلة مرات ابو اللي ينخفي اللي كان يوم اسود لما شوفت خلقتة هو وابوه عايزة ايه بقا
سهيلة 
يعني انتي اسمك نهلة طيب عن اذنك
نهلة 
اذنك معاكي ياحبيبتي ياريت بقا تبقو تخلصونا منه بسرعه انا مش عايزة غم وقرف كفاية اللي كنا شايفينه منه وهو عايش يعني مش هيبقا وهو عايش وهو بعد ما راح
مشيت سهيلة وقررت انها تروح المشرحة تاني وتعرف حكايتة ايه واتصلت ببكر وحكت له كل اللي حصل وقال لها 
انا عارفك طبعا مش هتهدي غير لما تعرفي كل حاجة عنه
سهيلة 
بصراحة ايوه ومستنية يونس يحكي لي حكايتة حاسة انها هتبقي حكاية شيقة اوي يا دكتور وتستاهل ان الواحد يتعب عشانها
بكر 
خلاص يادكتورة اتوكلي على الله وروحي وانا هحصلك على هناك
سهيلة 
لا متجيش وتدخل اوضتة التشريح انت عارف لازم اكون لوحدي عشان الحالةتتكلم براحتها يادكتور
بكر ضحك عليها وقال لها 
صح عندك حق انا ممكن اعطلة لو انتي روحتي له وهو شافني مش هيرضى يتكلم
وراحت سهيلة المشرحة وهناك محروس قال لها 
الله انتي رجعتي ليه يا دكتورة هو في حاجة ولا ايه
سهيلة 
لا يامحروس مفيش حاجة انا داخله اشوف الحاله اللي جوه بس اسمع محدش يدخل عليا وممنوع تدخل لاي سبب من الأسباب يامحروس انت سامع
محروس 
حاضر يا دكتورة ولاني نفسي احضر في مره اللي بيحصل عشان اشوف بعيني ايه اللي بيحصل
سهيلة 
مش هينفع تشوف اي حاجة ابدا يا محروس يلا انا داخلة والفضول اللي عندك ده ياريت مشفهوش النهارده
سابتة ودخلت ومحروس وقف يكلم نفسه وقال 
بقا انا فضولي برضو طيب ده انا ببقا عايز اطمن بس مش فضول فضول ايه
ودخلت سهيلة ووقفت قدام حالةيونس اللي نايمة على السرير وقالت له 
بص بقا انا جيت عشان اعرف منك كل حاجة دلوقتي حالا انت لازم تحكي لي كل حاجة عنك عشان اقدر اجيب لك حقك
وفجأة الدنيا ضلمت ووقف يونس وقال لها 
عايزة تعرفي ايه عني عايزة تعرفي الظلم اللي كنت عايش فيه ولا عايزة تعرفي السبب في تشويهي
سهيلة 
انا عايزة اعرف كل حاجة من اول ما تولدت يا يونس عايزة اعرف الحقيقة وبس
يونس 
الحكاية بدأت لما كنت في المدرسة وكان عندي 11 سنة والعيال كانو بيهزرو معايا و رمو في وشي مادية