اڼتقام بنات الصعيد

ربنا مايحرمني منيكي
سعاد
هو احنا مش هنكمل تعليم برضك ياخالي زي ابوي ماجال
كامل
لاه ياسعاد يابتي انتي هتكملي تعليمك انتي وخواتك عشان تبجو زي ما امكم كانت بتتمني اني مش هسيبكم غير وانتم بنات زي الورد واحسن بنات في المجتمع كلاته
وعدت سنين والبنات كبرت وقالو لخالهم
احنا مبسوطين اوي ياخالي انك وصلتنا للي احنا وصلنا ليه ده
كامل
كله بفضل ربنا ثم اجتهادكم يا ليلي ماهو لوما توفيجه سبحانه مكنتوش وصلت للي انتو فيه ديه يابتي
سعاد
اللي اني مستغربه له ياخالي اني ابوي مفكرش مره يطمن علينا ويعرف اخبارنا معقولة ينسانا بالسهولة دي
أميرة
حتى لو نسينا احنا نسي حبه لامنا سلطانة اللي كان بيفضل يقولها ياسلطانة قلبي نسي كل ده
ليلى
اللي يتجوز واحده زي سهير عقربة كده لازم تنسية امنا وأهلنا كلهم بس لا احنا لازم نرجع نجيب حقها انا امي مراحتش كده لا امي حد عمل فيها حاجة ولازم نعرف الحقيقة
سمر
ايوه احنا لازم نرجع البلد ونجيب حقنا من ابونا اللي رمانا وحق امنا كمان
كامل
ومين بجا يابنات اللي هيسمح لكم انكم تروحو هناك البلد
ليلى
بص ياخالي احنا دلوقتي كبرنا وبقيت انا محامية وسعاد ظابط واميرة دكتورة وسمر مهندسة والحمد لله حضرتك بقيت تفتخر بينا من كده برضو
كامل
وهو اني بفتخر بيكم وبس ياليلي يابنتي ده انا نفسي اقول للدنيا كلاتها دول بناتى اللي مفيش منيهم واصل
سمر
ربنا مايحرمنا منك ياخال انت وماما نادية احنا بجد مش عارفين نودي جميلكم ده فين بس
نادية
عيب كده ياسمر جميل ايه ده اللي بتتكلمي عنه انتو بناتى انا واوعو في يوم من الايام تقولو
ليلى
واحنا طبعا منقدرش نقول غير كده ابدا يا احلى ماما في الدنيا
سعاد
ودلوقتي ناوين على ايه هنروح البلد على اساس ايه وايه الخطة اللي في بالكم
ليلى
طبعا احنا هنرجع البلد كأننا اغراب ورايحين نشتغل هناك ولما نروح انا هاقولكم على اللي ناوية اعمله فيهم كلهم
كامل
ابديت اخاڤ منيكي ياست المحامية ناوية على ايه
ليلى
على كل خير ياخالي ان شاء الله المهم انا كلمت سمسار هناك وخليته جاب لينا بيت جنب الجماعه بالظبط ولما نروح بقا هناك هنشوف الدنيا فيها ايه
وبعدها سافرو البنات على البلد ياترى ايه اللي هيحصل مع منصور ومراتة وولادة وعند منصور قال لسهير
ولدك الصايع وينة اني كنت عايزة يروح يتابع العمال في الأرض بدل ماهو داير يلف ورا البنات في كل مكان أكده
سهير
متجولش على ولدي صايع يا منصور ديه ولدي الغالي ديه مفيش واحده في الناحية كلاتها جابت زيه
منصور
ايوه ماهو فعلا مفيش واحده جابت واحد صايع زيه هو وأخوه اني ربنا مخيب الولدين الصبيان التنين وكله بسبب تربيتك الهباب على دماغك
سهير
وااه ما خلاص يامنصور عاااد ابااي عليك يعني مش دي الواد اللي كنت عتموت وتجيبة وبدل مكان عندك واحد بجو اتنين والتنين مش عجبينك وتجول عليهم صايعين
منصور
ايوه صايعين وطلعو فشلة من المدارس شوفتي ولاد اخوي مشاء الله عليهم اللي مدرس واللي مهندس واللي دكتور ولادك مطلعوش زيهم ليه اومال
سهير
بجولك ايه يامنصور اني ولادي مش زي حد واصل انت سامع ولا لاه اياك اسمعك تجول عليهم صايعين
وعند أدهم قال لأمه
يا اما ايه رايك لو ناخدك نفسحك النهاردة انتي بجالك ياما مخرجتيش من الدار
عفاف 
وااه انت عايزني اخرج اروح وين يا أدهم ياولدي اني جاعده في البيت مليش غيرة ياولدي
احمد
وااه على فكرة بجا ياما أدهم بيتكلم صوح انتي لازم تخرجي أكده وتغيري جو
وجه عليهم اخوهم يحي المدرس وقالهم
شوفت ياولاد اللي حوصل في البلد
أدهم
ايه اللي حوصل في البلد يايحي
يحي
واني راجع من المدرسة لجيت ناس بينزلو عفش كاتير أكده في الفيلا اللي جارنا اهنه ولجيت بنات انما ايه ياواد يا أدهم كيف الجمر شكلهم هيسكنو فيها
أدهم
بنات مين دول وجاين منين ياترى
احمد
اتاري العمال كانو شغالين في الفيلا بجالهم ياما بيوضبو فيها اكيد عشان اللي هيسكنو دول
عفاف
طيب وتفتكرو ياولاد مين اللي هيكون سكن فيها دول
يحي
معارفش ياما بس شكلهم أكده اغراب مش من الصعيد عشان طريقة لبسهم وشكلهم بيجول انهم ولاد ناس كويسين
أدهم
ههههه وانت بجا ي ولد عرفت تشوف شكلهم زين وتطجس في وشوشهم اني علمتك أكده يامدرس يامحترم
عفاف
ايوه صوح يايحي اخس عليك ياولدي اخس
وفضلو كلهم يضحكو عليه.......
