ابني هادي بقلم فهد حسن

وبرغم اني حاسس بخۏفها اللي هي بتخفيه زي ما بتخفي كل حاجة بتوجعها دايما ابتسمت لي كعادتها وراحت على المطبخ بدون اي رد..
لما رجعو بالقهوة كنت ابديت اكون في حال افضل ولما شربتها كنت خلصت معاها النص الباقي من علبة سجايري وفضلنا قاعدين انا وهي باصين لبعض ومش مركزين مكنش في حد فينا عنده حاجة يقولها او يمكن كل واحد فينا كان خاېف يقول اللي عنده وشايله جواه فضلنا في حالة صمت وسكون لحد ما تقريبا كده فقدنا وعينا ڠصب عنا ونمنا وما فوقناش الا الساعة 8 على صوت المنبه...
قومت لبست ونزلت وانا في حالة يرثى لها ومش في وعيي تقريبا مشتت وفي دنيا تانية لا عرفت ازاي انا روحت الشغل ولا عارف اشتغل حاسس اني تايه ومنعزل جوه تفكيري الشارد وخۏفي. ..
وعلى الضهر لقيت مريم بتكلمني وبتقولي انها لقت دكتور كويس جدا واخدت كمان ميعاد الساعة 6 المغرب 
خلصت شغل ووصلت البيت قبل الميعاد بساعة وكانت مريم والولد جاهزين فأخدتهم وروحنا للدكتور انتظرنا في العيادة حوالي ربع ساعة وبعدين ډخلتنا الممرضة للكشف...
بعد أسئلة كتير روتينية ومداعبة لطيفة من الدكتور للولد تبعها بعض الأسئلة المنطقية في معظمها وبدأ هادي يحكيله عن حبه للماسك الجديد اللي اقتناه مؤخرا قام الدكتور بعد ما هادي خلص كلامه معاه وفتحت الباب ونده على الممرضة ولما جت قالها خدي هادي واديله عصير وشيكولاته وكمان اديله القطر اللعبة اللي انا جبته عشانه ..
كلام الدكتور كان غريب والأغرب هي الفرحة اللي شوفتها في عنين هادي!!.
رجع الدكتور وقعد وقال
انا ليا اسلوب غريب شوية او خلينا نقول طريقة ما هو كل شيخ وليه طريقة انا اللي باخد الحجوزات بنفسي عن طريق الواتساب آب عشان لو في حالة بسيطة لا تستدعي الحضور والكشف ودفع تمنه يبقى نحلها ببساطة أفضل فطبعا ببقى عارف أساس الشكوى قبل الزيارة عارف يا استاذ صالح .. المدام على ما اتذكر انها قالت لي ان اسم حضرتك صالح الانسان لو راعى ضميره دايما في كل اللي حواليه هيبقى العالم أفضل او خلينا نقول لو راعينا ربنا وضميرنا في الناس اللي بنحبها وولادنا قبل الغريب هنوصل لحال أفضل وهنربي ونطلع أجيال سوية التربية يفيدوا المجتمع ابنك طبيعي وجميل اوي انت بس اللي دايما بترهبه دايما بتضربه وحتى لما بتحقق له حاجة مبتكونش شافع ليك عنده عشان بتحققها له كمجبر مش محب ومن هنا الولد بدأ يلعب على الموضوع ده حتى لو هيضرب لكن في الآخر انت هتحقق له اللي هو عايزه لانك مبتحبش زنه وعياطه اللي اصلا هو لجأ ليهم كحيلة يضغط بيها عليك ... وانتي كمان يا مدام سلبية الا حد ما مش كل حاجة ممكن نحققها بسهولة الحنية طبعا مطلوبة لكن بعض الامور بتكون محتاجة للحزم وخصوصا انك بتربي ولد وبتقومي بإعداد رجل يخرج للمجتمع ..
مفيش عفاريت .. والماسك ما هو الا ماسك يا أستاذ صالح انت بس بدأ يتهيألك حاجات ناتجة عن تعذيب ضميرك من معاملة الولد وفي نفس الوقت حبك الفطري ليه لازم تتخلص من عصبيتك ولازم تقدر تعرف تتصرف ازاي مع الولد وازاي تخليه يشوفك بطله الخارق .. وحابب اطمنك اكتر ان ابنك معندوش اي حاجة تخاف منها ... هو بس لما لقى الماسك يخوف فلقاها لعبة يخوفكوا بيها وخصوصا انت .. فعقلك الباطن صورلك ان فيه شبح وانه هيخطفه منك او