فلاش باك.
اتفضل اهو الرقم
ايه دا يا حسن الرقم طالع معايه باسم تيسير
تيسير ايه كان مكتوب سمية والله انا متأكد
ما اهو يا عم حسن قدامك اهو هو انا جبت حاجة من عندي مكتوب تيسير اهو
ازاي يبقى اكيد عدلوا الاسم على الترو كولر
هما مين دول اللي عدلوه
اصحاب التليفون
اصحاب تليفون ايه يا عم حسن دا تليفون ارضي هيعدلوه ازاي
يا حبيبي محدش قال انك مچنون انت بس اعصابك تعبانة من ضغط الشغل وكمان حكاية طلاقك من سمية دي كلنا عارفين انها مأثرة على نفسيتك زي ما احنا عارفين انك لسه بتحبها طبيعي يحصل كدا معاك اهدى بس واشرب اللمون اللي قدامك دا
يوووووه يا ايهاب انا غلطان يا اخي اني جيتلك انا ماشي
أكيد طبعا
طب ايه
مقفول
طب خلاص انا هكلمها من عندي وهفضل وراها لغاية ما ترد اهو استنى يا حسن فيه جرس اهو
افتح الاسبيكر
الو ايوه يا سمسمة ازيك عاملة ايه
ازيك يا ايهاب
ايه مال صوتك انتي تعبانة وللا ايه
لا مفيش اصلي كنت نايم برضو وحلمت بحاجة وحشة كدا فاټخضيت عليكي قلت اطمن يعني انتي كويسة
اه انا كويسة الحمد لله
طيب يا حبيبتي كملي نومك بقى تصبحي على خير
عاجبك كدا يا عم حسن طلعتني مچنون قدامها وبتاع أحلام اهي الست كانت نايمة اهي واحنا اللي صحيناها
تاااني انت
تاني ايه و تالت ايه انت مش سامع صوت العربيات اللي كانت جنبها
ودي فيها ايه دي كمان عادي فاتحة الشباك والصوت جاي من الشارع
جرى ايه يا ايهاب انت مغيب وللا انت مروحتش البيت عند سمية قبل كدا الكمباوند اللي هما ساكنين فيه بينه وبين الطريق نص ساعة سمية اتخطفت ..
انتظروا الحلقة الثانية
الحلقة_الثانية
سمية اتخطفت يا ايهاب
اتخطفت ازاي يعني ما هي لسه رادة على التليفون قدامك اهي وكانت نايمة وصحيت على الرنة
ايهاااااب انت عبيط وللا بتستعبط ولما هي صحيت على رنة التليفون كانت قافلاه ليه وفتحته امتى سمية فيه حد مهددها بسلاح عشان ترد عليك وتقولك كدا لازم نتحرك دلوقتي حالا كل دقيقة تأخير فيها خطړ على سمية
وأنا اللي هقولك انت مش ظابط شرطة وللا انا جيت لكوافير حريمي
يا عم ظابط ظابط بس فعلا مش عارف نروح فين الموضوع غريب وملعبك أوي
ممممممم عندك حق الموضوع غريب فعلا طيب يا حضرة الظابط انا هقولك تعمل ايه حضرتك تاخد رقم التليفون الأرضي اللي سمية كلمتني منه وتجيب بياناته سهل جدا تعرف العنوان اللي فيه التليفون دا فين هنروح هناك ومش هنلاقيها طبعا لأن اللي خطڤها واضح انه اتحرك بيها عشان كان فيه أصوات عربيات جنبها وهي بتتكلم
طب ولما انت عارف اننا مش هنلاقيها ايه اللي هيودينا هناك
عشان دا الطبيعي اللي لازم يحصل واحدة مخطۏفة وربنا اكرمنا وقدرنا نعرف العنوان اللي كانت مخطۏفة فيه المفروض نعمل ايه نطلع على ستار باكس ناخد اتنين سبريسو سينجل ونقعد نفكر يا ترى مين اللي خطڤها وللا نروح المكان اللي كانت مخطۏفة فيه ندور على اي حاجة توصلنا لشخصية الخاطف
ماشي يا عم حسن مفهوم بس حكاية اني اجيب عنوان المكان من رقم التليفون دي بتاخد شوية وقت مش اقل من ساعة يعني لو كنا مستعجلين أوي
سااااعة وانا هقعد على أعصابي كدا ساعة معرفش سمية ايه اللي بيحصل فيها
امال انت عايزني اعمل ايه يا عم حسن افتح المندل وللا اقرا الفنجان اهدى شوية خلينا نتصرف اقعد هنا على ما اروح اعمل تليفون من مكتب رئيس المباحث
طب ما تتكلم من هنا
تليفون مكتبي عطلان ودي مكالمة رسمية مينفعش اعملها من موبايلي اقعد هنا خمس دقايق وتمالك اعصابك شوية عشان نعرف نتصرف ..