اڼتقام بنات الصعيد
الجزء التالت
عند البنات في الفيلا ليلى قالت لسعاد
ها ياسعاد الخطة ماشية مظبوطة زي ماحنا مخططين لها
سعاد
دي ماشية عال اوي يا لولو
أميرة
انتو ناوين على ايه بقا عشان انا كده توهت منكم يابنات سلطانة ناوين على ايه
ليلى
ناوين على كل خير يا سعاد
سمر 
طيب متفطمينا على الحوار يا لولا بدالماحنا مش فاهمين حاجة كده
ليلى 
بصي ياستي انتي وهي اللي ناوية اعمله احنا هحاول نشتري الاراضي من الناس هنا بحجة ان احنا عايزين نعمل مشاريع وكده تمام طبعا في اللي هيوافق يبيع وفي اللي مش هيوافق
اميره
وانتي عرفتي منين بقا ياست المحامية النبيهه
ليلى
عشان الناس هنا ياقلب اختك صعايدة والأرض عندهم زي العرض بالظبط ومش بيحبو يفرطو فيها ابدا فحنا هنصغط عليهم عشان يبيعو
سمر
انتي شكلك عايزة تعملي فتنة في البلد يا ليلي انا حاسة ان الٹأر في قلبك مش ناحية ابوكي وأهله لا انا حساكي عايزة ټنتقمي من البلد كلها
ليلى
مش بالظبط ياسمر انا بس عايزة ادي لابوكم درس مش ينساه عايزة اعرفه ان البنات اللي هو خلفهم من سلطانة وكان خاېف ليجيبو له العاړ بقو دلوقتي احسن من اجدعها مېت راجل
سعاد
والله عندك حق يا ليلي خلاص احنا معاكي في اي حاجة
ليلى
دلوقتي المعلومات اللي انا جمعتها عن بيت ابوكم وجدكم ستهم بخيتة راحت بس جدتكم فايز حيا يرزق فاكرين جدكم اللي قال لخالكم زمان خودهم في داهيه واحنا ملناش دعوة بيهم
كلهم عيونهم دمعت واميرة قالت
بلاش تفكرينا باللي يوجعنا يا ليلي ارجوكي
ليلى 
معاش اللي يوجعك ياقلبي خليني اكمل يبقا فايز عايش ابوكم عايش هو وسهير مراتة واخواتكم الصبيان سعد وامجد من اصيع ناس في البلد سمعتهم زفت عيال شمال الشمال
سعاد
طيب وعمنا فؤاد ومراتة وولادة
ليلى
ولاد عمكم فؤاد أدهم مهندس ويحي مدرس واحمد دكتور وايهاب مسافر ألمانيا بيعمل هناك ماسيجتير
سعاد
يعني عمي فؤاد عرف يربي ولاده صح وطلعو كلهم مراكز اهو ياترى احمد بقا شكله ايه هييييييح
ليلى
فوقي ياسعاد مفيش مكان للمشاعر احنا جاين هنا ننتقم وبس وملناش دعوة بحد والحب القديم اللي كان بينك انتي وأحمد ده ده كان لعب عيال تنسيه خالص
سعاد بحزن
حاضر يا ليلي هنسي بسسس انتي عارفه يعني ااا ان القلب ده اااا.....
ليلى پحده
مفيش الكلام ده ياسعاد قولت لك فوقي وبلاش تفكري في الماضي ولا تربطي نفسك بيه
سعاد بحزن
حاضر يا ليلي اللي تشوفيه عن اذنكم انا داخله اوضتي
ودخلت سعاد اوضتها وسمر قالت لها
ليه كده يا ليلي مينفعش تقسي عليها كده انتي عارفه احمد كان بالنسبة لها ايه
ليلى
عارفه ياسمر عشان كده انا مش عايزها تتعلق بيه تاني البيت ده بكل الناس اللي فيه جم علينا ومحدش وقف جنبنا ابدا
أميرة
بس ولاد عمنا أيامها كانو عيال ومكنوش هيقدرو يقفوا قدام الكبار عشان كده احنا ملقناش حد يقف معانا
ليلى
خلاص يا أميرة انتهينا سيبوها عليا وانا هعرف اخليها ترجع