مرات ابني _الاولي_بقلم هويدا زغلول

عايزة الڤضيحة يبقا تجهزي لي مبلغ وقال لها على الفلوس اللي هو عايزها
مها 
رد عليها وقال لها
مها
طيب طيب انا هتصرف هبيع الدهب بتاعي واجيب لك الفلوس بس ارجوك محدش يعرف حاجة وحياة أغلى حاجة عندك
رد عليها وقال
ماشي ياقطه اسيبك دلوقتي بس على فكرة انتي مزة جامده اوي وجوزك ده محظوظ جامد
ودخلت وقولت ليها
اسامه 
انتي بتعملي ايه يامها انا بنادي عليكي من الصبح انتي مشغوله في ايه
مها
هاا لا ياحبيبي انا معاك اهو انا بس كنت بكلم واحده صاحبتي بقالي كتير اوي مش كلمتها فقولت نتكلم شوية انا وهي انت كنت بتنادي عليا عايز حاجة
أسامة
ااه كنت عايز اشرب شاي بس طالما انتي مشغولة هاروح انا اعمله لنفسي
مها
لا لا ولا مشغولة ولا حاجة احنا اصلا خلصنا كلام هاقوم اعملك الشاي حالا
وأخدت تليفونها ودخلت المطبخ وقالت لنفسها
مها 
اعمل ايه ياربي وياتري مين ده وهكر تليفوني ازاى طيب انا احكي لاسامة وعرفه ولا محكيش اعمل ايه بس في المصېبه دي
وبعدها دخلنا نمنا وتاني يوم نزلت 
مها لامي وقالت ليها
مها 
بقولك ايه يا ماما انا هاروح لواحدة صاحبتي ازورها انا استأذنت من أسامة وهو قالي اروح لها
فايزة
طيب ياحبيبتي وماله روحي بس خلي بالك من نفسك يامها لو عايزاني اجي معاكي اجي ياحبيبتي
مها
لا ياماما خليكي انا هاروح وارجع علطول دي اصلا واحده في الشارع اللي جنبنا علطول
ومشيت مها وراحت عند اماني صحبتها وقالت لها
مها 
الحقيني يا اماني في واحد هكر تليفوني ودخل على الصور اللي عليه وعمال بيهددني بيها لو مدفعتش ليه فلوس وانا مش عارفه اعمل ايه ولا اتصرف ازاى
اماني پصدمة
انتي بتقولي ايه يامها ازاى الكلام ده حصل ودخل على تليفونك ازاى بس معقوله الكلام ده
مها
اه والله زي مابقول لك كده يا اماني وانا من ساعتها وانا هموووت من الړعب وقالي لو جوزي عرف حاجة هيفضحني بالصور في كل حتة
اماني
يلهوي ده ايه اللي بيحصل ده هو في كده ياناس ومين المؤذي ده بقا وبيعمل معاكي كده ليه يامها ده انتي حتى طول عمرك طيبة ومؤدبة وفي حالك ياحبيبتي.
مها
انا هتجنن ومش عارفه اعمل ايه انا فكرت ابيع الدهب بتاعي بس هاقول لأسامة ايه عن الدهب
اماني
طيب وهو مفيش حل غير الدهب يا مها مفيش حل تاني خالص
مها
لا مفيش حل تاني هجيب فلوس منين بس انتي عارفه انا مش بشتغل ومش باخد غير مصروف من أسامة يدوبك على ادي انا وهو
اماني
طيب ودلوقتي لو بيعتي دهبك وجوزك عرف هتقولي له ايه
مها
اومال انا جايه لك ليه ما انا جايه لك عشان تشوفي لي حل وتفكري معايا اعمل ايه مع الزفت اللي بيهددني ده
اماني
انت مفيش قدامك حل غير انك تعرفي جوزك يا مها وتقولي له عن الراجل اللي بيهددك ده اصل يعني انتي ملكيش ذنب ان واحد هكر تليفونك
مها
يلهوي طيب ماهو انا معرفش هو جاب رقمي متين ولا وصل لتليفوني ازاى وبعدين انا مش عارفه اصلا هجيبها لجوزي ازاى دي لا يا اماني شوفي حل تاني ارجوكي ساعديني
اماني
خلاص يبقا مفيش حل غير انك تبيعي دهبك وتشتري بداله صيني ويبقا نفس الشكل ده بالظبط
مها
طيب وانا هلاقي صيني نفس الشكل ده بالظبط يامها
اماني
طبعا هتلاقي يلا بينا ننزل بس الاول نبيعه