جوزي واخته

كده كتير ولا ايه
ولاء
يلهوي ده باباك يا احمد هنعمل ايه في نيره
احمد
ادخلي يا نيرة اوضة الأطفال بسرعه وانا هطلع له اتصرف معاه يلا
نيرة
طيب ماشي انا داخله اهو
وفتح احمد وقال اهلا يا بابا اتفضل ادخل ودخل ابوه وقال
جرا ياخويا انت ومراتك قالبنها كباربة ولا ايه ايه صوت الضحك ده ياست ولاء انا سامع صوتك من برة
ولاء بصت لأحمد وقالت له
اصل اصل ياعمي ااا كان أحمد بيقولي نكتة فضحكت بصوت عالي بس مش اكتر
الاب
ضحك وهو ده ضحك ياهانم دي مسخرة وقله ادب ده صوت واحده جايه من كبارية
أحمد
الله في ايه بس يابابا احنا كنا بنهزر مفيهاش حاجة يعني ان ولاء ضحكت بصوت عالي
ولاء
انا والله ياعمي ماعرف ان الصوت عالي كده حقك عليا مش هتكرر تاني خلاص
الاب
بلا خلاص بلا زفت ياختي انتي منك ليه وانت فين ايراد الشقق اللي كنت قايلك تجيبهولي ولا انت صرفت الفلوس على نفسك انت ومراتك
احمد
الفلوس ااا ااه الفلوس اصل انا ملمتهاش كلها لسه في ناس مدفعتش فقولت لما المهم كلهم على بعض اجيبهم لك
الاب
اااه طيب هات اللي لمېتة وبعدين الباقي بعدين يلا
احمد بص لولاء وارتبك وقال لها
ادخلي هاتي الفلوس من جوه يا ولاء فلوس بابا اللي قولت لك خليهم معاكي
ولاء بصت له باستغراب لانه مقالش ليها حاجة زي دي وولاء قالت له
فلوس ايه انا معرفش انت بتتكلم عن ايه يا احمد
احمد
الفلوس ياولاء الفلوس ووطي على ودنها وقال لها هاتي اي فلوس من معاكي وانا هبقا اديهوملك يلا مش وقت استغراب
ودخلت ولاء وجابت له كل الفلوس اللي معاها وقالت له
خود يا احمد الفلوس اهيه
بص فيهم احمد وخد نصهم وادي لابوه نصهم وقاله اتفضل يابابا الفلوس اهيه وكمان يومين بس هجيب لك الباقي
الاب
اوعي تكون بتسمسر من ورايا ياض انت لخلي ايامك مش معديه انا محدش يضحك عليا اكيد انت عارف
احمد
هو انا برضو اقدر اضحك عليك يابابا لا طبعا انا مقدرش
وبعدها مشي ابوه وولاء قالت لأحمد
انا عايزة افهم ايه حكاية الفلوس اللي اخدتها مني دي يا احمد انت عارف ان الفلوس دي اللي بحوش فيها عشان اروح اكشف على موضوع الخلفه
احمد
لا لا خلفة ايه وبتاع ايه دلوقتي وبعدين انا مش عايزك تشغلي بالك بالكلام ده خالص وبعدين انا مش عايز عيال
ولاء
يعني ايه مش عايز عيال دي اومال احنا كنا بنحوش الفلوس ليه انت جاي بعد كل ده بتقولي مش عايز عيال طيب ليه ده انا كنت حاسه انك نفسك تخلف مني
احمد
طيب ماهو انتي مش عارفه تخلفي هنعمل ايه بقا يعني نرضى بقضاء الله بقا ونسكت
وخرجت نيرة من جوه وقالت
على فكرة بقا يا ولاء احمد عنده حق في موضوع الخلفه ده انه مش عايز وليه حق طبعا لانه هو مش حمل مصاريف عيال دلوقتي ده اخويا وانا عارفه مصلحتة كويس
ولاء
وهو مصلحتة انه ميخلفش مني يانيرة وانا اللي كنت فاكراكي هتقولي انك نفسك تشوفي ولاد اخوكي انتو شكلكم متفقين عليا بقا
احمد
بقولك ايه يا ولاء احنا ولا متفقين عليكي ولا حاجة وبلاش الكلام ده بقا انا دماغي وجعتي انتي مبتتعبيش ولا ايه
ولاء
خلاص يا احمد اللي تشوفة انا داخله اوضتي عن اذنكم
نيرة
شوف ياخويا كهن النسوان
احمد 
اسكتي وسيبك منها ده انا كنت واقع في جلدي من ابويا لو كان عرف اني اخدت الفلوس وصرفتها وانا الفلوس دي صرفتها عليكي انتي
نيرة
لا بقولك ايه يا احمد انت هتقلب عليا انا كمان وتقول صرفت عليا ومصرفتش عليا وبعدين طالما انت