قصه صعيدي ـــ الجزء الثاني والثالث والاخير ــ بقلم هويدا زغلول

ان اختي غلطانه وتستاهل كل اللي يحصل لها
فرح
وانت ازاي كنت عارفه كل ده وسايباها تعمل اللي هي عايزاه مش المفروض انك اختها الكبيره
ناديه
صدقيني انا حاولت اعمل كل حاجه حاولت ابعدها بكل الطرق بس ما عرفتش دماغي ناشفه والنهارده انا جايه بعد ما عرفت المصېبه اللي عملتها بالصدفه حتى هي ما قالتليش انا اللي سمعتها بتتكلم مع حد في التليفون علشان كده جيت اقول لكم عشان بيتكم ما يتخربش بسبب اختي
يونس
ازاي اذا كانت هي امبارح بتاخد رايي في عريس متقدم لها وبتحبه وكانت عايزاه يجي يتقدم وحد يقابله
ناديه
مجرد كلام وخلاص هي ما تعرفش حد او يمكن كانت بتستدرجك علشان خاطر تمسك يدك وادانا الصور انها طبيعيه
يونس
انا كده فهمت اختك ملهاش اي شغل عندي واحد غيري كان زماني حبستها لانها صورتني ولفقت صور مش حقيقيه
ناديه بدموع
حقك عليا انا يا يونس بيه دي عيله صغيره
يونس
وما فهمتهاش لانها عيله صغيره بالنسبه لي واني لو كنت اتجوزت بدري شويه كان زماني خلفت قدها
ناديه
اقسم بالله قلت لها بس ما اعرفش هي ليه بتعملي كده حقك علي حقكم عليا كلكم انا هبعدها عنكم خالص وانت خلاص مشيتها من الشغل
فرح
انت تاخدي اختك وتمشوا من البلد كلتها يا اما اقسم بالله لا احبسها لك واخليها تقضي عمرها كله في السچن ومش في حكايه الصور دي بس ممكن الفق لها اي مصېبه
ناديه
لا احب على يدك يا ست هانم احنا ما نقدرش
بهدله الله يخليكي ما تعمليش حاجه وبعدين
ملناش مكان تاني نروح احنا ولايه لوحدينا
فرح
ده ما يخصنيش تروحوا فوق مطرح ما تروحوا المهم انك تبعدوا عني انا وجوزي
ناديه
طب ما احنا فعلا هنبعد ومش هنقرب منكم واصل
فرح
بيع البيت واشتري لك مكان ثاني في حته تانيه بعيد عن قريتنا هنا خالص انت فاهمه وكل ده يحصل في خلال شهر لو فضلتوا موجودين في البلد انت حره
ناديه بدموع
حاضر يا ست هانم بالاذن
مشيت ناديه وهي بټعيط اما يونس اتصل على عشق وكان فاتح السبيكر
عشق
ازي حضرتك يا يونس بيه
يونس
اعتبري نفسك مرفوضه ما اشوفش خلقتك في الشركه واياك تعتبيها انت فاهمه
عشق پصدمه
ليه انا عملت ايه انا ما عملتش حاجه يا يونس بيه
يونس
والصور اللي بعتيها برده ما عملتيش فيها حاجه
عشق اصطنعت البكاء وقالت
انا كنت هكلم حضرتك بخصوص الموضوع ده انا في ناس باعثين لي الفيديو ده بېهددوني بيه
يونس بعصبيه
بطلي كدب بقى انت ايه ما بتشبعيش انا عرفت كل حاجه وتاخدي اختك وتمشي من البلد خلاص ما لكوش مكان في البلد دي لو فضلتوا موجودين ما تلوموش على نفسكم انا هعمل باصلي ومش هحبسك يا عشق علشان خاطر ابوك الله يرحمه
عشق
صدقني انا مظلومه ما عملتش حاجه واصل الله يخليك اسمعني
يونس
اختك عرفتنا كل حاجه ما فيش داعي للكذب اكثر من كده
عشق پجنون
دي كذابه انت هتصدقها وتكذبني انا ده هي غيرانه مني عشان عايز وما اتجوزتش لغايه دلوقتي لكن انا انا بحبك يا يونس انا حتى مستحمله مراتك دي علشان خاطر سعادتك انت انا ما عملتش حاجه
يونس ضحك بتريقه
يونس انت نسيتي نفسك ولا ايه يا عشق انت شغاله عندي انا كنت بحترمك وبعتبرك زي اختي عشان خاطر ابوك الله يرحمه بس بما انك طلعت بقله الادب دي مش عايز اشوف خلقتك تاني واختك واحده محترمه ما لهاش في الملوعه والكذب زيك
عشق عيطت وقالت پجنون
انا هخلص على نفسي لو سبتني انا ما اقدرش اعيش من غيرك يا يونس عملت ده كله علشان خاطرك