اتجوزت جوزي وانا نايمه _بقلم رحاب القاضي

اجهزلكم الغدا
نور 
ربنا يستررررر علي الغدا وعلي بطننا
غرام بضحك 
لا لا متقلقوش جبته جاهز لحد ما اتعلم اصلي بدأت اتعلم في رؤوف مش قادره والله بس انا اللي عملالكم العصير وهظبطكم استنوا عليا بس
علي الغدا
نور 
بس قوليلنا أنت حجزتي الفستان فى أنهى اتيليه علشان ابقي اروح اجر فستانى من عندهم
غرام سابت المعلقه بتوتر 
ااااا اعبيلك سلطه ولا مكرونه بالبشاميل هاتى هاتى اعبيلك عصير عصيرك خلص
نور 
يا بنتى عصير اي ومكرونه اى وسلطه اي بس دلوقتى بقولك فستانك من أنهى اتيليه هو الجواز اثر علي السمع بتاعك ولا اي
غرام 
معلش يا حبيبتى والله مش فاكره مكان الاتيليه خالص اصل رؤوف هو اللي وداني ليهم اصلا ف هسألهولك
نيلى 
ازاى بس يا غرام مش ده الاتيليه اللي قولتلنا انك لاقيتيه علي الفيس 
غرام 
فيس اااه ما أنا غيرته علي اخر دقيقه كملوا بقي اكلكم بدل الكلام اللي علي الاكل ده مش حلو هقوم اغسل ايدي وطبقي واحطلكم القهوه علي الڼار
علي الناحيه التانيه
رؤوف بتعب 
تعبت والله يا حماتى صعبانه عليا إنها مش فاكره يوم زي ده وصعبان عليا نفسي برضو فهماني
الام 
عارفه يا ابنى والله دي عين وصابتكم وإن شاء الله ترجع احسن من الاول لو ينفع تجيبهالي لحد ما ترجع تانى يبقي كتر خيرك أنا مش عايزه اتعبك
رؤوف 
اى الكلام ده بس يا حماتى دى مراتى مينفعش تقولي كده ده انا اشيلها علي رموش عيونى بس فاهمه انا قصدى أنه الوضع جديد و غريب و صعب فهمانى
الام 
فهماك يا حبيبي فهماك ربنا يصلح حالكم ويهدي سركم انت ابن حلال ربنا يبارك فيك ويبارك لمراتك فيك
باس رؤوف ايديها 
ربنا يباركلنا في عمرك يا أمى يلا هروح أنا بقى علشان مسبش غرام لوحدها فى البيت لو عوزتى اى حاجه رني عليا وانا عنيا ليكي
الام
ربنا يخليك يا ابنى متحرمش منك
بعد ما رؤوف وصل للبيت سحب المفتاح تاني من الباب وهو بيقول بتذكر
ينهار ابيض انا نسيت إن أصحابها جوا اعمل اي بس دلوقتى
خبط رؤوف علي الباب براحه
غرام بإستغراب 
انت ممعكش المفتاح ولا اي ي رؤوف
رؤوف وهو باصص علي الارض 
لا بس افتكرت إن صحابك هنا وانا قدام الباب السلام عليكم أنا آسف يا جماعه خدوا راحتكم
دخل رؤوف الاوضه وغير هدومه ونام علي السرير دخلت غرام عليه
غرام 
انت كويس يا رؤوف شكلك تعبان اعملك لمون
مسك رؤوف ايديها وباسها بحنيه
لا يا حبيبتي تسلم ايديكي مش عايز لمون ولا حاجه أنا هنام شويه روحي كملي قاعده مع صحابك علشان ميزعلوش ولا حاجه
هزت غرام راسها بهدوء وهي بتقول 
حاضر صحيح سالوني علي الاتيليه اللي حجزت فيه فستاني وانا مش فاكره خالص مكانه ولا اسمه حتى وقولتلهم اني هسالك لأنك أنت اللي عارفه
رؤوف هز راسه 
اسمه اتيليه برنسيس في أول المطريه يا حبيبتي
غرام بابتسامه 
ماشي يا رؤوف شكرا اجهزلك الغدا 
رؤوف 
لا لا تسلم ايديكي أنا اتغديت عند ماما روحي كملي معاهم علشان ميضايقوش منك
غرام هزت راسها 
حاضر يلا تصبح علي خير
خرجت غرام وقعدت معاهم 
نور 
ربنا يبارك في جوزك يا بت يا غرام ده مرفعش عينه ولا حتي قال حاجه وذوق اوي
نيلى 
خاېفه عليكم من الحسد يا غرام اللهم بارك اوعي تدخلي اي حد بيتكم وشغلي علطول سوره البقره ربنا يحفظك ويحفظنا يارب
غرام ابتسمت بحب وهي بتفتكر رؤوف 
هصبلكم عصير من اللي رؤوف لسه جايبه مش هتأخر عليكم ثواني
دخلت غرام وعملتلهم عصير وخرجت تاني وكملت القاعده معاهم
تانى يوم
غرام بنعاس 
صباح الخير اى ده اي الحلويات دي كلها بس رؤوف باشا عامل الفطار ب نفسه لا لا