سهيله بقلم هويدا زغلول دفق

وبقا شخصية مهمه ولما نهلة عرفت طمعت وقالت لابراهيم 
بص يا ابراهيم انت لازم تبعت تجيب ابنك يعيش معانا هنا في البيت هو دلوقتي بقا بيشتغل شغلانة حلوه اوي وبقا معاه فلوس كتير واحنا بقا لازم يصرف علينا انت تعبت خلاص من المصاريف ياخويا
ابراهيم 
انتي عايزة بعد ما رميت الواد السنين دي كلها ودلوقتي عشان بقا معاه فلوس اجيبة هنا تاني ماهو هيعرف اني عايزة يرجع عشان يصرف علينا
نهلة 
وماله يا ابراهيم ما انت ابوه وليك حق عليه وبعدين قوله اني هجوزة بت زي القمر كده واغرية خليه يجي باي طريقة
إبراهيم 
انا مش عارف اخرتها ايه معاكي يانهلة الواد بعد ماطردناه نرجعه تاني ازاى بس
نهلة 
معرفش بقا يا ابراهيم اتصرف وخليه يرجع بدال ما امشي انا واسيب لك البيت
إبراهيم 
لا لا خلاص يانهلة متزعليش انا هتكلم معاه واقوله يرجع يعيش هنا معانا
وفعلا كلم إبراهيم يونس وقاله يرجع البيت و يونس رد وقال لابوه 
وانا هاجي اعمل ايه يا بابا انت مش طردتني من بيتك في اكتر وقت كنت محتاجك فيه وكل ده عشان نهلة مراتك كانت پتخاف مني
ابراهيم 
يا يونس يابني الكلام ده فات عليه زمن ياحبيبي احنا دلوقتي ولاد النهاردة وانت كبرت وبقيت شاب زي الفل اهو طب تصدق ان نهله جايبه لك عروسة زي القمر
يونس 
عروسة ليا انا معقوله يا بابا بس ده من امتى الرضا ده كله
إبراهيم 
يا يونس يابني دي نهلة طيبة وغلبانة انت بس اللي كنت مفكر انها ست شريرة لكن دي اصلا طيبة خالص وفيها حنية كبيرة اوي
يونس 
يعني ايه المطلوب مني دلوقتي يابابا انا مش فاهم
إبراهيم 
المطلوب انك تيجي تعيش معايا في بيتي عشان نهلة تاخدك توريك العروسة اللي زي القمر دي نهلة منقياها على الفرازة
يونس 
وتفتكر يابابا العروسة اللي دةزي القمر دي هتوافق بيا انا على ايه بقا
إبراهيم 
على انك يابني راجل بتشتغل في شركة كبيرة ومحترمة دلوقتي وعندك كل حاجة واحنا كمان يا يونس بقينا انا ونهلة مش معانا فلوس وانت لازم تيجي وتساعدنا
يونس 
انا اقدر اساعدكم من غير ماجي البيت
إبراهيم 
لا يابني انا عايزك تيجي تعيش معانا يلا بينا على البيت ده نهله هتفرح اوي بما تشوفك
ر
وراح يونس مع إبراهيم البيت ولما نهلة شافتة قالت 
يا اهلا وسهلا بالغالي ابن الغالي ازيك يايونس والله وكبرت وبقيت شاب زي القمر ادخل ادخل ده بيتك ومطرحك ياخويا 
ودخل يونس وهو مستغرب طريقة نهلة معاه وكان عندها بنت قاعده معاها وقالت له 
تعالي لما اعرفك على لوجي بنت اختي ايه رايك يايونس
يونس بص لها ومتكلمش وهي كملت وقالت 
لوجي بقا خريجة سياحة وفنادق وبتتكلم بكل اللغات وبنت شاطرة ولهلوبة طالعه لخالتها
يونس رد بكل ادب وقال 
اهلا وسهلا تشرفنا
نهله 
يوووه جرا ايه يا يونس انت مكسوف ولا ايه ياخويا لا فك كده انا عايزاك متتكسفش ده بيتك ومطرحك ولوجي دي اعتبرها بنتي انا
وبعدها ابراهيم قاله يقعد معاها ويتكلم وفعلا قعد معاها وعجبتة وهو عجبها وخطبها وفضل مخطوبين لفترة وفي يوم يونس قال لها 
اسمعي لما اقولك انا عارف انك مڠصوبة عليا من خالتك نهله
لوجي 
ايه لا طبعا يا يونس ازاى بقا بالعكس انا حبيتك اوي ولقيت فيك الراجل اللي بتمناه
يونس 
طيب وشكلي ده انتي متقبلاه يالوجي ولا اي كلام وخلاص
لوجي 
لا طبعا يايونس انا حبيتك ومش كلام وخلاص لا انا عايزاك ونفسي نتجوز بسرعه