اڼتقام بنات الصعيد

بعد ماجابت البنات اني عحبها سلطانة مفيش واحده في جمالها
سهير
وااه وااه يعني ايه يامنصور اني وحشة ياراجل وجصدك تجول ان سلطانة احلى مني
منصور
انتي عارفه ان سلطانة احلى منيكي ياسهير وعشان أكده انتي غيرانة منها وكل شوية بتسلطيني عليها عشان اضړبها
سهير بخبث
احس عليك يامتصور واني اللي بعمل أكده عشانك وعشان مصلحتك ولما اجول لك بناتك يبطلو تعليم يبجا عشان مصلحتك برضك
منصور
خلاص ياسهير بناتى عيتعلمو لحد امهم ما تجول كفايه أكده ملكيش صالح بيهم واصل
قال كلامة ده وسبها ومشي وسهير قالت لنفسها
بجي أكده يامنصور طيب اما خليتك تترحم على حبيبت الجلب مبجاش اني سهير
وعدت الايام
سهير بتعامل سلطانة وبناتها وحش جدا وخلت ولادها الصبيان يكرهو اخواتهم البنات وقالت لهم
اني عايزاكم البت اللي تلمحوها فيهم تخرج بس من الدار تمسكوها تعلجوها من رجبتها امي معايزاش ولاد سلطانة يروحو دروس ولا مدرسة انتو سامعين ياواد انت وهو
رد ابنها سعد وقال
اطمني ياما اني اصلا مش عايز البنات دول يتعلمو عشان اني سجط السنة دي وهما نجحو وابوي لو عرف هيضربني اني
سهير
ابوك مش هيعرف انك سجط واني هاجولة انك نجحت ياسعد اني مش معايزاهوش يجول ان سلطانة ربت بناتها واني معارفاش اربيكم
سعد
اني مش عايز اتعلم ياما اني عايز اروح اشتغل في الورشة مع عم عطية هو شايفني اني شاطر جوي
سهير
ينهارك أخبر ياسعد انت ياواد بتهرب من المدرسة عشان تروح تشتغل صبي في الورشة لاه اني معايزاكش تعمل أكده اني عايزاك احسن من بنات سلطانة
سعد
لاه واني عايز ابقي ميكانيكي وهبجا انما العلام اني مش عايزة
سهير
والله شكلك انت واخوك هتتعبوني وياكم ياولاد منصور
وعدت الايام ومنصور عرف ان سعد سقط لما سمر بنته قالت له
اني عايزة اجولك على حاجة يابا حاجة مهمة جوي
منصور 
حاجة ايه يابت ما تجولي
سمر 
خود يابا دي شهادة اخوي سعد
منصور بفرحة 
ااه طبعا ناجح وجايب الدرجات النهائية ماهو الواد ديه طالع ناصح وواعي
سمر 
ناجح ايه بس يابا هو انت مش عارف تجرأ اللي مكتوب ولا ايه
منصور 
مانتي عارفه يابت المحروج ان اني مبعارفش أجرا ولا اكتب
سمر 
طيب يابا سعد اخوي سجط في كل المواد والمديرة جالت لي اني اذيك الشهادة ديه عشان تعرف اني عملت اللي عليا
وسبته سمر وجريت عند امها واخواتها ومنصور زعق وقال 
انت ياواد ياسعد انت زفت الطين انت
وجات سهير بسرعه هي وسعد وقالت له 
جرا ايه يامنصور عمال تزعج للواد أكده ليه في ايه 
ومسكة من هدومة وقاله 
تعالي ولد المحروج وضړبة بالقلم وقاله 
باجي انت تسجط في كل المواد واخواتك البنات هما اللي ينجحو بجا هي دي تربيتك ياست هانم لولادك الواد طالع ساجط والتاني كمان الله اعلم وانتي تجولي انهم نجحو
سهير 
مين اللي جالك انهم سجطو يامنصور ولادك ناجحين
منصور 
ناجحين كيف ياوليه انتي انتي لسه هتكدبي تاني اخته لسه مدياني الشهادة بتاعته واني شوفتها بعيوني دول انه ساجط
سعد 
كدابة يابوي دي اكيد كدابه وجابت لك شهادة واحد تاني عشان عارفه انك مش بتعرف تجرأ ولا تكتب
سهير 
والله ياسي هي سلطانة تسلط بناتها عشان يجوموك على ولادك ويبجا هما اللي على الحجر ولا ايه انتي ياست سلطانة تعالي اهنه
سلطانة 
في ايه ياسهير عماله تزعجي أكده ليه ماتهدي أكده اومال ليطج لك عرج
سهير 
سامع يامنصور بتجولي ايه انتي ازاى تسلطي بتك انها تجول لابوها ان ولدي سجط واني ولدي ناحج
سلطانة 
انتي ولدك ساجط ياسهير وبلاش تتضحكي على روحك المديرة ادت الشهادة لسمر وجالت لها اخوكي ساجط وادي دي لابوكي يعني بتي مغلطتش في حاجة واصل
