قصه بقلم رحاب القاضي

_بنت الجيران والعنيد... 
عمر وهو واقف في البلكونه بتاعتهم_
بس بس...
ردت عليه نور اللي في البلكونه اللي جنبيه وقالت _
امممم نعم يا مستر عمر..
عمر بهدوء قالها _
بحبك..
نور پصدمه _
ايييه اخيرا نطقت يا ابو الهول...
ضحك عمر وقالها _
ههه تتجوزيني يا نور..
نور بخبث ردت عليه وقالت _
لا مش موافقه...
عمر بغيظ _
مس موافقه ايه با اختي ده المنطقه كلها عارفه انك واقعه عليا..

اتنهدت نور وقالتله _
ماا علينا من كلمة واقعه دي بس انا مش هتجوز واحد بتاع بنات هاا...
عمر بسخريه رد عليها وقال_
بقي انا بتاع بنات يا بتاعت الولاد انتي...
نور بعصبيه _
انت بتقول ايه يا متخلف انت في حد يقول لبنت يا بتاعت الولاد وكمان بنت عايز يتجوزها....
عمر ببرود رد عليها وقال _
الله مش انتي اللي غلطتي فيا الاول يا بتاعت الولاد انتي...
_طلع في الوقت ده البلكونه عبدالرحمن ابو نور وبص لعمر پحده وقال بعصبيه..
عبد الرحمن _
هي مين دي اللي بتاعت ولاد يا استاذ عمر..
بصت نور وعمر لبعض پخوف وقال عمر _
_وقبل ما نبدأ قصتما اعرفكم علي بطلتنا النهارده واللي اسمها نور وعمرها ١٨ سنه في اخر سنه في ثانوي عام وفي يوم نقلت هي واهلها من بلدهم لبلد تانيه ووقفت العربيه اللي فيها العزال بتاعهم قدام العماره الجديده اللي هيسكنو فيها...
طلع عمر وهو لابس جلابيه بيضه من عمارتهم وسأل البواب وقاله..
عمر _
هو في ايه هنا يا عم سيد مين الجماعه دول وجايين تبع مين..
رد عليه سيد وقال _
دول السكان الجداد اللي اخدو الشقه اللي قبالكم يا استاذ عمر..
اتنهد عمر بضيق وقال _
اممم هو بابا اجر الشقه..
سيد رد عليه وقال _
لا ده الاستاذ عبد الرحمن اتملك الشقه..
ادايق عمر وقاله _
كمان اتملكها طيب انا رايح اصلي الجمعه متتاخرش يا عم سيد وتعالي صلي..
سيد بهدوء قاله _
من عينيا يا يا استاذ عمر اخلص نقل الحاجه واطلع بمصلحه من الاستاذ الجديد واجي وراك طوالي...
_سابه عمر ومشي وهو وطالع من العماره خبط في نور اللي كانت ماسكه القطه البيضه بتاعتها فخاف عمر ورجع لورا وقال پحده..
عمر _
اين يا حجه اللي انتي مسكااه في ايدك ده..
ردت عليه نور وقالت _
دي توتي القطه بتاعتي انت خاېف من قطه ههههههههه..
اتنهد عمر بضيق وقالها_
انتي جايه لمين هنا..
ردت عليه نور وقالت _
لا انا وبابا وماما السكان الجداد هنا حضرتك تطلع مين اااه عرفت انت البواب طلع الشنط مع بابي لو سمحت..
عمر بعصبيه قالها د
انا مش هرد عليكي غشان لو رديت هقول حاجه تزعلك...
_قال كلامه وسابها ومشي وبعدين طلعو الشقه بتاعتهم هي وباباها ومامتها وفجأه دخلت ام عمر وباباه وقالت..
ام عمر _
يا تولتميت الف اهلا وسهلا نورتو العماره..
ابو عمر _
كده يا عبد الرحمن تيجي من دبي كده من غير ما تقولي اعنل معاك الواجب ونستقبلوكم بطريقه كويسه..
رد عليهم عبد الرحمن وقال _
والله كفايه انكم ادتوني الشقه تمليك ده انت لو اخويا بجد يا حج ابو عمر مش هتعمل معايا كده...
رد عليه ابو عمر وقال _
ما انت تخويا برضو يا عبد الرحمن هو مش احنا ولاد عم يا جدع..
قالت الهام ام نور _
واكتر كمان يا حج ابو عمر...
ام عمر قالت _
طيب يا حج خد الاستاذ عبد الؤحمن واقعدو عندنا لحد ما نرتب احنا الشقه هنا..
الهام _
مش عايزين نتعبك معانا يا ام عمر..
ام عمر بهدوء _
تعبك راحه يا حبيبتي..
_مشي ابو عمر ومعاه عبد الرحمن وفضلت الهام وام عمر ونور يرقو الشقه ويرتبو الحاجات وبصت ام عمر لنور
وقالت لالهام..
