حبست حماتي لما عرفت جوزي اتجوز ــــ كامله ـــ بقلم هويدا زغلول

ياست هانم ربنا يبارك فيكي
الهانم
شكرا يا رقيه علي العموم خودي دول مكافأه عشان شغلك عندي اللي عجبني فيكي اكتر انك 
امينه وايدك مش طويله وبت جدعه 
كده
رقيه بفرحة
كل دول ياست هانم ربنا يخليكي يارب ويزيدك من نعيمة والله الواحد ماشي بالحلال
واخدت منها الفلوس ورجعت البيت ولما جمال رجع
جمال
ممكن افهم بقى انت على طول بتتاخري بره البيت ليه امي بتقول انك بقيتي تخرجي كثير اليومين دول وكمان بتتاخري
رقيه 
هو انا مش بستاذنك ان اروح لعمي التعبان شويه اعمل له اي حاجه وبصراحه ربنا هو مش بيسيبني اي حاجه نفسي فيها بيديها لي
جمال 
والله يا رقيه ربنا عالم بالظروف عمك ده طلع حنين قوي
رقيه 
مش بس كده انت ليه خبر حلو قوي انت هتفرح بيه
جمال 
قولي الله يخليكي اي حاجه تفرحني بدل النكد اللي بشوفه في الشغل
رقيه
انا حجزت عند الدكتور وهنروح له بكرة ان شاء الله ياجمال وعلى الله بقا تقول لي مش رايح
جمال
ماهو انا فعلا مش رايح انتي ايه اصلا اللي خلاكي تحجزي وانتي عارفه اني مش معايا فلوس يارقيه انتي اټجننتي حرام عليك يا رقيه انت عارفه ظروفي عامله ازاي وانت صبرت شويه
رقيه
لا ياجمال متجننتش بس انا معايا فلوس الدكتور وعشان كده حجزت ولازم نروح بقا نكشف
جمال
وجبتي الفلوس منين ان شاء الله ايه لقيتهم في الشارع وانتي ماشية ولا عمك اديهم لك زي ما بيديك فراخ ولحمه
رقيه
لا ياحبيبي انا حوشتهم شوية من مصروف البيت على شوية عمي اداني عشان يعني بروح اشوف طلباتهم هو ومراتة انت عارف
جمال 
نفسي افهم ايه الحنيه اللي نزلت على عمك دي ده ما كانش راضي يكمل جهازك ساعه ما كنا هنتجوز
رقيه 
وبدا يحس ان هو بيعمله ده غلط المفروض انت تكون فرحان يعتبر اللي انا باخده منه ده فلوس ابويا الله يرحمه انت عارف ان كان بيساعدو 
كتير ازاي
جمال
طيب ماهو الدكتور هيطلب تحاليل وادوية واشاعات الفلوس اللي معاكي هتكفي بقا
رقيه
اه هتكفي بس نروح للدكتور بكرة عشان ميعادنا عنده
ورحت انا وجمال للدكتور وقال لنا
انا كنت عايز منكم التحاليل دي هتعملوها وتجيبوها بكرة ان شاء الله لاني شاكك في حاجة وعايز اتأكد منها
جمال
خير يادكتور ايه اللي حضرتك شاكك فيه
الدكتور
والله يا استاذ جمال مش هقدر احدد غير لما شوف التحاليل
وفعلا عملنا التحاليل انا وجمال وقالي
انا مش فاضي اروح له تاني يا رقيه ياريت انتي تاخدي التحاليل وتروحي توديها له
رقيه
حاضر ياجمال انا اللي هاروح اودي التحاليل للدكتور
وبعدها رحت للدكتور بالتحاليل ورجعت البيت وجمال قال لي وكانت امه قاعده
ها عملتي ايه يارقية عند الدكتور طمنيني قال لك ايه وهو كان شاكك في ايه بالظبط
رقيه بحزن
الدكتور قال لي ان العيب مني انا ياجمال وانت كويس الحمد لله
الحما
يانهار اسود يعني انتي طلعتي مش بتخلفي يابت يعني ابني عايش معاكي كل ده وانتي اللي مش بتخلفي
جمال
اهدي يا أمي مش كده وبعدين انا مش عايز عيال كفايه عليا رقيه وبس
الحما
نعم ياروح امك وهي رقيه دي هتعمل لك ايه لما تكبر ومتلقيش عيل يشيلك وهي كمان هتعملو ايه بقا ساعتها
جمال 
يعني انتي عايزة ايه يا أمي مش فاهم برضو انا اعمل ايه اذا كان ربنا هو اللي عايز كده..
الام 
تتجوز ياعين امك تتجوز واحده ولاده وبتخلف عشان تجيب لك العيل اللي يشيلك واللي يفرح قلبي انا كمان
جمال 
بس انا مش عايز اتجوز انا مش عايز غير رقيه وبس
رقيه 
لو انت هتسمع كلامها ياجمال يبقا تطلقني وتسبني اروح لحالي انا مش ممكن اسمح اني يكون ضرة
الحما 
ده يبقا نهار ابيض يوم مايطلقك وتمشي من هنا ده انا حتى ساعتها هكسر وراكي قوله يلي ما بتخلفيش انتي
رقية 
انتي بتعايرني اني مش بخلف طيب افرضي كان العيب من ابنك دلوقتي كنتي هتقولي الكلام ده ياحماتي
الحما 
اخرسي فال الله ولا فالك ياختي انا ابني مايخلفش ليه انا ابني راجل من ضهر راجل وبكرة يتجوز ويجيب بدل العيل اتنين وتلاتة
رقية 
انت عجبك الكلام ده ياجمال انا تعبت على فكرة ومش قادرة استحمل بقا والله حرام كده
واڼهارت من العياط وسبتهم ودخلت اوضتي وجمال قال لامة 
ليه كده يا أمي بس هو انا ماينفعش اعيش مرتاح مع مراتي انتي لازم تنكدي علينا عيشتنا يعني
الام 
انا بنكد عليكم يابني كل ده عشان