اتجوزت جوزي وانا نايمه _بقلم رحاب القاضي

صراحه
رؤوف
ما تيجي نقعد سوا يا ستي شويه لسه بدرى علي ميعاد النوم
غرام 
ماشي بس مش هنقعد كتير أنا تعبانه وعايزه انام
بعد شويه 
غرام بضحك 
لا لا بس فاكر لما كنت بتستنانى عند السنتر كل يوم ھموت من الضحك كان وشك شبه البطاطسايه وتفضل تلف حواليا وصحابي كانوا فاكريني بقي بت كده ولا كده كنت مبوظ سمعتي يا عم الله يسامحك والله
رؤوف بضحك 
كنتى واكله دماغى كنت عايز احجزك قبل ما حد تانى يلهفك يا ستي والحمد لله الخطه نجحت عارفه أما روحت قولت لابويا عايز أخطب رنني علقھ ساعتها علشان كنت في ثانويه عامه وقالي ركز يالا في مذاكرتك واستنيت لحد ما بقيت في تانيه كليه ومطلعتش احمد زويل يعني بس اللي حبيته فيكي اكتر اني لقيتك مستنياني
غرام 
مستنياك اي يا عبيط أنا مستنتكش ولا حاجه أنا كنت باخد كورسات واطور من نفسى ده العرسان كانوا طوابير قدام باب شقتى مكنتش بعرف أخرج اروح اشوف مصالحي الصبح اصلهم كانوا سادين الباب
رؤوف بقرف 
لي يختى اللي كان متقدملك البيج رامي مثلا ولا اى 
غرام 
اي الاحراج ده تفتكر يا رؤوف هفتكر ليله فرحنا انا متضايقه اوى اني نسيت يوم زي ده والذكريات دى أنا حتى مش فاكره شكلي ولا طلتى يومها كانت عامله ازاي حتي اليوم اللي كل البنات بيبقوا مستنين علشان يخلدوا فيه ذكريات مع حبيبهم أنا مش فكراه واحتمال مفتكروش اصلا تاني
قام رؤوف واستغربت غرام وبعد شويه جه وحط قدامها الالبوم
رؤوف بابتسامه 
الصور وصلت النهارده وعديت خدتها وانا راجع من الشغل كنت احلى العرايس اللي شافتها عيني كانت طلتك جميله ومميزه امسكي شوفي معظم التفاصيل هنا أنا عارف إنك مش هتحسي بتفاصيل الصوره بشكل دقيق اوي بس اتمنى يعني تحسيه
مسكت غرام الالبوم وفتحته وعيونها مليانه دموع وضحكه مرسومه علي وشها 
انا ده شكلي كان حلو اوى شكلي كان زي البرنسيس وانت كمان شكلك حلو اوى
رفعت راسها لي وهي بتقول 
شكلي حلو اوى ياريتني كنت فاكره كل ده
رؤوف مسك ايديها بحب
الدكتور قال إنه فقدان ذاكرى مؤقت يعني هترجعي تاني عادى وهتفتكري كل تفاصيل حياتك متقلقيش
غرام 
انا اسفه انك مستني عليا كل الفتره دي حقيقى آسفه بس حقيقى عقلى مش قادر يستوعب اي حاجه
رؤوف بابتسامه 
متقوليش كده تانى يا غرام هو انا لو مستحملتكيش مين هيستحملك
ابتسمت غرام وكملوا سهرتهم سوا
تانى يوم
غرام 
صباح الخير يا رؤوف النهارده صحابي هيجوا يقضوا معايا اليوم قولت اقولك
رؤوف 
ماشي يا حبيبتى ينوروا في حاجه ناقصه عايزاني انزل اجبهالك قبل ما اروح الشغل 
غرام بابتسامه 
لا يا حبيبي شكرا كل حاجه موجوده هنا بس ابقي جيبلي اي حاجه مسكره علشان الكيكه اللي هنا ناقصلها حته وتخلص علشان ضغطي بيوطي بقاله فتره
رؤوف 
عيوني يا حبيبتي يلا مع السلامه هتاخر شويه علشان هعدى علي ماما واسيبك شويه مع صحابك
غرام بابتسامه 
ماشي ابقي سلملي علي طنط كتير
بعد شويه غرام قامت ونضفت البيت و مسحته وبدأت تبخر الشقه لحد ما صحابها جم
نيلي 
ايوه يا بت بقى احلوينا بعد الجواز واتدورنا محدش قدك
نور 
بس يا بت لحسن غرام بتتكسف قوليلي يا بت اول بنت هتسميها نور ماشي
ضحكت غرام بخفه 
لا لا مش دلوقتى خالص إحنا مأجلين الخلفه الفتره دى تماما لحد ما نكون مستعدين ليها تماما
نيلي 
انتي عبيطه يا بت في حد يأجل الخلفه ده الواحده بتكون عايزه تخلف دسته عيال علشان يكبروا معاها وتحسيهم اخواتك كده مش عيالك
غرام 
سيبوها للأيام واللي فيه الخير يقدمه ربنا يا ستى لسه بدري احنا لسه متجوزين هقوم