ام عمر _
بسم الله ما شاء الله ربنا يخليهالك يا الهام دي كلوه اووي..
اتنهدت الهام وقالت _
والله علي قد جمالها ده علي قد ما بخاف عليها من الدنيا هي لا ليها اخ ولا اخت ولا حتي حد قريب مننا فبعد ما انا وباباها نقابل وجه كريم هنسيبها لمين..
ام عمر بخبث ردت عليها وقالت _
يا اختي ربنا يديكم طولت العمر وبعدين ربنا هيرزقها بأبن الحلال وتفرخو بيها وتطمنو عليها كمان الا هي عندها كام سنه..
ردت عليها الهام وقالت بهدوء _
لسه في تالته ثانوي عندها ١٨ سنه..
ام عمر بحماس قالتلها _
عشر سنين بينها وبيت عمر مش كتير..
الهام _
بتقولي ايه يا ام عمر ما سمعتش...
ام عمر بتوتر _
هااا لا يا حبيبتي ما بقولش حاجه. بقول بس دي في عمر الواد عمار ابني في تالته ثانوي هو كمان...
الهام بهدوء _
ربنا معاه ويوفقه..
_بعد شويه خلصو تنضيف الشقه وراحو كلهم بيت ابو عمر عشلن يتغدو مع بعض واول ما دخلو لقيو عمار طالع من اوضته وقالهم اول ما شافهم..
عمار _
ايه يا ماما انتي ما بتزهقيش عروسه تاني لعمر لا بس حلوه المره دي العروسه..
ضحكت نور وقالت ام عمر پحده _
عروسه في عينك يا حاتك لكمه دي طنطك الهام ونور بنت عمك عبد الرحمن...
عمار باحراج قالهم _
ياللهوي علي الكسفه نورتونا يا جماعه انا رايح الحمام عايزين حاجه..
_خلص كلامه ودخل الحمام والهام ونور فضلو يضحكو عليه..
الهام _
دمه عسل اووي يا حبيبتي ربنا يفرحك بيه..
ام عمر بضيق _
مطلع عيني هو واخوه بس عمر عافل ده مدرس لغه عربيه قد الدنيا...
الباب خبط فقالت ام عمر لنور _
افتحي يا نور انتي الباب وانا ومامتك هندخل نجهز الغدا سوا..
ردت عليها نور وقالت _
حاضر يا طنط..
_راحت نور فتحت الباب ولقيت عمر قدامها اللي اتفاجئ انها في بيتهم واتفاجئ اكتر لما قالتله..
نور _
نعم عايز ايه..
عمر بضيق _
وسعي كده من قدامي عايز ادخل...
نور پحده _
اما انك بواب مش محترم..
_خلصت كلامها وقفلت الباب في وشه وهو اتغصب وخبط جامد علي الباب فطلع عمار وسألها..
عمار _
ما تفتحي الباب يا بنتي انتي مش بتسمعي ولا ايه.
ردت عليه نور بضيق وقالت _
ده انتو عندكم بواب غلس اووي...
عمار _
يا شيخه حرام عليكي ده عم سيد حتت سكره..
نور قالتله _
لا لا مش عمو سيد انا علي التاني الطويل ابو جلابيه بيضه..
لطم عمار علي وشه وقال _
يا نهار اسود عمر..
_جري عمار فتح الباب ودخل عمر وهو متعصب وكانت نور مش فاهمه ووقف عمر قدامها وقال پحده..
عمر _
انا تقوليلي البواب وكمان تقغلي الباب في وشي يا مفعوصه انتي..
نور ردت عليه پخوف وقالت _
يا نهار مش فايت يعني انت مش البواب..
رد عليها عمار وهو بيلطم وقال _
لا يا اختي ده مش البواب ده عمر اخويا اشطر مدرس لغه عربيه ممكن تشوفيه..
نور پخوف قالتله _
سوري ما اقصدش والله..
سالها عمر پحده وقال _
انتي بتعملي ايه عندنا اصلا..
رد عليه عمار وقال _
يا ابني دي تبقي نور بنت عمو عبد الرحمن ابن عم بابا..
عمر بضيق _
اممم عشان كده بقي ابوك اداهم الشقه ملك..
عمار بقلق _
البنت واقفه عيب تقول كده..
اتنهد عمر وقال _
اما اروح اسلم علي عمو عبد الرحمن...
نور بهدوء _
سوري يا مستر عمر ما كانش قصدي..
ضحك عمار وقال _
ههههههه لتقولك مستر..
عمر پحده وهو بيقول لنور _
ما تقوليش الكلمه دي تاني انا مدرس لغه عربيه يعني تقوليلي يا استاذ..
نور بغيظ _
هو انت مالك نافخ نفسك عليا كده ليه
وبعدين انا