ظلمني ابويا الحلقه السادس عشر

الفصل السادس عشر
محمد پصدمه مروان ايه اللى انت بتقوله ده انا عمرى ماكنت اتخيل انك تقول كده مش انت اللى كنت بتقول الحب بيضعف وفعلا كان عندك حق اديك عايز اهو لاول مره تسيب شحنه لخالد بسببها فوق يا مروان لنفسك متخليش حد يستغل حبك ده ضدك
مروان ايوه انا اللى كنت بقول كده لكن اول لما شوفتها كل مفاهيمى دى اتغيرت عارف انا اتكسفت من نفسى اوى لما شوفت تصرفاتها اهى هى اهيه اتحطت فى نفس الظروف اللى احنا كنا فيها ويمكن هى اصعب كمان ولكن مفكرتش تعمل حاجه غلط على عكس احنا احنا استسهلنا 
محمد مروان ده مكانش بإيدنا متنساش احنا بقينا كده ازاى ومتفتحش فى القديم انت مروان الاسيوطى اشهر رجل اعمال فى العالم شركتنا فى كل حته مش فى الشرق الأوسط بس عارف ان اللى انت بتعمله ده هايهد كل ده

انت نسيت نسيت تعبنا وشقانا سنين عشان نوصل للى احنا فيه ده دلوقت جاى انت وبكل بساطه تقول انك مستعد تخسر كل فلوسك عشانها انا بقى مش مستعد يا مروان انت عايز تقع وقلبك خلاص عماك ولاغى عقلك انا بقى مش مستعد لده الحب مش لينا يا مروان
التعب السنين كده هيروح هدر
مروان بعصبيه ليه مايمكن دى فرصه لينا عشان ننضف وانت بنفسك قلت انا شركاتنا فى كل انحاء العالم مش بس الشرق الأوسط نكتفى بده ونسيب الطريق التانى
محمد انت فاكر أن هما هيسبوك تتخلى عن الطريق ده بسهوله لاما ھتتقتل لاما هترجع للشارع تانى ده لو سابوك عايش اصلا هى اصلا تعرف عنك ده اللى انت بتدافع عنها دى لو قولتلها الحقيقه مش هتعبرك قولتلها يا مروان
مروان سكت
محمد سكت يعنى يعنى كلامى صح وانت عايز تضيع كل ده عشان وهم هى مش عارضة اصلا بحاجه زى دى
مروان لا هى اكيد هتسامحنى وهتفضل معايا لما تعرف الحقيقه
محمد انت اعترفتلها بمشاعرك اصلا
مروان لا
محمد امال عايز تتخلى عن كل ده ليه افرض هى اصلا موافقتش بيك
مروان پغضب مين اللى ممكن ترفض مروان الاسيوطى
محمد يا سلام من كلامك عنها هى مش زى غيرها مش زى اللى بيترموا تحت رجليك
ايه اللى مخليك واثق أنها هتوافق ولا انت هاتستغل أنها ملهاش مكان تروحه فاملهاش خيار واكيد هتوافق
مروان لا طبعا مفكرتش كده ده اللى مخلينى اصلا مش عارف اقولها خاېف فعلا لتوافق مجبره عشان أنا ساعدتها أو تفتكر أن انا يساعدها للغرض ده بس
محمد مروان احنا طول عمرنا اكتر من اخوات وملناش غير بعض متخليش حاجه زى دى تنهى كل حاجه
مروان أنت كمان بتهددنى
محمد لا انا مش پهددك بس لازم تعرف أن عمر ماحد فينا خد قرار لوحده طول عمرنا بناخد رأى بعض يا مروان