جوزي واخته

مش اد الجواز بتتجوزني ليه ياحبيبي
احمد 
هوووش وطي صوتك للتانية تسمعك يعني مشوفهمش وهما بيسرقو شافوهم وهما بيتحاسبو خلاص يانيرة بقا الله
نيرة 
ماشي هسكت اهو
احمد 
بقولك ايه ما تيجي ندخل جوه اقولك كلمتين انتي وحشتيني اوي بصراحة
نيرة 
جرا ايه انت مبتهمدش ابدا انا خاېفة البومة مراتك تكشفنا وانت ياخويا معرفش انت خاېف منها ليه كده
احمد 
قولت لك عشان ابويا لو عرف اني اتجوزت على مراتي هيخلي ايامي مش فايتة لانه بيحب ولاء بنت صاحبة جدا وموصيني اني مبصش لواحدة غيرها
نيرة 
بس اكيد مصير السر ده يبان ولا ايه
احمد 
ساعتها يبقا يحلها حلال يلا بينا دلوقتي بقا احنا قبل ما تخرج من اوضتها متقفليش دماغك كده
نيرة بدلع 
هيهيهي ااه ياني منك راجل مفيش منك ابدا
و خلو وقفلو على نفسهم وفضلو على كده وولاء مش واخده بالها منهم وفي يوم احمد كان بره ونيرة حست انها تعبانة جدا وقالت لولاء 
بقولك ايه يا ولاء انا تعبانة اوي ومش قادرة وحاسه اني دايخة
ولاء 
مالك يا نيرة في ايه وايه اللي تعبك بالظبط عشان بس ابقي عارفه اجيب لك دكتور ايه
نيرة 
لا لا متجبيش دكاترة اتصلي باحمد خليه يجي لي انا عايزاه ضروري
ولاء رنت على أحمد اللي تليفونة مقفول وقالت لها 
احمد تليفونك مغلق يا نيرة نعمل ايه دلوقتي طيب اسمعي انا هسندك واخدك على أقرب مستشفى هنا بعدنا يلا
نيرة 
لا مش هقدر اروح المستشفى اتصلي باحمد تاني خليه يجي بسرعه
خرجت ولاء في الصاله وقالت لنفسها 
هي مالها بتعمل كده ليه وكل اللي جاي عليها هاتي لي أحمد هاتي لي أحمد انا مش مرتاحة للبت دي خالص ربنا يستر
وبعدها راحت لها ولاء وشافت نيرة مغمى عليها وجريت وقالت
نيرة نيرة فوقي مالك اعمل ايه ياربي دلوقتي اعمل ايه وجات لها فكرة تتصل بدكتورة عندهم على أول الشارع وبعد شويه الدكتورة وصلت وكشفت عليها وقالت لولاء
المدام دي حامل هي تبقى اختك
ولاء اټصدمت ومش عارفه ترد عليها والدكتورة قالت لها
مالك يا مدام في حاجة ولا ايه بقولك اختك حامل وانا اديتها حقنة وشوية وهتفوق
ومشيت الدكتورة وفضلت ولاء قاعده جنب نيرة مصډومة من كلام الدكتوره وفضلت تكلم نفسها وتقول
طيب اعمل ايه دلوقتي اعرف اخوها ولا ماقولش ليعمل فيها حاجة انا مش عارفه هي ازاى تعمل حاجة زي كده ربنا يستر بقا بس انا مش هاقول لأحمد مش هعرف اقوله
وبعدها فاقت نيرة وولاء قالت لها
اخيرا فوقتي يانيرة بقا كده انتي تعملي كده طيب مش خاېفه من اخوكي ليعرف خافي من ربنا
نيرة
هو ايه اللي حصل ياولاء بالظبط انا مش فاهمة حاجة خالص
ولاء
انتي لما اغمى عليكي جبت لك الدكتورة وقالت انك حامل يانيرة
نيرة
ايه حامل انا حامل هي قالت كده انتي متأكده ياولاء
ولاء
ايوه طبعا ومش عارفه هاقول ايه لاخوكي
نيرة
طيب وايه يعني ياحبيبتي ماتقولي له
ولاء
يابجحتك ياشيخة يعني انتي مش خاېفه من اخوكي ده ممكن يخلص عليكي
نيرة
هيهي لا ياحبيبتي ده هيفرح جدا انا حامل من أحمد
ولاء
انتي بتقولي ايه يامجنونة انتي ازاى تقولي كده
نيرة
انا مچنونة يابت ماتتلمي ياختي احمد ده يبقا جوزي وفي اللحظة دي دخل احمد وقال
هو في ايه صوتكم عالي ليه
ولاء 
انت طلعت متجوز اختك وحامل منك ازاي الكلام ده
احمد
اهدي بس انتي والله فاهمه غلط 
اقعدي وانا هقولك علي كل حاجه
نيرة
ماتخلص يا احمد وتقولها اني مراتك مش اختك انت لسه هتتحايل وتطبطب
ولاء پصدمة
مراتك يعني مش اختك يعني انت طلعت متجوز دي ومقعداها معايا في مكان واحد وانا معرفش اتاريكم بتدخلو الاوضة وتقفلو على نفسكم بالمفتاح وانا اقول بيعملو ايه
اتاري الهانم تبقا مراتك
نيرة
واديكي عرفتي يا حبيبتي ايه رايك بقا في الكلام ده
ولاء
انا عايزة اطلق يا احمد ودلوقتي انا رايحة بيت اهلي وياريت ورقتي تجي لي على هناك
احمد
استني بس ياولاء هنتفاهم
نيرة
تتفاهم في ايه طلقها يا احمد انا هجيب لك الواد اللي نفسك فيه وهي تغور يلا بالسلامة
ومشيت ولاء علي بيت ابوها ورفعت قضية على أحمد وطلقها ومن بعدها ولاء قررت تعيش لنفسها وبس
وبكده تكون خلصت حكايتنا