وخرج ايهاب قعد في مكتب رئيس المباحث حوالي خمس دقايق يتكلم في التليفون وبعدين رجع
خلاص انا اديتهم رقم التليفون الأرضي وكلمت واحد زميلي كمان يعملي تراكينج على موبايل سمية بس دا لو التليفون اتفتح تاني انا رنيت عليه دلوقتي لقيته اتقفل يمكن تحصل غلطة وللا حاجة ويتفتح ونقدر نحدد مكانها فين على ما التليفون يجيلي واعرف عنوان الشقة يكون ايمن صاحبي اللي هيشيل مني النبطشية وصل اسلمه القسم واخرج معاك ..
ساعة بالظبط عدت عليا في قلق وتوتر لحد ما ايهاب جاله التليفون وعرفنا العنوان اللي سمية مخطۏفة فيه شقة في المعادي ..
قولي يا حسن هي سمية مالهاش اي قرايب او اصحاب في المعادي
لا خالص
الموضوع دا فيه لغز مش قادر افهمه بس الحل عند ام سمية
مش فاهم
بص يا عم حسن تعالى نجيب الحكاية من الاول ونفكر فيها واحدة واحدة سمية اتصلت بيك الساعة تلاتة الفجر من تليفون ارضي وقعدت تقولك الحقني يا حسن أولا كدا معنى وجودها برا البيت الساعة تلاتة الفجر انها بايتة برا اكيد ما اتخطفتش من بيتهم وامها نايمة مش حاسة بحاجة واللي بيأكد دا ان التليفون الأرضي اللي كلمتك منه كان متسجل على الترو كولر باسم سمية يعني شقة المعادي دي سمية راحتها برجليها وكانت بايتة هناك بعلم امها يعني اللي خطڤ سمية حد هي تعرفه وواثقة فيه يعني لو فرضنا ان سمية كانت بايتة عند واحدة صاحبتها يبقى طبيعي امها تكون عارفة وبناء عليه نايمة ومطمنة وطبيعي التليفون الأرضي بتاع صاحبتها يكون متسجل على الترو كولر باسم سمية لانها أكيد عملت منه مكالمات كتير ووارد يكون حد افتكره تليفونها وسجله باسمها لو مدينا بقى الخط دا على استقامته هنلاقيه هيخلص مننا عند احتمال واحد بس ان صاحبتها دي هي اللي خطڤتها خصوصا وانت بتقول انها ملهاش اصحاب في المعادي منطقي جدا تكون شخصية جديدة ظهرت في حياتها بعد انفصالكو ..
طب وليه متقولش انها كانت بايتة عند صاحبتها وحد ھجم على الشقة وخطڤها أو يمكن خطفهم هما الاتنين أو جايز لما نروح الشقة نلاقي صاحبتها مقتولة
بلح كل اللي انت بتقوله دا بلح
ليه
هقولك وخلينا برضو نجيب الخيط من أوله ونمشي معاه للاخر نشوف هيوصلنا لفين انت كنت شغال في معملك زي كل يوم لقيت تليفونك بيرن بصيت عليه لقيتها سمية بعد كدا اكتشفت ان دا رقم ارضي ومتسجل على الترو كولر باسم سمية .. لحد هنا حلو
حلو
على بال ما جيتلي هنا رنيت على التليفون تاني لقيته متسجل على الترو كولر باسم تيسير
ودا معناه ايه
علشان تقدر تفهم دا معناه
