حبست حماتي لما عرفت جوزي اتجوز ــــ كامله ـــ بقلم هويدا زغلول

بقولك اتجوز وفرح قلبي بعيالك
جمال 
اتجوز ازاى واسيب رقيه اللي وقفت جنبي وعلى الحلوه والمره معايا كفايه انها مستحمله حالة التقشف اللي احنا فيها دي دي اكتر واحده بتدبر من مصروف البيت وبتساعدني
الام 
ايوه ايوه خليها كده ضاحكة عليك وواكله بعقلك حلاوة بس انت بقا حر انت وهي وخليك عايش معاها كده طول عمرك من غير لا عيل ولا تيل انا نازله شقتي
وسابته ونزلت ودخلي جمال وانا كنت بعيط وقالي 
متزعليش من امي يا رقيه انتي عارفه انها طيبة واللي قلبها على لسانها
رقيه 
امك طول عمرها پتكرهني وهتفضل تكرهني انا عارفة ومش هترتاح غير لما تجوزك
جمال 
وانا برضو هقدر اسيبك يا رقيه واعيش مع واحدة تانية كبري دماغك من الموضوع ده ياحبيبتي
وبعد ايام وانا بشتغل زي مانا ومحدش يعرف حاجة عن شغلي وفي يوم كنت في البيت وجمال قالي
انا جالي شغل حلو اوي يارقيه شغل هينقلنا في حته تانيه خالص
رقيه
بجد ياجمال وده شغل ايه ده ياحبيبي
جمال
راجل غني اوي وعايز يعمل رخام للفيلا بتاعته وطلب مني اني اشطبها له كلها على زوقي وهيديني في الشغل ده مبلغ محترم
رقيه
طيب الحمد لله ياحبيبي ده عشان انت طيب وابن حلال ربنا هيكرمك ان شاء الله..
جمال
بس الفيلا بتاعته يابت يارقيه جميلة اوي انا نفسي يبقا عندنا واحدة زيها ان شاء الله ربنا يكرمنا ويبقا عندنا زيها بس انتي قولي يارب
رقيه
أيدي في ايدك ياحبيبي واحنا يبقا عندها زيها واحلى منها كمان بس انا احوش قرشين حلوين كده على فلوس من معاك ونجيب اللي احنا عايزينو
جمال
انا هعمل المصلحة للراجل ده وأخلصها ونحاول بقا يبقا عندنا زيها
وفي يوم حماتي كانت بتكلم اختها في التليفون وقالت لها
ااه والله يانوال ياختي طلعت اللي ماتتسمي رقيه هي اللي مش بتخلف اهو عدي على جوازهم سنتين بحالهم ولسه مفيش حتة عيل يفرحو قلبي بيه
نوال 
يبقا ابنك لازم يتجوز يا عايدة مش هينفع يفضل كده من غير عيال لانه اكيد هيجي عليه يوم ويحس انه مشتاق للعيال ده بعد العمر مايعدي بيه
عايدة 
مش موافق يانوال انا اتحايلت عليه كتير والنبي ياختي ويقولي انا مش عايز غير رقيه وبس
نوال 
هي البت دي عامله لابنك عمل ولا ايه يا عايدة انا حاسه كده انه ماسك فيها جامد لا لازم ابنك يعقل ويشوف مصلحتة فين
عايدة 
خلاص شوري عليا اعمل ايه معاه يانوال انتي مفيش قدامك عروسة ينوبك ثواب في اختك
نوال 
عندي ياحبيبتي عروسة انما ايه مال وجمال ومش ها تخليه تجيب اي حاجة هي عايزاه كده وبس
عايدة 
ودي تطلع مين دي يانوال قولي لي عليها بسرعه عشان الحق اقول له عليها
وقالت لها على العروسة وحماتي قالت لجمال
بص بقا يابني انا خلاص كده مش هقدر استحمل اشوفك من غير عيال ااه اصل العمر بيجري وانا مش ضامنة عمري
جمال
عايزاني اعمل ايه يا أمي يعني
الام
انا نفسي تتجوز واحدة تخلف لك العيل اللي نفسي فيه
جمال
تاني الكلام ده يا أمي تاني انا قول.......
وقبل ما يكمل كلامة حماتي قالت له
ورحمة ابوك ما انت قايل حاجة عشان خاطري تتجوز دي عروسة لقطة ياجمال خالتك بتقولي واحده ست انما ايه زي القمر ومعاها فلوس كتير وممكن تحقق لك اللي انت بتحلم بيه
جمال
طيب ورقيه يا أمي أنا مش هطلقها انتي عارفه اني مش هينفع ابعد عنها
الام
يادي رقيه وزفتة هي البت دي سحرالك يابني ولا ايه على العموم ماشي خليها على زمتك بس تتجوز قولت ايه
جمال
خلاص سبيني افكر في الموضوع ده ونشوف
الام
متفكرش انت توافق وبس وقول انك موافق واذا كان على رقية انا هقدر أقنعها
جمال
لا متتكلميش انتي معاها انا هتكلم معاها واقنعها خلاص
ولقيت جمال طالع يقولي
بقولك ايه ياحبيبتي هو احنا مش كنا نفسنا نشتري فيلا وانتي كمان كان نفسك تعيشي فيها
رقيه
بصراحة نفسي اوي ياجمال بس منين هو انت خلصت الشغلانة اللي قولت لي عليها
جمال
ايوه خلصتها بس الفلوس اللي جات لي مش مكفيه اني اشتري بيها دي عايزة مبلغ كبير جدا يا رقيه
رقيه
طيب والعمل ايه بقا
جمال
العمل اني هتجوز واحدة غنية ومعاها فلوس كتير هاخد منها قرشين على اللي معايا واشتري الفيلا وننقل فيها قولتي ايه
فضلت بصاله وساكتة ومش بتكلم رد وقالي
انا عارف ان الموضوع صعب بس بصراحة يا