قصه بقلم رحاب القاضي

بحب اقول مستر مش استاذ..
_قالت كلامها وسابته ودخلت المطبخ وهو بص لعمار اللي كان بيضحك وقاله..
عمر _
انت بتضحك علي ايه ما هي شبهك عيله تافهه..
طلعت نور من المطبخ وقالتله بعصبيه _
اهو انت اللي تافهه يا مستر..
_اتنهظ عمر بضيق وراح سلم علي باباه وعبد الرحمن وبعد شويه اتجمعو كلهم علي السفره يتغدو وكان عمر ونور مش طايقين بعض وقال ابو عمر بهدوء..
ابو عمر _
عمار ابقي احجز في السنتر اللي بتاخد فيه دورس لنور معاك عشان هي نقلت علي مدرسه هنا في القاهره...
عمار _
حاصر يا بابا من عينيا..
قال عبد الرحمن لعمر _
انا باباك فالي يا عمر انك مدرس لغه عربيه وانا كنت طالب منك خدمه صغيره....
رد عليه عمر وقال _
اتفضل يا عمو انا تحت امرك..
قاله عبد الرحمن بجديه _
نور كانت مدرسه خاصه لغات والعربي عندها ضايع خالص كنت عايزك كل اسبوع تديها درس وتعلمها الحاجات المهمه قي اللغه العربيه..
ادايق عمر ورد عليه وقاله _
والله انا اا..
قال عبد الرحمن بسرعه _
انا هديلك المبلغ اللي تطليه..
قال ابو عمر پحده _
كلام ايه بس ده يا عبد الرحمن دي بنتك بنتي يا جدع هو هيشرح ليها ببلاش ووقت ما تحتاج اي حاجه تقوله..
ام عمر كمان قالت _
ايوه الحج ابو عمر معاه حق ده تحنا خلاص بقينا اهل..
ميل عمار علي عمر اللي كان مدايق وقاله _
نقول مبروك ولا نخليها لحد ما نجيب الدهب الاول...
رد عليه عمر پحده وقال _
اتلم واسكت خالص يا عمار..
وبعدين وقف عمر وقال _
انا شبعت يا جماعه بعد اذنكم قايم اغسل ايدي..
راك عمر يغسل ايده وقامت نور وقالت_
وانا كمان شبعت وهروح اغسل ايدي..
_دخلت المطبخ ورا عمر اللي كان مدايق ووقفت وراه وقالت بحزن..
نور_
لو حضرتك مدايق يا مستر عمر ممكن اقول انا لبابا اني مش عايزه اخد درس عربي..
بصلها عمر بهدوء واول مرنه ياخد باله من جمالها ورد عليها وقال...
عمر _
لا عادي ولا يهمك المهم بس تكوني شاطره وما تتعبنيش..
ردت عليه نور بحماس وقالت _
لا والله ده انا هعجبك اووي وهتشوف هتنبهر بيا صدقني..
ابتسم ليها عمر وقال _
انا انبهرت اصلا..
بصتله وهي مش فاهمه كلامه وبعدين قال هو بتوتر _
ايه رئيك نبدا من يوم الخميس الجاي يعني بعد اسبوع..
نور _
اوكي تمام هو ممكن سؤال يا مستر عمر...
اتنهد عمر بضيق وقالها _
بلاش مستر دي لو سمحتي وقولي ايه السؤال..
نور بفضول سالته وقالت _
انت ليه لابس الجلابيه البيضه دي..
رد عليها عمر وقال _
عشان النهارده الجمعه وانا بحب اصلي بيها الجمعه..
نور _
اااه بس شكلها جميل اووي عليك..
_جه يرد عليها بس ندهت عليها مامتها ومشيو من عندهم وفضل عمر واقف وهو بيفكر فيها ومبتسم جه عمار ووقف جنبيه وقال بخبث..
عمار _
يااا نوووور عيني ضميني حسيني..
عمر بتوتر قاله _
اااا بدل ما تحفظ اغاني لو ذاكرلك كلمه تنفعك يا ايو ملحقين ونص انت...
عمار بخبث رد عليه وقال _
بقولك ايه يا مستر ما تذاكرلي عربي مع نور يمكن انجح انا كمان..
_جري وراه عمر وفضلو يضحكو ويهزرو..
_وعدي كام يوم واخد عمار نور معاه وراحز حجزو الدروس بتاعتها في السنتر وهناك شافتهم شهد صاحبة عمار وقالت بغيظ..
شهد _
هااي انتي بقي نور..
ردت عليها نور وقالت _
ايوه انا نور انتي تعرفيني منين..
بصت شهد لعمار وقالت _
عمار حكالي عنك..
بصتلهم نور بخبث وقالت _
اااه قوليلي كده طيب بقولك ايه انا مش عارفه اتعامل مع عمار خالص واحنا بنات زي بعض ما تيجي نحجز سوا....
