ظلمني ابويا الحلقه السادس عشر

احنا شركه فى كل حاجه ومتفتكرش انى عشان على طول بقولك حاضر ونعم وبنفذ اللى انت بتقوله انى ماليش رأى لا دا انا محمد الكنانى يعنى مش عشان ماشى وراك على طول ببقى انا ماليش لازمه لا دا عشان كانت قراراتك صح أما بقى تيجى تضيع كل ده فأنا مش هاسمح بده ابدا يا مروان
مروان أنت اللى بتقول كده يا محمد من امتى واحنا بنقف لبعض كده طول عمرنا فى ضهر بعض هيجى اليوم نقف قدام بعض
محمد انت اللى عملت كده مش انا وانت مش عايز تدخل الشحنه هدخلها انا وهتتسلم فى معادها
مروان سابه ومشى
محمد نفخ بضيق كل ده عشان بت
مروان خرج وطلع على المستشفى
دخل اوضه ساره لقى الممرضه معاها
مروان هى كويسه تقدر تروح النهارده
الممرضه ايوه بس تلتزم بالادويه اللى كتبها الدكتور
مروان طب يلا انا مستنى فى العربيه
ساره استغربت من طريقته ودخلت لبست وطلعت ركبت العربيه
طول الطريق وهو ساكت بس شكله متعصب
ساره احم احم انا بجد اسفه انى حطيتك فى الموقف ده وبشكرك انك أنقذت حياتى
مروان مردش عليها كل تفكيره أنه خسر صاحب عمره وعمال يفكر فى كلامه ممكن فعلا يكون كل ده وهم وهى مش بتحبه
ساره اتحرجت لما مردش عليها وسكتت
وقف مروان قدام مطعم فخم
ونزل وقال يلا
ساره ايه ده هو وقف هنا ليه ونزلت
دخلوا وكان المكان راقى وموسيقى هاديه بس فاضى
ساره هو احنا هنا ليه
مروان عشان نتغدى
ساره بس انا مش جعانه
مروان هتاكلى انتى خسرتى ډم كتير ولازم تاكلى
ساره امال المكان فاضى كده ليه
مروان أنا حجزته كله اصل مبحبش الدوشه وطلب الغدا
مروان هو هو
ساره ايوه سامعه حضرتك
مروان اتضايق وفى سره بلا حضرتك بلا زفت من اولها كده
مروان عايز اخد رأيك فى حاجه
ساره اتفضل
مروان اصل اسيا جايلها عريس وهى كانت شايفه أنه كويس اوى بس بعد كده اكتشفت أنه أعماله غير مشروعه بس هو قالها أنه مكانش بإيده يمشى فى الطريق ده وعنده استعداد أنه يسيبه ويضحى بكل فلوسه عشانها تفتكرى لو انتى مكانها توافق ولا لا
ساره بصراحه لو انا مكانها عمرى ما هوافق
مروان أتصدم بس مبينش ليه
ساره هى ايه اللى يضمن لها أنه بيقولها الحقيقه ومش بيضحك عليها ما ممكن بعد ما تتجوزه ويضمن خلاص يفضل مكمل فى اللى هو فيه دا وبعدين كمان انت قولت أنها اكتشفت يعنى مش هو اللى صارحها كمان يعنى لو مكانتش عرفت مكنش قالها حاجه
مروان بسرعه طب تفتكرى لو كان قالها ده كان هيغير موقفها
ساره بصراحه هى صراحته تحترم وكل حاجه ومعنى أنه قالها أنه اكيد بيحبها بس هى كمان بتحبه 
مروان مش عارف بقلم ندى الجندى
ساره انا متهيألى أنها متخاطرش يعنى اسيا جميله وكل حاجه فيها حلوه ليه توافق بواحد زى ده حتى