قصه صعيدي ـــ الجزء الثاني والثالث والاخير ــ بقلم هويدا زغلول

عمي
محمد
اللي محتاج يعقل هو انت مش احنا
فاطمه
مالك بس يا بتي حصل ايه مش معقول هتخربي بيتك عشان مشكله هايفه زي اللي حصلت دي وهو وعدني والله انه مش هيمد ايده عليك ثاني وحتى كان جاي ياخدك
فرح بدموع
وانا بقى مش رايده مستحيل ارجع لواحد بيخوني مع واحده
يونس مسك عصبيه وقال
ايه حكايه بخونك دي كمان الفتيها من دماغك
فرح فتحت التليفون ووريت الصور اللي كان طلع فيها مندمج قوي مع عشق
يونس بتوتر
الصور دي مش حقيقيه يا فرح ايوه انا كنت قاعد معاها في المطعم بس الحاجات دي اللي موجوده فيه ما حصلتش
فرح بدموع
شوف مين هيصدقك ورق الطلاق لو ما بقتش عندي انا هروح ارفع عليك قضيه خلع وما اعتقدش ان يونس ابن العمده يحب انه يبقى مخلوع من مراته
يونس
علي يا فرح طب اديني فرصه حتى افهمك ايه اللي حصل امبارح
فرح
مش رايده افهم كل حاجه مشروحه في الفيديو والصور شكي كان في محله
يونس
ما تقوليش كده يا فرح اقسم بالله ما خنتك ما تتكلم يا عمي
فرح بدموع
اصدقك ليه عملت ايه خليني اصدقك سايبني بقى لي اكتر من ثلاث ايام في بيت ابويا ومش رايدني ارجع لوحدي وبتقول اللي تمشي لوحدها ترجع لوحدها عايز تبقى مديت ايدك عليا وافضل قاعده في البيت حد قال لك ان ما عنديش كرامه ما ليش اهل
يونس
اسمعيني بس يا فرح انا اتضايقت لما مشيتي وسبت السرايا من غير حتى ما تسمعيني ولا تديني فرصه اتكلم عشان كده قلت ترجعي لوحدك لان انت فعلا مشيتي من غير ما انا امشيكي وبعدين انا خابر اني غلطت لما مديت ايدي عليك ودلوقتي انا طالب السماح والله
فرح
وانا بقى مش هسامحك وزي ما قلت لك ورقه طلاقي تبقى عندي انا مش طايقه اشوف خلقتك بعد كده
ياسين نزل من فوق وقال
ماما انت رايده تسيبينا وتمشي تاني انا ما صدقت انك رجعتي
فرح بدموع
اطلع لم هدومك انت واخواتك هتيجي معايا يلا
اميره بنتها
وابوي يا ماما
فرح
ما رايدهاش كلام كتير اللي رايد يجي يجي واللي مش رايد خليكم هنا
فعلا العيال طلعت تلم حاجتها وفاطمه قالت
ما تقول حاجه يا محمد انت واقف كده ليه
محمد
هقول ايه ما كل حاجه باينه اهي ابنك اللي غلط الاول وساب الفجوه بينهم تكبر
يونس
يا عمي انا معترف اني غلطان بس انا ما خنتهاش ده هي كانت بتكلمني
فرح بدموع
قلت لك ما رايتهاش اعرف حاجه انت حتى لو زي ما بتقول ما فيش بينكم حاجه ما كانش صح انك تنزل وتتغدى معاها ولا تقابلها في المطعم
يونس
انت معاكي حق وانا اسف يا ستي حقك علي
لسه فرح هتتكلم الباب خبط ومحمد فتح وكانت ناديه
يونس
ناديه في حاجه ولا ايه
فرح بتريقه
في ايه يا يونس بتكلم حماتك كده ليه ما هي بكره تبقى في مقام حماتك مش اخت العروسه
يونس
اسكت يا فرح ايه الكلام الفارغ اللي بتقوليه ده
ناديه باحراج
انا اسفه اني جيت من غير ميعاد بس كنت عايزه اتكلم معاكم في موضوع مهم انا عرفت بموضوع الصور اللي وصلت لك يا مدام فرح وانا ما رضاش بخړاب البيوت
فاطمه
تقصدي ايه وعرفتي منين حكايه الفيديو والصور دي
ناديه
بصراحه عشق اللي عملت كده انا ياما نصحتها تبعد عنكم خالص بس هي موهومه انها بتحب يونس ورايده تتجوزوا وانا ياما نصحتها بس ما سمعتش مني جوزك ما خنتيش ولا حاجه الصور دي مفبركه وهو بيعاملها زي اخته هي اللي شايفه معاملته الكويسه معاها حاجه تانيه حقك عليا يا ست فرح انا خابره