ابتسمت ليها شهد وقالت
_
اكيد طبعا تعالي معايا..
ضحك عمار وقال _
طيب انا كده جيت علي الفاضي بقي اروح امشي ارجع البيت ولا اعملكم ايه..
ردت عليه نور وقالت _
لا استني هنا هنخلص ونيجي نروح ناكل ايسكريم احنا التلاته ولا ايه يا شهد..
ردت عليها شهد وقالت _
ايوه طبعا موافقه..
_راحو مع بعض شهد ونور وحجزو الكورسات وبعدين راحو ياكلو ايسكريم...
شهد _
بس انتي طلعتي حلوه اووي يا نور غير ما وصفك ليا عمار خالص..
ردت عليها نور وقالت بخبث _
اكيد قالك اني وحشه عشان ما تغريش فاهمه انا الحركات دي..
ضحك عمار وقال _
ههههه هتتلموعليا انتو الاتننين ولا ايه..
نور بفضول _
سوري في السؤال بس هو انتو صحاب وبس ولا في حاجه تاني..
شهد بتوتر ردت عليها وقالت _
ها لا صحاب وبس و...
قال عمار بجديه وثقه _
بحبها وهتجوزها يا نور بعد ما نخلص الكليه واول ما ندخل الكليه هخطبها علي طول..
اتكسفت شهد وبصت الناحيه التانيه وهي بتضحك وقالت نور بمرح...
نور _
هيييح اللهم حب زي كده ياارب...
_ضحكو هما التلاته وقالت شهد لعمار وهي بتسأله..
شهد _
قولي يا عمار اخوك عمر رجع لميس سمر...
رد عليها عمار وقال _
لا للاسف وبيقول انه مش مرتاح معاها...
نور بضيق سالتهم وقالت _
هو مستر عمر مرتبط اصلا..
ردت عليها شهد وقالت _
لا هو امور في المدرسات بيعجبو بيه هو ما ارتبطش غير بيميس سمر بتاعت الانجلش بس اهو ما كملش معاها..
عمار بخبث قال _
ده بعد ما جيبنا الشوكلاته وكنا رايحين نخطبها قال لا مش مرتاح وهووب كنسل الموضوع بس هي برضو عناله تلف وراه عشان يرجعو..
نور بفضول _
طيب وهو سابها كده من غير سبب..
رد عليها عمار وقال _
لا طبها هي قبلها بيوم كانت في كافي مع مدرس تاني اسمه وائل ده بيكره عمر وهما ديما پيتخانقو مع بعض وواحد صاحبه شافهم وقالو...
نور بفضول _
طيب وهو لسه بيحبها..
عمار بخبث رد عليها وقال _
الله واعلم ابقي اسأليه يمكن يقولك..
_رجعت نور وبدات تشوف المواد بتاعتها وفجأه النور قطع فمسكت القطه توتي بتلعتها وطلعت بره البلكونه اللي كانت جنب بلكونة اوضة عمر ولقيتخ واقف بيلعب في الموبيل فقالت..
نور _
مساء الخير يا مستر..
بصلها عمر واتخض من القطه وقالها _
يا بنتي لو سمحتي دخلي البتاعه دي جوه انا عندي فوبيا منها...
ضحكت نور وقالتله 
ازاي بس حد يبقي عنده فوبيا من الطف حيوان علي وش الارض..
عنر بغيظ رد عليها وقال د
ايوه انا دخليها بقي لو سمحتي...
ضحكت نور وقالتله _
حاضر هسيبها اهو بس كده توتي زعلت منك..
عمر بغيظ رد عليها وقال _
يا شيخه ما تزعل ولا تتفلق هي حبيبتي هخاف علي زعلها..
بصت نور لموبيله وقالت _
انت عندك نت صح..
رد عليها وقال _
ايوه عايزه ايه..
نور بحماس _
افتحلي نقطة اتصال من عندك والنبي الواي فاي فصل عندي..
رد عليها عمر ببرود وقال _
لا اشحني مع نفسك..
نور بحزن _
عشان خاطري والنبي شويه وهقفل وبعدين الكهربا مش هتكول وهتيجي..
عمر _
طيب هفتحلك بس بلاش تشغلي فديوهات عشان الباقه ما تخلصش...
. نور بغيظ _
يا ربي علي البخل ايه يا ابني مش كده والله..
ضحك عمر وفتحلها النت وهي فضلت تكلم صحابها شويه كتايه وشويه صوت وهو كان واقف بيتفرج عليها وهو مبتيم وبعد شويه الكهربا جات فوقفت وقالتله..
نور _
ميرسي اووي يا مستر عمر انا قفلت من عندي اهو..
عمر 
عادي علي فكره لو عايزه تكملي كلام مع صحابك معنديش مانع..
نور بسخريه _
لا ما انا كده كده سارقه الواي فاي بتاعكم هيرك سابق يا اسطا..
بصلها عمر بغيظ وقال _
امشي
يا بنت انتي من