وقام منصور علي سعد وفضل ينزل فيه ضړب ضړب وسهير قالت له 
كفاية بجا يامنصور الواد هيروح في يدك خلاص كفايه بجا أكده وانتي ياسلطانة ليكي روجة معايا انتي وبناتك
وبصت لها سلطانة بسخرية واخدت بناتها ودخلت اوضتها وليلى قالت 
هي كيف كانت عتتضحك على ابوي وتجولة ان ولدها نجح وهو ساجط هي مش عارفه ان ربنا هيظهر الحج واهو ظهرة
سلطانة 
خلاص يابنات ملكومش صالح بالموضوع ديه واصل سيبوها هي وولدها حرين ملناش دعوة بيهم
سعاد 
الوليه دي سو ياما واني معحبهاش واصل عشان بتفضل تجوم ابوي علينا وعايزاه يخرجنا من التعليم
سلطانة 
متخافوش يابنات ديه على چثتي لو فكرت تعمل أكده تخلي ابوكم يخرجكم من التعليم وياني يا هي في البيت دي
وعدت الايام وفي يوم أدهم ابن فؤاد قال لأمه انه هينزل يبات مع ولاد عمه سعد ومصطفى وقالت له 
ماشي يا أدهم انزل بات مع ولاد عمك والصبح تطلع علطول
أدهم 
حاضر ياما اني نازل ونزل أدهم في شقة عمه منصور وقالهم انه هيبات معاهم وفي نص الليل كانت سلطانة في اوضتها نايمة وسهير قامت بالليل وراحت عليها وشافها أدهم اللي مكنش عارف ينام عشان مغير مكانة شافها بتتسحب على اوضتة سلطانة ووقف بره الباب وبص لاقي سهير بتحط المخده علي وش سلطانة عشان تموتها الواد شاف المنظر كتم بوقة وجري مكانة
وتاني يوم الصبح البنات بيصحو امهم وليلى قالت 
امنا مالها مش بترد علينا ليه ياسعاد نادي على ابوكي بسرعه يشوف امي مالها
وجريو على ابوهم اللي جه بيصحي سلطانة وقال لهم 
امكم راحت يابنات امكم راحت وطلعت سهير فضلت تصوت وامه تصوت والنسوان اتلمت وسهير في العزا قالت 
ياحبيبتي ياسلطانة دي كانت كيف اختي بالظبط والله ده اني معارفاش هعيش كيف من غيرها
كل ده والبنات بيعيطو وبيبصو على سهير بغل وحقد عشان عارفين انها بتمثل ومش بتقول الحقيقه وشاكين فيها وفضل أدهم ساكت متكلمش
وعدت الايام والشهور وسهير فضلت تشغل البنات زي الخدامين عندها وستهم ام ابوهم وفعلا خلت منصور يطلعهم من المدرسة وجالهم كامل خالهم وقال لمنصور 
انتي كيف تخرج البنات من التعليم يا منصور اختي الله يرحمها كانت نفسها انهم يكملو تعليم
منصور 
واني جولت كفايه عليهم تعليم لحد أكده وهجوزهم
كامل 
انت اټجننت يامنصور عايز تجوز البنات وهما صغار أكده داني اوديك في داهيه انت سامع
منصور 
ملكش صالح ياكامل دول بناتى واني حر فيهم
كامل 
ودول يبجو بنات اختي الله يرحمة واني لازم احافظ عليهم واعلمهم كيف مكانت امهم عايزة بالظبط اسمع يامنصور اني هاخد البنات وياي على مصر وهناك هعلمهم ومش هجصر وياهم في حاجة واصل
سهير 
ياريت تاخدهم من دلوك ياكامل اني معايزاهمش في داري خليه ياخدهم يامنصور ويغورو من اهنه اهو يصرف عليهم بجا هو حر
منصور 
يعني ايه ياكامل هتاخد البنات بعيد عني ولا ايه
كامل 
وهو انت اصلا عايزاهم حريبين منك ده انت نفسك تخلص منيهم ولا انت نسيت يوم ولادتهم عملت في امهم الغلبانة اييه
رد ابوه وقال 
خلاص يامنصور سيبهم يروحو مع خالهم بس يكون في معلومك ياكامل احنا ملناش صالح بيهم ولا بصاريفهم واشرب انت بجا وشوف هتصرف عليهم كيف ياولد هلال
واخدهم خالهم ورجع بيهم على مصر ومراته فرحت بيهم جدا وقالت لهم
نورتو بينتكم ياحبايبي
لقت البنات كانت حزينة جدا وقالت لهم
انا عايزاكم تعتبرو نفسكم في بيتكم واي حاجة تعوزوها تطلبوها مني لو نفسكم في حاجة قولي لي اعملها لكم
كامل
انا مش هوصيكي على البنات يانادية عايزك تحطيهم في عينك
نادية
طبعا ياكامل دول هيبقوا بناتى بالظبط انت عارف ربنا مرزقناش بعيال ودول هيبقوا بناتى وحبايبي كمان
كامل
أصيلة يانادية