ابويا بقلم هويدا زغلول

انا مكنتش عايزة كده
صباح 
عايزة ولا مش عايزة انتي عارفاني انا هنا اللي بس اللي بقول ايه يتعمل وايه مايتعملش ماشي
شادية 
حاضر ياست صباح انا هعمل اللي انتي عايزاه واروح المكان وربنا يسترها بقا
وعملت شاديه اللي صباح قالت لها عليه وعند ماما كانت قاعده وفجأه حست انها دايخة وقالت 
الحقيني يافاتن يابنتي انا مش شايفه قدامي
فاتن 
مالك ياماما في ايه انتي دايخة ولا ايه انا هاروح اعمل لك حاجة تشربينها عشان تفوقي كده قبل بابا ما يرجع ويطربقها على دماغنا
ورحت عملت لها شوية عصير وماما في الاوضة بتاعتها فاجأة شافت قدامها خيال حد معدي وقالت 
فاتن يافاتن
انا كنت في المطبخ ومش سمعاها خالص وبعد شوية دخلت عندها وقالت 
انا بنادي عليكي يافاتن انتي كنتي هنا دلوقتي صح
فاتن 
كنت هنا فين بس ياماما انا لسه جايه من المطبخ انا رحت اعملك شوية عصير يلا اشرب
نوال 
هااه طيب كتر خيرك يابنتي تسلمي لي
فاتن 
طيب انتي ايه اللي حصل معاكي عشان يغمي عليكي ياماما انا اټخضيت عشانك والله
نوال
لا ياحبيبتي مفيش حاجة المهم يلا نشوف اللي ورانا يابنتي قبل ابوكي مايرجع من بره ويلاقيني لسه مخلصناش الاكل
وعدت ايام وبابا فعلا اتجوز صباح بتاعت الأعمال وفضل يروح يرجع عند ماما وفي مره ماما قالت له 
انا مش عارفه انت ليه بقيت بتتأخر بره ياسعيد كده انت عمرك ماعملتها في حياتك
سعيد 
انا من هنا ورايح هتأخر يا نوال واذا كان عجبك وبعدين انتي عايزاني اقعد هنا وسطك انتي وبناتك اهببك بيكم ايه انا مببقاش طايق افضل في البيت هنا
نوال 
ليه كل ده ياسعيد هو انا عملت فيك ايه بس انا عمري ماعملت حاجة زعلتك بالعكس بقا انا قايدة لك صوابعي العشرة شمع وبسمع كلامك وتحت طوعك في كل حاجة ليه انت بتعاملني كده
سعيد 
انا قولت لك انا كده واذا كان عجبك يانوال بقا وإياكي تفتحي بوقك بكلمة معايا انتي سامعه
نوال 
حاضر ياسعيد اللي تشوفه ياخويا حاضر
وعدت ايام وفي يوم شاديه كانت قاعده مع صباح بتقول لها 
دي نوال مراتة زي القمر واحده مفيش اتنين في جمالها ازاى قدرتي تخليه ميبقاش عايز يبص في وشها كده انتي سرك باتع يا صباح
صباح 
اومال يابت يا شاديه هو انا بلعب يابت ومش بعرف اعمل أعمال طيب ده العمل اللي عملته لها ده نوع من السحر الجامد اوي اللي يخلي سعيد يشوفها قدامة بومه ههههه ويجي لي انا يشوفني القمر بتاعه
شادية 
طيب يعني تعملي لنفسك ياصباح ومتعمليش ليا ما أنا قاعده اهو مش لاقيه راجل يعبرني ولا يسأل فيا ماتعملي لي واحد حلو كده انا عايزة راجل حلو
صباح 
بس كده يابت من عنيا اعملك عمل تبقى ولا نادية الجندي في زمانها ههههه
وعند ماما في اوضتها بقت بتشوف ناس حواليها وفضلت تقول 
انتو ايه اللي جابكم هنا ابعدوا عني انتو عايزين مني ايه ابعدوو من هنا ابعدوو
جيت عي صوتها بسرعه من اوضتي وقولت لها 
مالك ياماما في ايه ايه اللي حصل هما مين دول اللي يبعدو عنك هما مين
نوال 
الناس اللي معانا في الاوضة دول انتي مش شيفاهم يافاتن اهم وراكي اهم شوفي حتى
بصيت ورايا ملقتش حد قولت لها 
مفيش حد والله ورايا انا مش شايفه اي حد ارجوكي ياماما متخضنيش عليكي وفهميني براحة بس كده مالك جرا لك ايه عشان بس اقدر اساعدك
نوال اتعصبت
يابت بقولك واقفين وراكي اهم وراكي يابت انتي فاكرة اني انا بخرف اخس عليكي يا فاتن انتي مش مصدقه امك ولا ايه لا يابنتي انا فعلا شيفاهم اهم ابعدوو