مرات ابني _الاولي_بقلم هويدا زغلول
طلبت نقلي من هنا هاروح الفرع التاني اللي في اسكندرية
أسامة
بتقولي ايه يا هند طيب ليه كده ما انتي قاعده معانا هنا في الفرع ده وكله تمام اهو عايزة تمشي ليه
هند
وانا اقعد ليه يا اسامة وانت اصلا خلاص بقيت مع واحدة تانية عايز مني ايه تاني وبعدين انا مش قادرة افضل هنا انت اصلا بقيت لواحدة تانية غيري انا مش قادرة اتصور ده
اعمل ايه بس ياهند ما انتي عارفه الظروف وحكمت بكده طيب ممكن تاجلي نقلك ده شوية خليكي معانا هنا شوية
هند
وهيفيد بايه يعني لو فضلت هنا انا لازم امشي هو انا ممكن اعمل مكالمة من تليفونك بعد اذنك
أسامة
طبعا ياهند اتفضلي التليفون اهو اعملي اللي انتي عايزاه
واخدت منه التليفون وبصت فيه كده وقالت له
الرقم اللي برن عليه مش بيرد متشكره يا اسامة انا همشي بقا وفعلا مشيت هند من قدامة
الام
انا مبسوطه اوي انك بقيتي معانا في البيت يامها متعرفيش انا بحب اد ايه يابنتي انتي خلاص بقيتي بنتي وحته مني
مها
ربنا يخليكي ليا ياماما انا كمان والله مبسوطة اني معاكي في البيت عشان انا من هنا ورايح اي حاجة تعوزيها اطلبيها مني علطول
أسامة
ايه ده بقا ايه ده بقا هو انا مليش شوية من الحب ده ولا ايه ياست مها
شوف الواد انت هتغير مني يا اسامة ياخراشي منك بقا دي اخرتها
مها
لا طبعا انتي الخير والبركة ياماما ده أسامة بيهزر بس مش اكتر
الام
ههههه عارفه ياحبيبتي يلا ربنا يسعدكم انا هنزل بقا شقتي واسيبكم ما انا مش هبات معاكم هنا يلا ياولاد تصبحو على خير
وبعدها نزلت وفي يوم كانت خالتي مديحه
عند امي وقالت ليها
مديحه
فايزة
اه والله يا مديحة عمري ماطلب منها حاجة غير وتقولي حاضر ياماما ومالهاش صوت كده وتلاقيها صوتها واطي مش زي اللي ابني كان عايز يجيبها ولا اعرف جايبها من اي داهيه
مديحة
ياختي ماخلاص بقا اديكي جوزتية للي انتي عايزاها اهو يلا ربنا يسعدهم يارب
يارب يامديحة ويملو عليا البيت عيال كده
مديحة
ان شاء الله قريب هلاقيكي بتفرحيني وبتقولي لي انها حامل انا حاسه انها قربت
ودخل أسامة وقال
اهلا ياخالتي وانا اقول البيت منور كده ليه اتاري خالتي عندنا
مديحة
ههههه طول عمرك بكاااش ياواد يا اسامة انت عارف ياواد انا بحبك عشان خفة دمك دي والله
أسامة
ربنا يخليكي ياخالتي اومال مها فين ياماما
جوه في المطبخ ياحبيبي بتعمل الغدا عشان خالتك هتتغدي معانا النهاردة ادخل شوفها خلصت كده ولا لسه
ودخل أسامة عند مها وقال لها
اسامه
حبيبتي لسه مخلصتيش الاكل ولا ايه يا جميل انتى عايزة خالتي تقول علينا ايه انتي عايزاها تقول انك مش بتعرفي تطبخي ولا ايه
مها
انا خلاص اهو ياحبيبي قربت اخلص الاكل واحطه على السفرة بقولك ايه يا اسامة ماتروح تحط الأطباق على السفرة
أسامة
حاضر ياقمري عشان خاطرك انتي بس هاروح اهو وراح أسامة وحط الاكل مع مها والكل اتجمع على السفرة وفضلو يتكلمو ويهزروا كتير اوي
وبعدها خالتي مشيت وطلع هو ومها شقتهم
وبعد شوية جات رساله على تليفون مها من رقم غريب بيقول لها
المجهول
مها
انت مين وجبت الصور دي منين
المجهول
مش مهم انا مين المهم ان تليفونك ياقمر بكل حاجة عليه معايا وانا مهكرة كله عندي ولو عايزة جوزك يعرف براحتك بس انتي اللي هتفضحي نفسك انما لو مش
