ابويا بقلم هويدا زغلول

صباح وكانت قاعده قدام المبخرة وقالت له
يا اهلا وسهلا ياسي ياسعيد اتفضل ياسيد الناس اتفضل ده ايه النور ده
سعيد
ازيك ياست صباح بس ايه الجو ده انتي ناوية تعملي عمل ولا ايه ههههه
صباح
وآلله انا لو كان عليا نفسي اعملك عمل عشان تفضل جنبي كده ومتروحش لا كده ولا كده اصلك متعرفش غلاوتك في قلبي عامله ازاي ياسي سعيد
سعيد
احم وآلله انا مش عارف اقول بس انتي تحرجيني بكلامك الحلو ده والله بس انا جيت لك في الميعاد عشان وعديني انك تشربيني فنجان قهوة من ايدك
صباح
احلى فنجان قهوة يكون جاهز حالا ياسي سعيد انت تؤمر بس
سعيد
ربنا يخليكي ياست صباح
وفضل بابا قاعد يبص حواليه في كل ركن في الاوضة اللي فيها صباح وقال لها
بس انا مش عارف ليه الناس بتقول عليكي الكلام اللي بيقولو ده ياست صباح يعني بيقولو انك بتعملي أعمال وكده
صباح
انا الصراحة بعمل أعمال فعلا بس الأعمال اللي بعملها دي في صالحهم وعشان مصلحتهم ياخويا والنبي انا بحب اخدم الناس ياسي سعيد وبعمل اللي يسعدهم بس
سعيد
بجد ياست صباح يعني انتي فعلا بتعملي الأعمال اللي بتساعدهم في حياتهم
صباح
اومال ياخويا طيب بزمتك انت شوفت حد حصله حاجة من عمل من أعمالي ده بسعدهم بيها
سعيد
ربنا يجعلك في الخير ياست صباح
صباح
مابلاش ست صباح دي وخليها صباح وبس ياسعيد وانا هاقول لك ياسعيد ايه رايك
سعيد
خلاص اللي تشوفيه ياصباح دلوقتي بقا انا شربت القهوة شوفي لي بقا الفنجان
واخدت منه الفنجان وقلبتة وبعدها بصت فيه وقالت له
يحظك السعيد ياسعيد ليك نصيب من اسمك وهتسعد والسعاده جايه لك قريب اوي وخير كتير اوي وفي بقا ناس بتحبك قريبة منك اوي لا لا هما مش ناس هي واحدة بتحبك وتتمنا لك الرضى ترضى ونفسها تقرب منها ويتجمع الشمل بينكم
سعيد
احم احم كملي ياصباح وبعدين فين السعادة دي بس ومع مين بقاااا
صباح قالت بلهفة
معايا انا ياسعيد وافق واتجوزني وانا هخليك اسعد راجل في البلد كلها وكل الخير اللي عندي يكون عندك انت ونجمع الشمل قولت ايه
سعيد
بس انتي عارفه ياصباح اني متجوز وعندي بنتين ومسؤلين مني وووو......
صباح
استني بس ياسعيد احنا هنتجوز انا وانت ونبقا مع بعض ومراتك هي كمان عندك وبناتك انما انا عايزة يكون ليا مكان في قلبك قولت ايه بقا
سعيد
قولت لا اله الا الله بس........
صباح
محمد رسول الله مفيش بس ياخويا خلاص بقا وافق وانا هبعت البت شادية تجيب لنا ورقتين ونتجوز عرفي على الاقل دلوقتي عشان مراتك وبناتك ميعرفوش حاجة
وبعدها رجع البيت وقالي
بت يافاتن انتي يابت ورحت له وقولت
نعم يابابا هي امك فين وبتعمل ايه
فاتن 
ماما بتغسل وانا بساعدها في الغسيل عايز حاجة مننا نعملها لك
سعيد 
اه ياريت تحضري الاكل عشان ناكل عشان بعد الأكل انا هريح شوية عشان اخرج بالليل يلا
وحضرت لبابا الاكل وبعد ما اكل هو وماما وانا واختي ودخل نام وماما قالت 
انا مش عارفه ابوكم متغير معايا ليه كده انا حاسه ان الراجل ده مش مظبوط
فاتن 
مش مظبوط ازاى بس ياماما ماهو كويس قدامة اهو وزي الفل ولا عشان اكمنه هادي النهارده ولا دخل من بره فضل يزعق ولا حاجة
نوال 
ايوه دي حاجة غريبة برضو يلا انا هاقول ايه بقا انا نفسي يفضل ربنا هديه كده من ناحيتنا علطول
فاتن 
ايوه ياماما صح كده ربنا يهديك يابابا يارب
وعند صباح قالت لشادية 
هاا يابت يا شاديه عرفتي هتعملي ايه ولا لا
شادية 
عرفت ياست صباح بس انا مكنتش ناوية اعمل اللي في دماغك ده ولا كنت عايزة انفذه بصراحة